មេដឹកនាំកូរ៉េខាងជើងលោក គឹម ជុងអ៊ុន បានប្រកាសថា ប្រទេសនេះមិនប្រើប្រាស់អាវុធនុយក្លេអ៊ែរនោះឡើយ លើកលែងតែអធិបតេយ្យរបស់ប្រទេសនេះរងការរំលោភបំពានពីសំណក់មហាអំណាចនុយក្លេអ៊ែរដទៃទៀត។
ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃសុក្រនេះថា ប្រធានាធិបតីថ្មីភូមាបានជំរុញឲ្យបង្កើតក្រសួងថ្មីមួយសម្រាប់តួនាទីជាទីប្រឹក្សារដ្ឋរបស់លោកស្រី អ៊ុង សានស៊ូជី។ ការសម្រេចចិត្តនេះនឹងពង្រឹងឥទ្ធិពលរបស់លោកស្រី ស៊ូជី និងអាចប៉ះពាល់ដល់ពួកយោធា។
រដ្ឋមន្ត្រីការបរទេសជប៉ុនលោក Fumio Kishida បានធ្វើដំណើរទៅដល់ប្រទេសវៀតណាមហើយកាលពីថ្ងៃព្រហស្បតិ៍ម្សិលមិញ ខណៈប្រទេសទាំងពីរបង្កើនសម្ព័ន្ធភាពយុទ្ធសាស្ត្រមួយនៅចំពោះមុខមហិច្ឆតាដ៏ធំធេងរបស់ចិនក្នុងការគ្រប់គ្រងដែនទឹកនៅក្នុងតំបន់។
ពលរដ្ឋកាណាដានៅភាគខាងលិចរាប់ពាន់នាក់ត្រូវបានជម្លៀសចេញដោយសារតែភ្លើងឆេះព្រៃខ្លាំងក្លានៅតំបន់ Fort McMurray ជាច្រើនម៉ោងកាលពីថ្ងៃព្រហស្បតិ៍ម្សិលមិញ។
ក្រុមអ្នកសង្កេតការណ៍បាននិយាយថាមនុស្សយ៉ាងហោច២៨នាក់ត្រូវបានគេសម្លាប់នៅក្នុងករណីវាយប្រហារតាមផ្លូវអាកាសមួយទៅលើជំរុំជនភៀសខ្លួនមួយនៅភាគខាងជើងប្រទេសស៊ីរីជាទីដែលស្ថិតក្រោមការកាន់កាប់របស់ពួកបះបោរ។
កូរ៉េខាងជើងនៅថ្ងៃសុក្រនេះ បើកកិច្ចប្រជុំជាន់ខ្ពស់របស់មន្ត្រីដឹកនាំនៅក្នុងបក្សដែលមិនធ្លាប់មាននៅក្នុងរយៈពេលប្រមាណ៤០ឆ្នាំមកនេះ ដើម្បីជជែកពីស្ថានភាពអាវុធនុយក្លេអ៊ែរបស់ខ្លួន ខណៈអន្តរជាតិកំពុងព្រួយបារម្ភពីការសាកល្បងអាវុធរបស់កូរ៉េខាងជើងនៅពេលថ្មីៗនេះ។
អនុរដ្ឋមន្ត្រីម្នាក់និងសមាជិកសភាម្នាក់ទៀតរបស់ម៉ាឡេស៊ីកំពុងបាត់ខ្លួននៅរដ្ឋ Sarawak បន្ទាប់ពីឧទ្ធម្ភាគចក្រដឹកអ្នកទាំងពីរកាត់ផ្ដាច់ទំនាក់ទំនងនៅអំឡុងពេលធ្វើដំណើរពីតំបន់ Betong ទៅតំបន់ Kuching។
ប្រទេសឥណ្ឌូណេស៊ី ម៉ាឡេស៊ី និងហ្វីលីពីននឹងត្រូវចាប់ផ្ដើមល្បាតរួមគ្នានៅលើដែនទឹករបស់ពួកគេ បន្ទាប់ពីសកម្មភាពចាប់ជំរិតរបស់ក្រុមអ៊ីស្លាមជ្រុលនិយមបានកើនឡើងនាពេលថ្មីៗនេះ។
ត្រីតូចធំរាប់លានក្បាល រួមទាំងសត្វសមុទ្រផ្សេងៗទៀតនៅក្នុងសមុទ្រភាគកណ្តាលនៃប្រទេសវៀតណាមបានចាប់ផ្តើមងាប់តាំងពីខែមេសាមក ហើយបច្ចុប្បន្នអាជ្ញាធរមិនទាន់រកមូលហេតុឃើញនៅឡើយ។
អភិបាលរដ្ឋអូហាយ៉ូ លោក John Kasich បានសម្រេចបោះបង់ការប្រជែងប្រជែងបេក្ខភាពតំណែងប្រធានាធិបតីនៅក្នុងគណបក្សសាធារណរដ្ឋ បន្ទាប់ពីពិបាកប្រកួតប្រជែងទៅនឹងលោក ដូណាល់ ត្រាំ ដែលជាបេក្ខជនឈានមុខរបស់គណបក្ស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
