ក្រោយពីប្រព័ន្ធបោះឆ្នោតនៅកម្ពុជាបង្កើតបានក្បាលម៉ាស៊ីនដឹកនាំរដ្ឋបែបឯកបក្សជិត៥ឆ្នាំមកនេះ បានលេចចេញនូវរោគសញ្ញា២ផ្ទុយគ្នា នោះគឺការប្រកាសពីផែនការបន្តវេនរបស់ក្រុមអ្នកនយោបាយឈ្នះឆ្នោត និងបទឧក្រិដ្ឋជួញដូរមនុស្សឆ្លងដែន ប្រទាក់ក្រឡាគ្នាលើទឹកដីកម្ពុជាដែលមិនធ្លាប់មាន។
បណ្ដាញជជែកតាមតេឡេក្រាមឈ្មោះ White Shark ដែលមានអ្នកប្រើប្រាស់ជាង៥ ៧០០នាក់ មានការជជែកអំពីការជួញដូរមនុស្ស ជាពិសេសនៅខេត្តព្រះសីហនុ ប្រទេសកម្ពុជា និងកន្លែងផ្សេងទៀតនៅអាស៊ីអាគ្នេយ៍។
ផ្សារបុរាណនៅកម្ពុជាតែងតែមានសកម្មភាពមមាញឹកខ្លាំង ហើយអាជីវកររូតរះបើកដំណើរការអាជីវកម្មរបស់ពួកគេពីព្រឹកព្រលឹម និងបិទទៅវិញនៅមុនថ្ងៃលិច។ ផ្ទុយពីផ្សារទំនើបដែលកំពុងតែរីកដុះដាលក្នុងពេលបច្ចុប្បន្ន ដែលចាប់ផ្ដើមបើកទ្វារយឺតជាង ប៉ុន្តែដំណើរការអាជីវកម្មអាចនៅបន្តរហូតដល់ម៉ោង៩ ឬម៉ោង១០យប់។
ស្ត្រីលេចធ្លោចំនួនបីរូបមកពីគណបក្សក្រៅរដ្ឋាភិបាល ចង់ប្រែក្លាយបទពិសោធនៃជីវិតដ៏លំបាករបស់ខ្លួនទៅជាផែនការគោលនយោបាយ សម្រាប់ដោះស្រាយបញ្ហាស្ត្រីក្នុងសហគមន៍របស់ខ្លួន។ អ្នកស្រី ចៅ រតនៈ មកពីគណបក្សភ្លើងទៀនដែលគេដឹងថាស្និទ្ធនឹងលោក សម រង្ស៊ី, អ្នកស្រី អោម យូរ៉េត តំណាងឱ្យគណបក្សរាជានិយមហ៊្វុនស៊ិនប៉ិច និងអ្នកស្រី ស សារ៉ាត់ មកពីគណបក្សប្រជាធិបតេយ្យមូលដ្ឋាន គឺជាម្ដាយ និងជាស្ត្រីដែលបានជួបប្រទះនូវអំពើហិង្សាក្នុងគ្រួសារ រងនូវភាពអយុត្តិធម៌ ការបៀតបៀនលើស្ត្រី និងវិសមភាពក្នុងសង្គម ជាដើម។
ប្រាក់ដុល្លារអាមេរិកបាននិងកំពុងចរាចរយ៉ាងទូលំទូលាយលើទីផ្សារប្រទេសកម្ពុជា ជាពិសេសរយៈពេល៣១ឆ្នាំចុងក្រោយ ពោលគឺចាប់តាំងពីការរៀបចំឱ្យមានអាជ្ញាធរបណ្ដោះអាសន្នរបស់អង្គការសហប្រជាជាតិ (UNTAC) នៅឆ្នាំ១៩៩១ និងការរៀបចំការបោះឆ្នោតដោយអង្គការសហប្រជាជាតិ នៅឆ្នាំ១៩៩៣។ នៅពេលនោះ ប្រាក់ដុល្លារជាផ្លូវការចំនួន២ ០០០លានដុល្លារបានចាក់បញ្ចូលក្នុងទីផ្សារកម្ពុជា តាមរយៈការចាយវាយក្នុងប្រតិបត្តិការរបស់អង្គការសហប្រជាជាតិ។
សហគមន៍ចាប៉ីអមតៈ បានប្រារព្ធពិធីរំឭកគុណព្រឹទ្ធាចារ្យចាប៉ីដងវែង និងដើម្បីបណ្ដុះស្មារតីដល់យុវជនជំនាន់ក្រោយ ចូលរួមថែរក្សា និងស្រឡាញ់វប្បធម៌ខ្លួន ខណៈដែលសិល្បៈតន្ត្រីបុរាណមួយនេះហាក់មិនមានអ្នកចាប់អារម្មណ៍សិក្សាក្នុងពេលបច្ចុប្បន្ន។
នៅប្រទេសកម្ពុជា ភាគច្រើនគឺស្ត្រីជាអ្នករ៉ាប់រងការងារផ្ទះស្ទើរតែទាំងអស់ ដូចជា ការចម្អិនអាហារ ការបោសសម្អាត និងការថែទាំគ្រួសារ ការមើលថែកុមារនិងមនុស្សចាស់ក្នុងគ្រួសារ ជាដើម។ ការងារផ្ទះ គឺជាសកម្មភាពប្រចាំថ្ងៃនិងចាំបាច់សម្រាប់គ្រប់ក្រុមគ្រួសារនីមួយៗ ប៉ុន្តែដោយសារតែការងារនេះមិនបានបង្កើតប្រាក់ចំណូលជាចរន្តនៃសេដ្ឋកិច្ចជាតិ បញ្ហាដែលទាក់ទងនឹងការងារផ្ទះមិនត្រូវបានគេយកចិត្តទុកដាក់ឡើយ។
តើអ្នកនឹងមានអារម្មណ៍យ៉ាងណា ប្រសិនបើអ្នកភ្ញាក់ពីដំណេក ហើយអ្នកកំពុងតែស្ថិតនៅក្នុងទឹកដីបរទេសដែលមានវប្បធម៌ ភាសា និងប្រពៃណីទំនៀមទម្លាប់ខុសគ្នាទាំងស្រុងពីប្រពៃណីរបស់អ្នក? តើអ្នកនឹងមានអារម្មណ៍យ៉ាងណា ប្រសិនជាអ្នកកំពុងរស់នៅឆ្ងាយពីផ្ទះ ហើយជួបប្រទះការលំបាកក្នុងការធ្វើការទំនាក់ទំនងជាមួយមនុស្សជុំវិញខ្លួន? ទាំងនេះគឺជាតថភាពប្រចាំថ្ងៃរបស់ពលករខ្មែរចំណាកស្រុករាប់សែននាក់ដែលកំពុងតែបម្រើការងារនៅក្រៅប្រទេស។
គណបក្សទាំង៤ រួមមាន គណបក្សភ្លើងទៀន គណបក្សប្រជាធិបតេយ្យមូលដ្ឋាន គណបក្សឆន្ទៈខ្មែរ និងគណបក្សកែទម្រង់កម្ពុជា បានដាក់សំណើសុំជួបពិភាក្សាជាមួយស្ថាប័នជាតិធំៗចំនួន ៣ រួមមាន រដ្ឋសភា ក្រសួងមហាផ្ទៃ និងគណៈកម្មាធិការជាតិរៀបចំការបោះឆ្នោត (គជប) ដើម្បីទាមទារឱ្យមានការកែលម្អប្រព័ន្ធបោះឆ្នោត និងសេរីភាពនយោបាយ មុនការបោះឆ្នោតជាតិឆ្នាំ២០២៣។
បណ្ដាញប្រទាក់ក្រឡាគ្នានៃអំពើពុករលួយដែលជាប់នឹងសែស្រឡាយរបស់ថ្នាក់ដឹកនាំមួយចំនួន រួមនឹងការអនុវត្តច្បាប់ស្ដាប់តែបញ្ជា ត្រូវបានគេមើលឃើញថា ជាបញ្ហាចម្បងមួយធ្វើឱ្យកម្ពុជាក្លាយជាជម្រកសុវត្ថិភាពនៃឧក្រិដ្ឋជនជួញដូរមនុសុ្ស គ្រឿងញៀន និងលាងលុយខុសច្បាប់ នាសម័យបច្ចេកវិទ្យាទំនើបនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
