អ្នកឃ្លាំមើលបារម្ភពីសន្លឹកឆ្នោតមិនបានការមានចំនួនច្រើន
ក្រុមអ្នកឃ្លាំមើលការបោះឆ្នោត បានសំដែងក្ដីបារម្ភរបស់ពួកគេដោយថា សន្លឹកឆ្នោតមិនបានការមានចំនួនច្រើន និងស្នើឲ្យ គ.ជ.ប រាប់សន្លឹកឆ្នោតឡើងវិញនៅតាមឃុំសង្កាត់ ដែលមានភាពមិនប្រក្រតី។
ក្រុមអ្នកឃ្លាំមើលការបោះឆ្នោត បានសំដែងក្ដីបារម្ភរបស់ពួកគេដោយថា សន្លឹកឆ្នោតមិនបានការមានចំនួនច្រើន និងស្នើឲ្យ គ.ជ.ប រាប់សន្លឹកឆ្នោតឡើងវិញនៅតាមឃុំសង្កាត់ ដែលមានភាពមិនប្រក្រតី។
ក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ គ.ជ.ប. បានប្រកាសថា ខ្លួនសម្រេចរាប់សន្លឹកឆ្នោតឡើងវិញនៅ ២៣ការិយាល័យ នៅឃុំដូង ស្រុករមាសហែក នៅថ្ងៃទី១២ ខែមិថុនានេះ។
គណៈកម្មាធិការជាតិរៀបចំការបោះឆ្នោត បានកែតម្រូវលទ្ធផលបោះឆ្នោតនៅឃុំមួយ ក្នុងខេត្តតាកែវ ដោយថា គណបក្សសង្គ្រោះជាតិ យកឈ្នះលើបក្សកាន់អំណាចវិញ។
គណបក្សប្រជានកម្ពុជាអះអាងថាខ្លួនឈ្នះការបោះឆ្នោតឃុំ-សង្កាត់ «ដ៏ធំធេង» បើទោះជាគណៈកម្មាធិការជាតិរៀបចំការបោះឆ្នោតមិនទាន់ប្រកាសលទ្ធផលផ្លូវការក៏ដោយ។
ការិយាល័យអង្គការសហប្រជាជាតិផ្នែកសិទ្ធិមនុស្ស ប្រចាំតំបន់អាស៊ីអាគ្នេយ៍ រំពឹងថា ការបោះឆ្នោតថ្នាក់ជាតិនៅឆ្នាំ២០១៨ខាងមុខនេះ នឹងប្រព្រឹត្តទៅដោយរលូនដូចការបោះឆ្នោតឃុំសង្កាត់នៅឆ្នាំ២០១៧នេះ។
កម្មកររាប់រយនាក់ប្រមូលផ្តុំនៅមុខក្រសួងការងារនៅព្រឹកថ្ងៃព្រស្បតិ៍នេះ ដើម្បីទាមទារឲ្យរដ្ឋមន្ត្រីជួយដោះស្រាយបញ្ហាថៅកែរបស់ពួកបានកាត់ប្រាក់ឈ្មួល១០០% ពេលឈប់សម្រាក២ថ្ងៃបន្ថែមទៅបោះឆ្នោតជ្រើសរើសក្រុមប្រឹក្សាឃុំសង្កាត់កាលពីថ្ងៃទី៤ខែមិថុនា។
អ្នកជំនាញខាងអភិបាលកិច្ច និងសង្គម យល់ឃើញថាការសម្រេចនៅតែអោបក្រសោបមន្ត្រីខ្លួនរបស់បក្សប្រជាជន ជាមួលហេតុដែលធ្វើឲ្យបក្សនេះកាន់តែបាត់បង់សំឡេងឆ្នោតនាពេលខាងមុខទៀត។ ការយល់ឃើញនេះគឺបន្ទាប់ពីបក្សប្រជាជនសម្រេចទទួលយកមេឃុំចៅសង្កាត់ ដែលចាញ់ការបោះ ឆ្នោតក្រុមប្រឹក្សាឃុំសង្កាត់ឆ្នាំ២០១៧ មកធ្វើជាជំនួយការរដ្ឋមន្ត្រីឬជំនួយស្ថាប័នរបស់រដ្ឋ។ បើមិនមានអ្វីប្រែប្រួលទេ មេឃុំ ចៅសង្កាត់របស់បក្សប្រជាជនដែលមិនជាប់ឆ្នោត ជាង៤០០នាក់នឹងត្រូវបានបក្សនេះជ្រើសយកមកធ្វើជាជំនួយការ និងទីប្រឹក្សា រដ្ឋមន្ត្រីនៅតាមក្រសួងស្ថាប័នរដ្ឋនានា ក្រោយពីលទ្ធផលនៃការបោះឆ្នោតឃុំសង្កាត់ចេញជាផ្លូវការ។ កាលពីដំបូងឡើយ មានលិខិតរបស់លោកស្រី ម៉ែន សំអន ក្នុងនាមលោក ហ៊ុន សែន ប្រធានគណបក្សប្រជាជនកម្ពុជា បានបញ្ជាឲ្យអ្នកចុះពង្រឹងបក្សនៅតាមខេត្តនីមួយត្រៀមខ្លួន ទំនុកបម្រុងថវិកាដល់មេឃុំ និងចៅសង្កាត់របស់គណបក្សដែលមិនជាប់ឆ្នោត។ ប៉ុន្តែក្រោយមកក៏មានលិខិតថ្មីមួយទៀត ដោយគណបក្សប្រជាជនកម្ពុជា តម្រូវឲ្យរដ្ឋមន្រ្តីតាមក្រសួងនីមួយៗត្រៀមទទួលមេឃុំ និងចៅសង្កាត់ដែលមិនជាប់ឆ្នោតមកធ្វើជាជំនួយការឬទីប្រឹក្សាវិញម្តង។ អ្នកឯកទេសខាងអភិបាលកិច្ច លោក ឱក សេរីសោភក្កិ៍ យល់ថាអ្វីដែលគណបក្សប្រជាជនកំពុងតែធ្វើ គឺបង្កឲ្យមានភាពច្រលូកច្រឡំរវាងកិច្ចការគណបក្ស និងកិច្ចការរដ្ឋ តែលោកថាការដែលផ្តល់តំណែងថ្មីដល់មេឃុំចៅសង្កាត់ដែលចាញ់ឆ្នោតនោះ គឺបង្កើនលទ្ធភាពការងារផង ហើយក៏ជាការបង្កឲ្យមានបញ្ហាកាន់តែធ្ងន់ដោយសារកិច្ចការបក្សកាន់តែចូលមកក្នុងកិច្ចការដឹកនាំរដ្ឋកាន់តែច្រើន។ លោកថា៖ « បើសិនជាយើងគិតពីបទពិសោធន៍រដ្ឋបាល ពួកគាត់ប្រកដជាមានបទពិសោធន៍រដ្ឋបាលជាក់ច្បាស់មែន! បើសិនជាប្រើក្នុងផ្លូវល្អផ្លូវត្រូវផ្លូវដែលដើម្បីបម្រើការពារប្រជាពលរដ្ឋខ្ញុំគិតថាវាបែបជាមិនអាក្រក់ទេ ក៏ប៉ុន្តែបើសិនជាគាត់ធ្វើការចូលរដ្ឋាភិបាលមែនដើម្បីទទួលបានតំណែង តែប្រើតួនាទីរបស់បក្សដែលបែងចែកគ្នាមិនដាច់ ខ្ញុំគិតថាប្រជាពលរដ្ឋគាត់មិនល្ងង់ទៀតទេ។ លោកនឹងពិនិត្យមើលឃើញហើយនឹងធ្វើការសម្រេចចិត្តក្នុងពេលមួយឆ្នាំទៀតដូច្នេះហើយនេះវាដូចជាកាំបិតមុខពីរអញ្ចឹង »
ជាលើកដំបូងហើយ ដែលគណបក្សកាន់អំណាចស្នើសុំរាប់សន្លឹកឆ្នោតឡើងវិញក្នុងឃុំសង្កាត់មួយចំនួនដែលខ្លួនចាញ់ ចាប់តាំងពីកម្ពុជារៀបចំការបោះឆ្នោតដោយខ្លួនឯង។
អភិបាលខណ្ឌឫស្សីកែវ លោក ជា ពិសី កាលពីថ្ងៃម្សិលមិញនេះ បានបង្ហោះសារហួសចិត្តនៅលើទំព័រហ្វេសប៊ុករបស់លោកថា ពលរដ្ឋមួយចំនួន បានធ្វើទង្វើចាក់អង្ករយកអង្កាម ដែលនេះគឺជាសារកើតឡើងក្រោយគណបក្សប្រជាជនកម្ពុជា បានបាត់សំឡេងគាំទ្រភាគច្រើននៅក្នុងខណ្ឌមួយនេះ ទៅខាងគណបក្សសង្គ្រោះជាតិ។
របាយការណ៍មួយបង្ហាញថា គណបក្សប្រឆាំង បានឈ្នះសំឡេងគាំទ្រនៅក្នុងខេត្តកំពង់ធំ ពោលគឺបាននាំមុខគណបក្សកាន់អំណាច ប៉ុន្តែ ចំនួនឃុំសង្កាត់ដែលបក្សប្រឆាំងឈ្នះ បែរជាចាញ់បក្សកាន់អំណាចទៅវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម