រដ្ឋបាលរាជធានីភ្នំពេញ អំពាវនាវទៅប្រជាពលរដ្ឋជាម្ចាស់លំនៅឋាន និងម្ចាស់អាជីវកម្មទាំងអស់ក្នុងរាជធានីភ្នំពេញ មិនត្រូវបញ្ចេញសំរាម សំណល់រឹង មកដាក់នៅតាមដងផ្លូវសាធារណៈ ដោយត្រូវរៀបចំទុកដាក់ឱ្យបានត្រឹមត្រូវ នៅក្នុងអំឡុងពេលថ្ងៃឈប់សម្រាកបុណ្យភ្ជុំបិណ្ឌ ស្របពេលបុគ្គលិកក្រុមហ៊ុនប្រមូលសំរាមខ្លះឈប់សម្រាកទៅស្រុកកំណើតផងដែរ។

ក្រសួងធនធានទឹកអំពាវនាវទៅប្រជាពលរដ្ឋដែលរស់នៅអមសងខាងស្ទឹងសែន បង្កើនការយកចិត្តទុកដាក់ប្រុងប្រយ័ត្នខ្ពស់ ដើម្បីចៀសវាងនូវគ្រោះថ្នាក់ផ្សេងៗតាមរយៈជំនន់ទឹកភ្លៀង ដែលអាចកើតមានឡើងជាយថាហេតុ។

មន្ត្រីជាន់ខ្ពស់គណៈកម្មាធិការជាតិគ្រប់គ្រងគ្រោះមហន្តរាយអះអាងថា ពលរដ្ឋជាង១០០០គ្រួសារ​នៅខេត្តបន្ទាយមានជ័យដែលរងគ្រោះពីជំនន់ទឹកភ្លៀង ត្រូវបាន​អាជ្ញាធរជម្លៀស​ទៅកាន់ទីទួលមាន​សុវត្ថិភាព។