អង្គការឃ្លាំមើលសិទ្ធិមនុស្សអន្តរជាតិ (Human Rights Watch) អះអាងថា ខ្លួននឹងជំរុញឱ្យទីភ្នាក់ងារអង្គការសហប្រជាជាតិ (UN) និងស្ថានទូតនានានៅកម្ពុជា កាន់តែសកម្មក្នុងការការពារសកម្មជនសិទ្ធិមនុស្ស និងអង្គការក្រៅរដ្ឋាភិបាលនានា ដែលស្ថិតនៅក្រោមការគំរាមកំហែងពីរដ្ឋាភិបាលកម្ពុជាបច្ចុប្បន្ន។
អង្គការឃ្លាំមើលសិទ្ធិមនុស្សអន្តរជាតិ (Human Rights Watch) ថ្លែងថា ខ្លួនគ្មានសង្ឃឹមថាមានយុត្តិធម៌ពិតប្រាកដលើសំណុំរឿងឃាតកម្មលោកបណ្ឌិត កែម ឡី ឡើយ ដោយថា រដ្ឋាភិបាលលោក ហ៊ុន សែន គ្មានឆន្ទៈស៊ើបអង្កេតដោយស្មោះត្រង់ ដើម្បីលាតត្រដាងរកជននៅពីក្រោយអំពើឃាតកម្មនេះទេ។
គម្រប់ខួប៦ឆ្នាំនៃការបាញ់សម្លាប់បណ្ឌិត កែម ឡី នៅថ្ងៃទី១០ ខែកក្កដានេះ ក្រុមយុវជននិងសកម្មជនសង្គមមួយចំនួនដែលបានចូលរួមរម្លឹកខួបនៅស្ថានីយប្រេងឥន្ធនៈនៅស្ដុបបូកគោ បានប្ដេជ្ញាដើរតាមគំរូភាពនិងការលះបង់របស់លោកបណ្ឌិត ដើម្បីលើកយកបញ្ហាសង្គមមកចូលរួមដោះស្រាយឱ្យកាន់តែប្រសើរ។
មន្ត្រីសង្គមស៊ីវិល និងសហជីពមួយចំនួនបានបង្ហាញការមើលឃើញស្រដៀងគ្នាថា ជួប សម្លាប់ មិនមែនជាឃាតកពិត ក្នុងការបាញ់សម្លាប់លោកបណ្ឌិត កែម ឡី កាលពី៦ឆ្នាំមុននោះទេ ដោយសារភស្តុតាងមិនស៊ីចង្វាក់ជាមួយនឹងអង្គហេតុដែលកើតឡើងរវាងជនរងគ្រោះ និងអ្នកប្រព្រឹត្ត។
សង្គមស៊ីវិលប្រារព្ធពិធីសាសនា ដើម្បីឧទ្ទិសកុសល និងរម្លឹកខួប៦ឆ្នាំនៃមរណភាពលោកបណ្ឌិត កែម ឡី ដោយពួកគេនៅតែចាត់ទុកថា ការបាត់បង់បណ្ឌិតរូបនេះ ជាការបាត់បង់ធនធានដ៏កម្ររបស់កម្ពុជា ស្របពេលឃាតកម្មទៅលើរូបលោករហូតមកទល់ពេលនេះ រដ្ឋាភិបាលមិនទាន់អាចផ្ដល់យុត្តិធម៌ពិតប្រាកដនៅឡើយ។
ឃាតកម្មទ្រង់ទ្រាយធំនៅកណ្ដាលរាជធានីភ្នំពេញ ទៅលើលោកបណ្ឌិត កែម ឡី កាលពី៦ឆ្នាំមុន ហើយមកដល់ពេលនេះ នៅមិនទាន់មានអ្នកពាក់ព័ន្ធណាម្នាក់ត្រូវបានចាប់ខ្លួនយកមកផ្ដន្ទាទោស ដើម្បីផ្ដល់យុត្តិធម៌ឱ្យជនរងគ្រោះនៅឡើយ ក្រៅតែពីបុរសឈ្មោះ «ជួប សម្លាប់» នោះ។ បញ្ហានេះ ជំរុញឱ្យមានការបារម្ភថា ប្រព័ន្ធយុត្តិធម៌បានរអិលធ្លាក់កាន់តែជ្រៅទៅក្នុងសម្ពាធនយោបាយ ដែលនឹងធ្វើឱ្យប្រជាពលរដ្ឋងាយរងគ្រោះ ហើយពលរដ្ឋនឹងបាត់បង់ជំនឿចិត្តលើមន្ត្រីអនុវត្តច្បាប់។
ក្រុមយុវជនការពារសិទ្ធិមនុស្ស គ្រោងធ្វើពិធីកោរសក់ក្បាល និងសកម្មភាពអហិង្សាផ្សេងទៀត ដើម្បីរម្លឹកខួបនៃការបាញ់ប្រហារទៅលើអ្នកស្រាវជ្រាវការអភិវឌ្ឍសង្គម លោកបណ្ឌិត កែម ឡី កាលពី៦ឆ្នាំមុន និងជាសារជំរុញទៅរាជរដ្ឋាភិបាលឱ្យស្វែងរកយុត្តិធម៌ពិតប្រាកដ។
មជ្ឈមណ្ឌលសិទ្ធិមនុស្សកម្ពុជា ហៅកាត់ថា CCHR អំពាវទៅរដ្ឋាភិបាលជាថ្មីទៀត ឱ្យជំរុញទៅស្ថាប័នពាក់ព័ន្ធរបស់ខ្លួនត្រូវស្វែងរកអ្នកពាក់ព័ន្ធក្នុងករណីឃាតកម្មលើបណ្ឌិត កែម ឡី មកផ្ដន្ទាទោសតាមច្បាប់ ដើម្បីផ្ដល់យុត្តិធម៌ពិតប្រាកដដល់ជនរងគ្រោះ ខណៈអង្គការសង្គមស៊ីវិលមួយនេះនឹងរៀបចំរម្លឹកខួប៦ឆ្នាំនៃមរណភាពលោកបណ្ឌិត កែម ឡី ពេញមួយខែកក្កដា ខាងមុខនេះ។
តំណាងអយ្យការសាលាដំបូងរាជធានីភ្នំពេញ បដិសេធអត្ថាធិប្បាយជុំវិញដំណើរការក្ដីរឿងឃាតកម្មលើលោកបណ្ឌិត កែម ឡី ក្រោយតុលាការសម្រេចបំបែកសំណុំរឿងជា២ករណី ខណៈក្រុមអង្គការផ្នែកសិទ្ធិមនុស្សចាត់ទុកថា អ្វីដែលតុលាការញែកសំណុំរឿងនេះទៅជា២បន្ថែមទៀតនោះ គ្រាន់តែធ្វើឡើងដើម្បីឱ្យភាគីពាក់ព័ន្ធមានភាពស្ងប់ចិត្តប៉ុណ្ណោះ។
សហរដ្ឋអាមេរិក បានអំពាវនាវទៅរដ្ឋាភិបាលកម្ពុជាជាថ្មីទៀត ត្រូវស៊ើបអង្កេតឡើងវិញប្រកបដោយតម្លាភាព ករណីឃាតកម្មលើលោកបណ្ឌិត កែម ឡី ដើម្បីផ្តល់យុត្តិធម៌ជូនក្រុមគ្រួសារ ដែលកំពុងទន្ទឹងរង់ចាំរយៈពេល៥ឆ្នាំមកហើយ។
VOD គឺជាស្ថាប័នព័ត៌មានឯករាជ្យក្នុងស្រុកមួយ ដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
ចុះឈ្មោះដើម្បីទទួលបានព្រឹត្តិបត្រព័ត៌មានវីអូឌីប្រចាំសប្តាហ៍
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
