សកម្មជនមីយ៉ាន់ម៉ា និងជនរងគ្រោះពីការរំលោភបំពានចំនួន១៦នាក់ បានដាក់ពាក្យបណ្ដឹងព្រហ្មទណ្ឌនៅប្រទេសអាល្លឺម៉ង់ ដោយចោទប្រកាន់យោធាមីយ៉ាន់ម៉ា ថាបានញុះញង់ឱ្យមានអំពើប្រល័យពូជសាសន៍លើជនជាតិភាគតិចមូស្លីមរ៉ូហ៊ីងយ៉ា និងអំពើឃោរឃៅផ្សេងទៀត ចាប់តាំងពីរដ្ឋប្រហារយោធាកាលពីពីរឆ្នាំមុន។
ប្រទេសមីយ៉ាន់ម៉ា បានផ្ដន្ទាទោសជនជាតិភាគតិចរ៉ូហ៊ីងយ៉ា ចំនួន១១២នាក់ ក្នុងនោះមានកុមារ១២នាក់ ដាក់ពន្ធនាគារ បន្ទាប់ពីពួកគេត្រូវបានចាប់ខ្លួន ពីបទប៉ុនប៉ងចាកចេញពីប្រទេសនេះ។
ឧត្ដមស្នងការអង្គការសហប្រជាជាតិ ទទួលបន្ទុកជនភៀសខ្លួន (UNHCR) បាននិយាយថា ជនជាតិភាគតិច រ៉ូហ៊ីងយ៉ា យ៉ាងហោចណាស់ចំនួន១៨០នាក់ ដែលរសាត់អណ្ដែតនៅលើសមុទ្រអស់ជាច្រើនសប្តាហ៍ បន្ទាប់ពីចាកចេញពីប្រទេសបង់ក្លាដែសកាលពីខែវិច្ឆិកា ទំនងជាបានស្លាប់ដោយសារលិចទូកដ៏ទ្រុឌទ្រោមនៅខែនេះ។
អតីតអ្នកការទូត និងឯកអគ្គរដ្ឋទូតបង់ក្លាដែសប្រចាំសហរដ្ឋអាមេរិក លោក Humayun Kabir បានលើកឡើងថា ប្រទេសរបស់លោកកំពុងតែស្វែងរកការបញ្ចប់បញ្ហារបស់ជនភៀសខ្លួនរ៉ូហ៊ីងយ៉ា និងធ្វើកិច្ចការងារមួយចំនួនសម្រាប់ការត្រលប់របស់ពួកគេទៅកាន់ប្រទេសមីយ៉ាន់ម៉ាវិញ ដើម្បីផ្ដល់ឱ្យពួកគេនូវការរស់នៅក្នុងសង្គមដោយថ្លៃថ្នូរ បង្កើតសិទ្ធិនយោបាយ និងសង្គមសម្រាប់ពួកគេ ខណៈដែលបញ្ហានេះតម្រូវឱ្យមានកិច្ចខិតខំប្រឹងប្រែងពីគ្រប់ភាគី ដើម្បីឈានទៅរកដំណោះស្រាយរយៈពេលវែងមួយ។
ទីភ្នាក់ងារព័ត៌មានម៉ាឡេស៊ី Bernama បានផ្សាយថា វេទិកាជួបជុំដ៏ធំមួយ នឹងត្រូវបានគេរៀបចំឡើង នៅថ្ងៃទី០៤ ខែធ្នូខាងមុខនេះ ដើម្បបង្ហាញក្ដីបារម្ភរបស់សង្គមម៉ាឡេស៊ី ជុំវិញបញ្ហាជនមូស្លីមរ៉ូហ៊ីងយ៉ា។
យោធាភូមា ឲ្យដឹងថា ទាហានរបស់ខ្លួន បានសម្លាប់មនុស្ស ៦នាក់ និងបាត់បង់ទាហារ ២នាក់ នៅក្នុងការប៉ះទង្គិចជាមួយជនវាយប្រហារនៅរដ្ឋរ៉ាក់ឃីន កាលពីថ្ងៃម្សិលមិញដែលនេះគឺជាការផ្ទុះឡើងនូវអំពើហិង្សាថ្មីបំផុតនៅតំបន់រួមរិតទៅដោយវិបត្តិមួយនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
