ប្រជាពលរដ្ឋប្រមាណ៦០នាក់ដែលអះអាងថា កំពុងមានជម្លោះដីធ្លីជាមួយក្រុមហ៊ុនចិន ញូញៀន (Union Development Group ឬ UDG) ក្នុងខេត្តកោះកុង បានប្រមូលផ្តុំគ្នាតវ៉ាមុខសាលាខេត្តជាថ្មីទៀតនៅថ្ងៃចន្ទនេះ ដើម្បីជំរុញទៅអាជ្ញាធរពន្លឿនការដោះស្រាយបញ្ចប់វិវាទដីធ្លីជូនពួកគេ ដោយសារជម្លោះនោះអូសបន្លាយជាង១០ឆ្នាំមកហើយ។
អតីតគ្រួសារយោធាចូលនិវត្តន៍ចំនួន១០គ្រួសារដែលកំពុងមានជម្លោះដីធ្លីជាមួយពលរដ្ឋមួយក្រុមទៀតចំនួន១៤គ្រួសារ នៅភូមិសូរិយា សង្កាត់និមិត្ត ក្រុងប៉ោយប៉ែត បានចោទអាជ្ញាធរខេត្តបន្ទាយមានជ័យ ថាមានភាពលម្អៀងក្នុងការដោះស្រាយវិវាទដីធ្លីជូនពួកគេ។
អ្នកមានជម្លោះដីធ្លីជិត ១០០០នាក់ មកពីខេត្តចំនួន៤ បានប្រមូលផ្ដុំគ្នាតវ៉ានៅមុខក្រសួងរៀបចំដែនដី ចំថ្ងៃទិវាសន្តិភាពអន្តរជាតិ នាថ្ងៃចន្ទនេះ ដើម្បីជំរុញឱ្យស្ថាប័នមួយនេះ ពន្លឿនការដោះស្រាយវិវាទដីធ្លីជូនពួកគេ។
អាជ្ញាធររាជធានីភ្នំពេញ នៅព្រឹកថ្ងៃចន្ទនេះ បានរារាំងប្រជាពលរដ្ឋជាង១០០០នាក់ ដែលមានបញ្ហាដីធ្លី មិនឱ្យដើរទៅកាន់ភូមិគ្រឹះលោកនាយករដ្ឋមន្ត្រី ហ៊ុន សែន ខណៈពលរដ្ឋទាំងនោះ ព្យាយាមទៅសុំការអន្តរាគមន៍រឿងវិវាទដីធ្លី។
ក្រសួងរតនាគារសហរដ្ឋអាមេរិក បានប្រកាសដាក់ទណ្ឌកម្មលើក្រុមហ៊ុនចិនមួយឈ្មោះ Union Development Group (UDG) ដោយថា ក្រុមហ៊ុនដែលកំពុងអនុវត្តគម្រោងអភិវឌ្ឍន៍នៅតំបន់តារាសាគរ ខេត្តកោះកុង ប្រទេសកម្ពុជា មានជាប់ពាក់ព័ន្ធនឹងករណីរំលោភយកដីរបស់ពលរដ្ឋខ្មែរ និងបំពានសិទ្ធិមនុស្ស។
សកម្មជនព្រៃឈើនិងពលរដ្ឋជិត១០នាក់ មកពីស្រុកថាឡាបរិវ៉ាត់ ខេត្តស្ទឹងត្រែង នៅថ្ងៃពុធនេះ បានដាក់បណ្តឹងទៅរដ្ឋសភានិងស្ថាប័នរដ្ឋថ្នាក់ជាតិមួយចំនួន ដោយចោទប្រកាន់អាជ្ញាធរមូលដ្ឋានថា បានឃុបឃិតគ្នាលក់ដីព្រៃរបស់រដ្ឋនិងដីតំបន់អភិរក្សព្រៃឡង់ដោយខុសច្បាប់។
សាលាខេត្តបាត់ដំបងព្រមានចាត់វិធានការច្បាប់លើប្រជាពលរដ្ឋ ដែលអាជ្ញាធរខេត្តនេះចោទថា ទន្ទ្រានយកដីរបស់រដ្ឋធ្វើជាកម្មសិទ្ធិខុសច្បាប់ក្នុងតំបន់ការពារធម្មជាតិ ស្ថិតនៅស្រុកសំឡូត។
អង្គភាពប្រឆាំងអំពើពុករលួយ (ACU) បានឱ្យអភិបាលក្រុងប៉ោយប៉ែតឆ្លើយបំភ្លឺពាក់ព័ន្ធប្រវត្តិជម្លោះដីធ្លីទំហំ១១៣ហិកតារបស់ពលរដ្ឋ៥១គ្រួសារ នៅក្រុងប៉ោយប៉ែត ខេត្តបន្ទាយមានជ័យ ទៅតាមបណ្តឹងរបស់អ្នកភូមិ។
ប្រជាសហគមន៍រស់នៅតាមបណ្តោយផ្លូវរថភ្លើងជិត៣០គ្រួសារ នៅខណ្ឌទួលគោក អះអាងថា ពួកគេប្រឈមនឹងការបណ្តេញចេញពីលំនៅឋាន បើសាលារាជធានីភ្នំពេញធ្វើការអភិវឌ្ឍផ្លូវបេតុងនិងអាងស្តុកទឹកនៅតំបន់នោះនាពេលឆាប់ៗខាងមុខនេះ។
ប្រជាពលរដ្ឋជាង៥០នាក់មកពីខេត្តកណ្តាលនិងខេត្តតាកែវ ដែលរងផលប៉ះពាល់ពីគម្រោងអភិវឌ្ឍន៍ព្រលានយន្តហោះអន្តរជាតិភ្នំពេញថ្មី នៅថ្ងៃអង្គារនេះ បានប្រមូលផ្តុំគ្នានៅក្បែរភូមិគ្រឹះលោកនាយករដ្ឋមន្ត្រី ហ៊ុន សែន នៅក្រុងតាខ្មៅ ដើម្បីសុំឱ្យលោកជួយដោះស្រាយផលប៉ះពាល់ជូនពួកគេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
