ព្រះមហាក្សត្រខ្មែរ ព្រះបាទសម្ដេចព្រះបរមនាថ នរោត្ដម សីហមុនី រួមទាំងសម្ដេចព្រះមហាក្សត្រិយ៍ ព្រះវររាជមាតាជាតិខ្មែរ ទ្រង់នឹងយាងទៅកាន់ប្រទេសចិននៅថ្ងៃសុក្រសប្ដាហ៍នេះ ដើម្បីពិនិត្យនិងព្យាបាលព្រះរាជសុខភាព។
យោងតាមលិខិតព្រះរាជសារ ព្រះកុរណាព្រះបាទសម្ដេចព្រះបរមនាថ នរោត្ដម សីហមុនី កាលពីថ្ងៃទី២៨ ខែកុម្ភៈ ដែលវីអូឌីទើបទទួលបានឱ្យដឹងថា ព្រះអង្គ និងសម្ដេចម៉ែ នឹងអវត្តមានពីមាតុប្រទេសចាប់ពីថ្ងៃទី៤ ខែមីនា ឆ្នាំ២០២២តទៅ ដោយត្រូវយាងធ្វើដំណើរទៅទីក្រុងប៉េកាំងនៃសាធារណរដ្ឋប្រជាមានិតចិន ដើម្បីពិនិត្យនិងព្យាបាលព្រះរាជសុខភាព។
ព្រះរាជសារដដែលបន្តថា ជាមួយគ្នានេះដែរ ប្រធានព្រឹទ្ធសភា លោក សាយ ឈុំ នឹងក្លាយជាប្រមុខរដ្ឋស្ដីទីក្នុងពេលព្រះអវត្តមានរបស់ព្រះមហាក្សត្រ ចាប់ពីថ្ងៃទី៤ ខែមីនា ឆ្នាំ២០២២ តទៅ ដើម្បីបម្រើកិច្ចការងារជំនួសព្រះអង្គដូចសព្វមួយដង៕