បាតុកររាប់ពាន់នាក់ បានប្រមូលផ្ដុំគ្នាដុតទៀននៅទីក្រុងសេអ៊ូលកាលពីល្ងាចថ្ងៃម្សិលមិញ ដោយបានអំពាវនាវទៅប្រធានាធិបតីអ្នកស្រី Park Geu-hye ឲ្យចុះចេញពីតំណែង ជុំវិញការចោទប្រកាន់ថា អ្នកស្រីបានអនុញ្ញាតិឲ្យមិត្តភក្តិស្និទ្ធម្នាក់ លូកលាន់ក្នុងកិច្ចការរដ្ឋ។ នេះដោយយោងតាមការចុះផ្សាយរបស់ទីភ្នាក់ងារព័ត៌មាន AFP។
ក្រសួងការពារជាតិរបស់កូរ៉េខាងត្បូងបានបញ្ជាក់នៅថ្ងៃចន្ទនេះថា មន្រ្តីចារកម្មយោធាជាន់ខ្ពស់ម្នាក់របស់កូរ៉េខាងជើងដែលមើលការខុសត្រូវលើការងារចារកម្ម បានរត់ទៅចុះចូលជាមួយកូរ៉េខាងត្បូង។
ឪពុកម្តាយរបស់ឯកអគ្គរាជទូតខ្មែរប្រចាំប្រទេសកូរ៉េខាងត្បូងដែលកំពុងជាប់ពាក់ព័ន្ធនឹងការចោទប្រកាន់អំពើពុករលួយ បានចេញមុខសុំឲ្យលោកនាយករដ្ឋមន្ត្រីហ៊ុន សែន ជួយឲ្យកូនប្រុសបានរួចខ្លួនពីការចោទប្រកាន់និងអះអាងថាកូនរបស់គាត់មិនបានប្រព្រឹត្តដូចការចោទប្រកាន់នោះទេ។ឯកអគ្គរាជទូតខ្មែរប្រចាំប្រទេសកូរ៉េខាងត្បូង លោក ស៊ុត ឌីណា ត្រូវបានអង្គភាពប្រឆាំងអំពើពុករលួយឃាត់ខ្លួនកាលពីព្រឹកថ្ងៃចន្ទ តាមបណ្តឹងរបស់ប្រជាពលរដ្ឋមួយចំនួន។ រហូតមកដល់ពេលនេះ អង្គភាព មិនទាន់ទម្លាយថាជាអំពើពុករលួយលើបញ្ហាអ្វីនោះទេ ហើយលោក ស៊ុត ឌីណា នឹងត្រូវបញ្ជូនទៅតុលាការនៅពេលណានោះទេ។
ប្រធានអង្គភាពប្រឆាំងអំពើពុករលួយបានឲ្យដឹងថាអង្គភាព នៅព្រឹកថ្ងៃចន្ទនេះ បានឃាត់ខ្លួនឯកអគ្គរាជទូតខ្មែរប្រចាំប្រទេសកូរ៉េខាងត្បូង លោក ស៊ុត ឌីណា មកសាកសួរ ពាក់ព័ន្ធនឹងការចោទប្រកាន់អំពើពុករលួយ។ ប្រធានអង្គភាពប្រឆាំងអំពើពុករលួយ លោក ឱម យ៉ិនទៀង ប្រាប់វីអូឌីនៅព្រឹកថ្ងៃចន្ទនេះថាលោក ស៊ុត ឌីណា ត្រូវបានាំពីក្រសួងការបរទេសកម្ពុជា មកសាកសួរ នៅម៉ោងប្រមាណ៨ព្រឹកនេះ ក្រោយពីលោកត្រឡប់មកពីប្រទេសកូរ៉េខាងត្បូង កាលពីយប់ថ្ងៃអាទិត្យ។ លោកបញ្ជាក់ថាលោកត្រូវឃាត់ខ្លួនមកសាកសួរពាក់ព័ន្ធនឹងអំពើពុករលួយ តាមបណ្តឹងមួយចំនួន។ ទោះជាយ៉ាងណា លោកមិនអាចទម្លាយថាតើជាអំពើពុករលួយលើបញ្ហាអ្វីនោះទេ។
កូរ៉េខាងត្បូងនិងសហរដ្ឋអាមេរិកបានបើកការជជែកគ្នានៅថ្ងៃសុក្រនេះដើម្បីស្វែងរកលទ្ធភាពក្នុងការរៀបចំប្រព័ន្ធការពារមីស៊ីលត្រៀមប្រឆាំងការវាយប្រហារពីកូរ៉េខាងជើងខណៈសង្គ្រាមពាក្យសម្តីចេះកើនឡើង។
លោកស្រីប្រធានាធិបតីកូរ៉េខាងត្បូងព្រមានកូរ៉េខាងជើងថារបបនេះនឹងប្រឈមមុខចំពោះការដួលរលំប្រសិនបើមិនបោះបង់ចោលកម្មវិធីនុយក្លេអ៊ែរដែលលោកស្រីថា «ជាមហិច្ឆិតាគ្មានព្រំដែន»។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
