វិថីឆ្ពោះទៅបដិដុល្លារូបនីយកម្មនិងការពង្រឹងប្រាក់រៀល
ប្រាក់ដុល្លារអាមេរិកបាននិងកំពុងចរាចរយ៉ាងទូលំទូលាយលើទីផ្សារប្រទេសកម្ពុជា ជាពិសេសរយៈពេល៣១ឆ្នាំចុងក្រោយ ពោលគឺចាប់តាំងពីការរៀបចំឱ្យមានអាជ្ញាធរបណ្ដោះអាសន្នរបស់អង្គការសហប្រជាជាតិ (UNTAC) នៅឆ្នាំ១៩៩១ និងការរៀបចំការបោះឆ្នោតដោយអង្គការសហប្រជាជាតិ នៅឆ្នាំ១៩៩៣។ នៅពេលនោះ ប្រាក់ដុល្លារជាផ្លូវការចំនួន២ ០០០លានដុល្លារបានចាក់បញ្ចូលក្នុងទីផ្សារកម្ពុជា តាមរយៈការចាយវាយក្នុងប្រតិបត្តិការរបស់អង្គការសហប្រជាជាតិ។