លោកនាយករដ្ឋមន្ត្រី ហ៊ុន សែន ដាស់តឿនអាជ្ញាធរខេត្តចំនួន ២ ឱ្យបង្កើនការយកចិត្តទុកដាក់អភិរក្សសត្វផ្សោត ក្នុងនោះត្រូវបង្កើតតំបន់ស្នូលអចិន្ត្រៃយ៍នៅតំបន់ដែលផ្សោតរស់នៅ ដើម្បីធានាបានថាគ្មានការនេសាទខុសច្បាប់ដែលប៉ះពាល់ដល់សត្វផ្សោត និងត្រីមួយចំនួនដែលជិតផុតពូជ។
អង្គការមូលនិធិសកលសម្រាប់អភិរក្សធម្មជាតិ (ហៅកាត់ថា WWF) អំពាវនាវទៅអាជ្ញាធរពាក់ព័ន្ធដាក់ចេញនូវវិធានការសមស្របបន្ទាន់ ដើម្បីបញ្ឈប់កុំឱ្យសត្វផ្សោតងាប់ដោយសារការនេសាទខុសច្បាប់បន្តទៀត ខណៈសត្វផ្សោតពេញវ័យមួយក្បាលត្រូវបានគេប្រទះឃើញងាប់នៅក្រុងក្រចេះ ខេត្តក្រចេះ។
សត្វផ្សោតអ៊ីរ៉ាវ៉ាឌី (Irrawaddy) មួយក្បាល ត្រូវបានប្រទះឃើញងាប់នៅក្នុងទន្លេមេគង្គ នៅចុងសប្ដាហ៍នេះ ដែលបង្ហាញពីការកើនឡើងគួរឱ្យព្រួយបារម្ភនៃការបាត់បង់ប្រភេទសត្វផ្សោតជិតផុតពូជ។
តំបន់អភិរក្ស «អន្លង់ផ្សោតកាំពី» ខេត្តក្រចេះ គឺជាតំបន់ការពារដ៏រឹងមាំមួយសម្រាប់រក្សាចំនួនសត្វផ្សោតប្រភេទនេះដែលជិតផុតពូជនៅក្នុងទន្លេមេគង្គ។ នេះក៏ជាហេតុផលសំខាន់មួយដែលក្រសួងបរិស្ថានគ្រោងដាក់តំបន់នេះជាតំបន់បេតិកភណ្ឌពិភពលោកធម្មជាតិដំបូងគេរបស់កម្ពុជា។
ផ្សោតមួយក្បាលដែលនៅសេសសល់ចុងក្រោយតែមួយគត់នៅអន្លង់ឈើទាល ក្នុងខេត្តស្ទឹងត្រែង ដែលជាប្រភេទផ្សោតឈ្មោះ «អ៊ីរ៉ាវ៉ាឌី» ត្រូវបានស្លាប់ហើយ ដោយសារកន្ទុយរបស់វារុំជាប់ទៅដោយមង ម្យ៉ាងវាមានវ័យចំណាស់ផង។
ប្រជាសហគមន៍នេសាទ និងនិស្សិតបរិស្ថានមួយចំនួន បានសម្ដែងក្ដីបារម្ភជុំវិញវាសនាសត្វផ្សោតទឹកសាបនៅកម្ពុជា ដែលកំពុងឈានទៅរកការផុតពូជដោយសារកត្តាគំរាមកំហែងជាច្រើន ដែលធ្វើឱ្យចំនួនសត្វផ្សោតមានការធ្លាក់ចុះជាបន្តបន្ទាប់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
