វិវាទការងារនៅរោងចក្រចំនួន៤ មិនទាន់ត្រូវបានដោះស្រាយចប់នៅឡើយ ខណៈក្រុមកម្មករបានដាក់បណ្ដឹងទៅក្រសួងការងារ និងបណ្ដុះបណ្ដាលវិជ្ជាជីវៈ សុំអន្តរាគមន៍អស់រយៈពេលជាច្រើនខែ នៅតែមិនទាន់មានលទ្ធផល។
កម្មករ-កម្មការិនីចំនួន ៣នាក់ បម្រើការងារនៅរោងចក្រ ស៊ិនឡន អ៊ិនធើណេសិនណល (ខេមបូឌា) ឯ.ក (CINLON INTERNATIONAL (CAMBODIA) CO.,LTD ស្ថិតតាមបណ្ដោយផ្លូវលេខជាតិ៤១ ក្នុងភូមិចាស់ ឃុំពេជ្រមុនី ស្រុកគងពិសី ខេត្តកំពង់ស្ពឺ បានស្នើទៅក្រសួងការងារជួយអន្តរាគមន៍ឱ្យពួកគាត់បានចូលធ្វើការងារវិញ ក្រោយថៅកែបញ្ឈប់ពីការងារដោយសារនាំគ្នាបង្កើតសហជីពក្នុងរោងចក្រ។
អង្គការឃ្លាំមើលសិទិ្ធមនុស្សអន្តរជាតិ Human Rights Watch អះអាងថា នៅកម្ពុជា មានតែសហជីពស្និទ្ធនឹងថៅកែទេ ដែលអាចបន្តរស់រានមានជីវិតបានល្អប្រសើរ ខណៈសហជីពឯករាជ្យក្នុងវិស័យកាត់ដេរសម្លៀកបំពាក់ និងទេសចរណ៍ រងការធ្វើទុក្ខបុកម្នេញឥតស្រាកស្រាន្ត។
សហជីពអះអាងថា កងរាជអាវុធហត្ថខេត្តតាកែវ បានហៅតំណាងសហជីពនៅរោងចក្រ ស៊ូព្រីមៀធូ ស្ថិតនៅឃុំពពេល ស្រុកត្រាំកក់ ទៅសួរនាំ ក្រោយពីពួកគេចូលរួមរៀនវគ្គបណ្ដុះបណ្ដាលពាក់ព័ន្ធសិទ្ធិរបស់កម្មករ។
កម្មករ-កម្មការិនី២នាក់ទៀត បម្រើការងារនៅរោងចក្រកាត់ដេរសម្លៀកបំពាក់ «ញូមីងដា ខេមបូឌា ខូអិលធីឌី (New MINGDA CAMBODIA Co.,Ltd)» ស្ថិតនៅតាមបណ្ដោយផ្លូវវេងស្រេង ក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ត្រូវបានថៅកែព្យួរការងារ ក្រោយនាំគ្នាបង្កើតសហជីពក្នុងរោងចក្រ។
កម្មករ២នាក់ទៀតដែលបម្រើការងារនៅរោងចក្រ អ៊ីស្តក្រោន ហ៊្វូតវែរ អ៊ិនដាសស្ទ្រី ឯ.ក (EASTCROWN FOOTWEAR INDUSTRY CO,.LTD) ស្ថិតនៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ត្រូវបានថៅកែបញ្ឈប់ពីការងារ ក្រោយនាំគ្នាបង្កើតសហជីពនៅក្នុងរោងចក្រ។
ក្រុមអ្នកធ្វើការងារក្នុងវិស័យលើកកម្ពស់សិទ្ធិកម្មករនិយាយថា សេរីភាពបង្កើតសហជីពឯករាជ្យ និងការផ្តល់បរិយាកាសល្អប្រសើរសម្រាប់សកម្មភាពសហជីពដែលអាចការពារប្រយោជន៍កម្មករពិតប្រាកដជារឿងចាំបាច់ ដើម្បីបញ្ចៀសការរំលោភសិទ្ធិការងារពីសំណាក់ថៅកែ និយោជក ក៏ប៉ុន្តែប្រសិនបើ សេរីភាពទាំងនេះមិនត្រូវបានធានា ហើយត្រូវបានរឹតត្បិត និងរើសអើង គឺជាមូលហេតុចម្បងមួយនាំឱ្យមានការរំលោភសិទ្ធិកម្មករក្នុងវិស័យការងារនៅកម្ពុជា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
