លោកនាយករដ្ឋមន្ត្រី ហ៊ុន សែន បានផ្ញើសារអបអរសាទរដល់លោក U Htin Kyaw ដែលទើបត្រូវបានបោះឆ្នោតឲ្យក្លាយជាប្រធានាធិបតីថ្មីនៃប្រទេសមីយ៉ាន់ម៉ា ដោយលោកបង្ហាញក្ដីសង្ឃឹមថា ទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរនឹងត្រូវបានពង្រឹង និងពង្រីកឲ្យកាន់តែស៊ីជម្រៅបន្ថែមទៀត។
ឯកអគ្គរាជទូតប្រចាំប្រទេសកូរ៉េខាងត្បូង លោក ស៊ុត ឌីណា បានទទូចឲ្យលោកនាយករដ្ឋមន្រ្តី ហ៊ុន សែន ជួយរកយុត្តិធម៌សម្រាប់រូបលោក ដោយលោកថាលោកកំពុងត្រូវបានគេមូលបង្កាច់និងមានចេតនាទម្លាក់លោកចេញពីតំណែង។ លោក ស៊ុត ឌីណា បានសរសេរបែបនេះនៅក្នុងComment(មតិយោបល់)លើសារមួយដែលលោក ហ៊ុន សែន បានបង្ហោះនៅលើហ្វេសប៊ុកនៅយប់ថ្ងៃចន្ទនេះ អំពីការអន្តរាគមន៍ឲ្យដោះលែងពលរដ្ឋពីរនាក់នៅខេត្តកំពង់ស្ពឺ។ លោក ស៊ុត ឌីណា បានស្នើសូមឲ្យនាយករដ្ឋមន្រ្តីមេត្តាពិនិត្យនិងផ្តល់យុត្តិធម៌ដល់រូបលោក។ លោកមានប្រសាសន៍ថា៖ “ហេតុអី រយៈពេលពីរឆ្នាំដែលខ្ញុំបាទបំពេញមុខងារជាឯកអគ្គរាជទូត នៅសាធារណរដ្ឋកូរ៉េ ដែលខ្ញុំបាទបានលះបង់គ្រប់យ៉ាង ដើម្បីរាជរដ្ឋាភិបាល ដើម្បីគណបក្សប្រជាជនកម្ពុជា បែរជាត្រូវទទួលរងនូវការរៀបចំសេណារីយ៉ូមូលបង្កាច់ បង្ខូចនិងមានការចាត់បញ្ជូនក្រុមមនុស្សមកធ្វើសវនកម្មពីរបីដង។ ថ្ងៃនេះថ្ងៃទី១៤ ខែមីនា ឆ្នាំ២០១៦ មកមួយក្រុមទៀត(មកពីអង្គភាពពិសេស )”។ លោក ស៊ុត ឌីណា បានបញ្ជាក់ថា៖ “បើខ្ញុំបាទមិនមានជំហររឹងមាំទេ គឺមិនអាចយកឈ្នះលើសមរភូមិការងាររដ្ឋបាល ការទូត និង នយោបាយដ៏ក្តៅនេះបានឡើយ។ មន្រ្តីដែលបញ្ជូនមកក្រោយៗនេះ គឺគ្មានមនសិការការងារ គ្មានភាពលះបង់ឬស្អាតស្អំ ក្នុងឋានៈជាមន្រ្តីបម្រើពលករ និងពលរដ្ឋខ្មែរទេ គេគិតតែប្រមូលផ្តុំក្បាលគ្នារកគ្រប់ឧបាយកលប្តឹង
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានលើកឡើងជាថ្មីថាអ្នកនយោបាយខ្លះបានមើលងាយតម្លៃសញ្ញាបត្រនៅកម្ពុជា ហើយលោកអំពាវនាវឲ្យគ្រូបង្រៀនពង្រឹងសមត្ថភាពខ្លួនដើម្បីលុបបំបាត់នូវការមាក់ងាយនេះ។ ក្នុងពិធីចែកសញ្ញាបត្រដល់គ្រូបញ្ចប់ការសិក្សាគរុកោសល្យដែលធ្វើឡើងនៅវិទ្យាស្ថានជាតិអប់រំ លោក ហ៊ុន សែន បានលើកឡើងជាថ្មីថាអ្នកនយោបាយមួយចំនួនបានមើលងាយសញ្ញាបត្រនៅស្រុកខ្មែរថាគ្មានតម្លៃ។
ព្រះមហាក្សត្របានសម្រេចដាក់មន្រ្តីនគរបាលផ្កាយ១ដល់៣ចំនួន៤៩រូបនៃក្របខ័ណ្ឌក្រសួងមហាផ្ទៃ ឲ្យចូលនិវត្តន៍ តាមការស្នើសុំរបស់លោកនាយករដ្ឋមន្រ្តី ហ៊ុន សែន។ កាលពីថ្ងៃទី២៤ ខែកុម្ភៈ លោកនាយករដ្ឋមន្រ្តី ហ៊ុន សែន បានស្នើព្រះមហាក្សត្រឲ្យដាក់មន្រ្តីនគរបាលជាន់ខ្ពស់៤៩រូបដែលមានឋានន្តរស័ក្តិចាប់ពីផ្កាយ១ដល់ផ្កាយ៣ហើយភាគច្រើនកំពុងបម្រើការងារនៅក្រសួងមហាផ្ទៃ ឲ្យចូលនិវត្តន៍។
លោកនាយករដ្ឋមន្រ្តី ហ៊ុន សែន នៅថ្ងៃទី៨ ខែមិនាដែលជាទិវាសិទ្ធិនារីអន្តរជាតិ បានបង្ហាញក្តីបារម្ភថាកម្ពុជានៅតែប្រឈមនឹងករណីរំលោភនិងសម្លាប់ក្មេងស្រី ដោយលោកថានេះបណ្តាលមកពីការធ្លាក់ចុះនូវសីលធម៌សង្គម។លោក ហ៊ុន សែន បានថ្លែងថាលោកឯកភាពនឹងរដ្ឋមន្រ្តីក្រសួងកិច្ចការនារីដែលបានលើកយកករណីរំលោភនិងសម្លាប់ក្មេងស្រីជាបញ្ហាព្រួយបារម្ភដែលត្រូវដោះស្រាយបន្តទៀត។ លោកមានប្រសាសន៍ថា៖ “អំពើហិង្សាលើស្រ្តីនិងក្មេងស្រី ពិសេសការំលោភហើយសម្លាប់ដែលភាគច្រើនប្រព្រឹត្តដោយក្រុមយុវជន ដែលបញ្ហាទាំងនេះមានទំនាក់ទំនងទៅនឹងការធ្លាក់ចុះនៃសីលធម៌សង្គម កង្វះការយល់ដឹងអំពីតម្លៃរបស់ស្រ្តី ការរើសអើងចំពោះស្រ្តីនិងភាពភ្លើតភ្លើនទៅតាមសម្ភារៈនិយម ការប្រើប្រាស់បច្ចេកវិទ្យានិងបណ្តាញសង្គមខុសទិសដៅ”។
លោកនាយករដ្ឋមន្រ្តី ហ៊ុន សែន បានស្នើព្រះមហាក្សត្រឲ្យដាក់មន្រ្តីនគរបាលជាន់ខ្ពស់ប្រមាណ៥០រូប ដែលមានឋានន្តរស័ក្តិចាប់ពីផ្កាយ១ដល់ផ្កាយ៣ហើយកំពុងបម្រើការងារនៅក្រសួងមហាផ្ទៃ ឲ្យចូលនិវត្តន៍។ លិខិតចុះថ្ងៃទី២៤ ខែកុម្ភៈ ឆ្នាំ២០១៦ដែលវីអូឌីទទួលបាននៅថ្ងៃពុធនេះ លោក ហ៊ុន សែន បានសរសេរថាតាងនាមរដ្ឋាភិបាលនិងយោងតាមព្រះរាជក្រឹត្យស្តីពីលក្ខន្តិកៈនៃក្របខ័ណ្ឌមន្រ្តីនគរបាលជាតិនិងពិនិត្យលក្ខណៈសម្បត្តិរបស់នាយនគរបាលថ្នាក់ឧត្តមសេនីយ៍ លោកសូមស្នើឲ្យដាក់មន្រ្តីទាំង៤៩រូបនោះឲ្យចូលនិវត្តន៍។
នៅសប្តាហ៍នេះប្រមុខរដ្ឋាភិបាលបានប្រកាសថាលោកកំពុងតែពិចារណាដោះដូរគណៈរដ្ឋមន្រ្តីរបស់លោកនៅក្នុងឆ្នាំ២០១៦នេះខណៈដែលលោកលើកចំៗថាមានរដ្ឋមន្រ្តីយ៉ាងតិចចំនួនពីរក្រសួងដែលអសកម្មនឹងការងារជាងគេ។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះបានថ្លែងព្រមានទៅរដ្ឋមន្រ្តីទាំងអស់ថាកុំអោបអំណាចឬការគ្រប់គ្រងមកក្នុងក្រសួងរបស់ខ្លួនតែម្នាក់ឯង ដោយលោកបានកោតសរសើររដ្ឋមន្រ្តីក្រសួងបរិស្ថានថាជារដ្ឋមន្រ្តីតែមួយគត់ខុសគេ ក្នុងរយៈពេល៣០ឆ្នាំនៃដឹកនាំរបស់លោក។ក្នុងពិធីសម្ពោធអគារថ្មីរបស់ក្រសួងបរិស្ថានដែលមានទីតាំងនៅជិតកោះពេជ្រ លោក ហ៊ុន សែន បានថ្លែងថាលោកសូមសរសើររដ្ឋមន្រ្តីថ្មីក្រសួងបរិស្ថាន លោក សាយ សំអាល់ ដែលជាកូនប្រុសរបស់លោក សាយ ឈុំ ប្រធានព្រឹទ្ធសភា ថាជារដ្ឋមន្រ្តីដែលបានស្នើរូបលោកផ្ទេរការងារមួយចំនួនទៅឲ្យក្រសួងផ្សេង។
នាយករដ្ឋមន្ត្រីបានរិះគន់មន្ត្រីរបស់ខ្លួនដោយថា ខ្វះសមត្ថភាពអប់រំកូនចៅ ដែលបណ្ដាលឲ្យជាប់ពាក់ព័ន្ធនឹងគ្រឿងញៀន និង មិនចេះគោរពច្បាប់។
លោក ហ៊ុន សែន បានសរសេរនៅលើទំព័រហ្វេសប៊ុករបស់ខ្លួននៅថ្ងៃទី២១ ខែកុម្ភៈនេះថា សព្វថ្ងៃមន្ត្រីមួយចំនួនបានបំផ្លាញអនាគតកូន ចៅរបស់ខ្លួន
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះអះអាងថាលោកហ៊ានចេញមុខជួបក្រុមបាតុករដែលត្រៀមធ្វើបាតុកម្មប្រឆាំងរូបលោកនៅសហរដ្ឋអាមេរិក ហើយថាលោកមិនខ្លាចស្លាប់នោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
