សមត្ថកិច្ចចម្រុះខេត្តព្រះសីហនុបានសហការគ្នាចុះបង្ក្រាបជនបរទេសអន្តោប្រវេសន៍ខុសច្បាប់ជាង១៤០នាក់ ដោយបានបញ្ជូនទៅនាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ ដើម្បីបណ្ដេញចេញពីកម្ពុជា។
តាមរយៈវីដេអូមួយដែលត្រូវបានគេបង្ហោះចែកចាយដោយអ្នកប្រើប្រាស់បណ្ដាញសង្គម ក្នុងនោះគេសង្កេតឃើញស្ត្រីជាជនជាតិវៀតណាមមួយរូបបានស្នើសមត្ថកិច្ចឱ្យជួយសង្រ្គោះខ្លួនចេញពីទីតាំងប្រតិបត្តិការឆបោកមួយនៅក្នុងខេត្តព្រះសីហនុ។
រដ្ឋមន្ត្រីក្រសួងមហាផ្ទៃ លោក ស ខេង បានអះអាងនៅថ្ងៃព្រហស្បតិ៍ម្សិលមិញថា មេខ្លោងនិងឈ្មួញកណ្ដាលបច្ចុប្បន្ន គឺកំពុងតែធ្វើប្រតិបត្តិការឆបោកតាមប្រព័ន្ធអនឡាញចេញពីប្រទេសកម្ពុជា។ ទោះជាយ៉ាងណា លោកថា ប្រជាជនកម្ពុជាភាគច្រើន គឺមិនមានជាប់ពាក់ព័ន្ធក្នុងសកម្មភាពឧក្រិដ្ឋកម្មទាំងនោះឡើយ។
សមត្ថកិច្ចបានឱ្យដឹងថា ព្រះរាជអាជ្ញាបានចោទប្រកាន់ជាបណ្ដោះអាសន្នទៅលើជនសង្ស័យជនជាតិចិននិងខ្មែរចំនួន៦នាក់ ពីបទជួញដូរមនុស្ស ជាផ្នែកមួយនៃការបង្ក្រាបដែលបានជួយសង្គ្រោះជនរងគ្រោះជាង១០០នាក់ ក្នុងរយៈពេល១២ថ្ងៃ និងបានរកឃើញដំបងឆក់ និងខ្នោះដៃនៅទីតាំងមួយក្នុងក្រុងព្រះសីហនុ។
គណៈកម្មាធិការប្រយុទ្ធប្រឆាំងការជួញដូរមនុស្ស បានបង្ហាញការប្ដេជ្ញាចិត្តក្នុងការបង្ក្រាបករណីជួញដូរមនុស្សដែលកំពុងកើតមាននៅក្នុងប្រទេសកម្ពុជាឱ្យមានប្រសិទ្ធភាព បើទោះជនសង្ស័យណាមួយមានទំនាក់ទំនងជាមួយមន្ត្រីមានអំណាចមួយចំនួនក៏ដោយ។
គ្រូបង្វឹកគុនខ្មែរម្នាក់ស្ថិតក្នុងចំណោមជនជាតិខ្មែរ និងជនជាតិចិនមួយក្រុម បានប្រឈមមុខនឹងការចោទប្រកាន់តាមផ្លូវច្បាប់ពាក់ព័ន្ធនឹងករណីឃុំឃាំងនិងបង្ខាំងមនុស្សខុសច្បាប់ បន្ទាប់ពីមានការឆ្មក់ចូលឆែកឆេរកាស៊ីណូ Jin Gang នៅខេត្តព្រះសីហនុ កាលពីខែមេសា ដែលក្នុងប្រតិបត្តិការនោះមានជនជាតិវៀតណាមជាង២០០នាក់ត្រូវបានរំដោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
