ភរិយាសពលោក កែម ឡី អំពាវនាវឲ្យប្រជាពលរដ្ឋខ្មែរចូលរួមក្នុងពិធីបុណ្យរំលឹកខួប២ឆ្នាំស្វាមីរបស់អ្នកស្រី ដែលគ្រោងនឹងរៀបចំនៅថ្ងៃទី៧ ខែកក្កដាខាងមុខនេះ នៅប្រទេសអូស្ត្រាលី។ នៅក្នុងវីដេអូឃ្លើបដែលបង្ហោះតាមបណ្ដាញសង្គមហ្វេសប៊ុក អ្នកស្រី ប៊ូ រចនា មានប្រសាសន៍ថា ការរៀបចំពិធីបុណ្យរំលឹកខួប២ឆ្នាំ នៃការស្លាប់របស់លោក កែម ឡី នឹងធ្វើនៅវត្តពុទ្ធរង្ស៊ី ហៅវត្តធំ ក្នុងប្រទេសអូស្ត្រាលី។ អ្នកស្រី ប៊ូ រចនា មានប្រសាសន៍ថា ថវិកាដែលទទួលបានពីការរៀបចំពិធីបុណ្យនេះ អ្នកស្រីនឹងបរិចា្ចក៤០ភាគរយដើម្បីឲ្យយកជួយប្រជាពលរដ្ឋខ្មែរដែលទទួលរងភាពអយុត្តិធម៌នៅក្នុងសង្គម និងជួយដល់ជនភៀសខ្លួនផងដែរ។ អ្នកស្រីបន្តថា ការសម្រេចបរិច្ចាកថវិកានេះ ដោយសារ អ្នកស្រីចង់បន្តបេសកម្មរបស់ស្វាមីអ្នកស្រីដែលបានធ្វើការងារជួយសង្គមកន្លងមក។ កូនសិស្សលោក កែម ឡី គឺ លោក មួង សូនី មានប្រសាសន៍ថា លោកនិងយុវជនផ្សេងទៀតនឹងរៀបចំបារព្ធពិធីរំលឹកខួប២ឆ្នាំនេះដែរ ដោយធ្វើនៅកន្លែងខ្មាន់កាំភ្លើងបានបាញ់សម្លាប់ លោក កែម ឡី។ អ្នកស្រាវជ្រាវពីការអភិវឌ្ឍន៍សង្គមលោកបណ្ឌិត មាស នី ចាត់ទុកការបរិច្ចាកថវិកានេះ ថាជារឿងល្អ។ លោកបន្តថា លោកចង់ឲ្យយុវជន