យ៉ាងហោចណាស់ផ្ទះ២០ខ្នង ត្រូវបានខ្យល់កន្ត្រាក់បានបំផ្លាញអស់ ស្ថិតនៅភូមិអូរអណ្តូងកណ្តាល ស្រុកមង្គលបូរី ខេត្តតាកែវ។
អ្នកសារព័ត៌មានប្រជាពលរដ្ឋរបស់វិទ្យុវីអូឌី បានឲ្យដឹងថា ផ្ទះប្រជាពលរដ្ឋចំនូន២០ខ្នង និងដំណាំមួយចំនួនទៀត ស្ថិតនៅភូមិអូរអណ្តូងកណ្តាល ឃុំបន្ទាយនាយ ស្រុកមង្គលបូរី ខេត្តតាកែវ ត្រូវបានខ្យល់កន្រ្តាក់បំផ្លាញអស់ កាលពីថ្ងៃទី២៣ ខែមីនា វេលាម៉ោង៤រសៀល។ ហេតុការណ៍នេះមិនបណ្តាលឲ្យប៉ះពាល់ដល់អាយុជីវិតប្រជាពលរដ្ឋនោះទេ។
យោងតាមរបាយការណ៍របស់គណៈកម្មការគ្រប់គ្រងគ្រោះមហន្តរាយ ក្នុងឆ្នាំ២០១៨កន្លងមក មានមនុស្សចំនួន១១០នាក់ បានស្លាប់ និង៨២នាក់ បានរងរបួស ដោយសារបាតុភូតរន្ទះ។ ចំណែកគ្រោះខ្យល់ព្យុះបានកើតឡើង១៩៦ លើក បណ្ដាលឲ្យមនុស្សស្លាប់ ៦នាក់ របួស ៤៤នាក់ និងធ្វើឲ្យផ្ទះប្រជាពលរដ្ឋ៦០០ខ្នងរងការខូចខាតធ្ងន់ធ្ងរ និងជិត៣០០០ខ្នងរងការខូចខាតមធ្យម៕