នៅប៉ុន្មានឆ្នាំចុងក្រោយនេះ ដោយសារតែមានការប្រែប្រួលអាកាសធាតុផងនោះ បានធ្វើឱ្យកម្ពុជាជួបប្រទះគ្រោះរាំងស្ងួតនៅរដូវប្រាំងនិងទឹកជំនន់នារដូវវស្សា។
នាយកប្រតិបត្តិអង្គការសម្ព័ន្ធគណនេយ្យភាពសង្គម លោក សន ជ័យ មានប្រសាសន៍ថា ប្រសិទ្ធភាពនៃការគ្រប់គ្រងទឹក គឺសំខាន់ណាស់សម្រាប់ប្រទេសកសិកម្មដូចកម្ពុជា។ លោកថា ចាប់ពីពេលនេះ រដ្ឋាភិបាលគួរសិក្សាពីទីតាំងស្ដុកទឹកនិងត្រូវពិនិត្យរៀបចំហេដ្ឋារចនាសម្ព័ន្ធទឹកនេះឱ្យមានប្រសិទ្ធភាព ដើម្បីដោះស្រាយបញ្ហារាំងស្ងួតនាខែប្រាំងនិងទឹកជន់នាខែវស្សានេះ។