តំណាងអ្នកនយោបាយដែលជាភាគីមួយក្នុងចំណោមបក្សនយោបាយទាំង៤ បានលើកឡើងពីការខកចិត្តចំពោះការឆ្លើយតបពីក្រសួងមហាផ្ទៃ ដែលនៅមិនទាន់បង្ហាញឆន្ទៈពិតប្រាកដក្នុងការចាត់វិធានការប្រឆាំងអ្នកប្រព្រឹត្តបទល្មើសដែលធ្លាប់លបវាយប្រហារនិងធ្វើទុក្ខបុកម្នេញទៅលើអ្នកគាំទ្រគណបក្សក្រៅរដ្ឋាភិបាលក្នុងពេលកន្លងទៅ។
គណបក្សក្រៅរដ្ឋាភិបាលចំនួន៤ គ្រោងលើកយកបញ្ហាលំហសេរីភាពខាងនយោបាយដែលរងការរឹតត្បិត ទៅជជែកជាមួយក្រសួងមហាផ្ទៃ នៅថ្ងៃស្អែកនេះ ខណៈបក្សទាំងនោះមើលឃើញថា អ្នកនយោបាយមួយចំនួនបានរងបណ្ដឹងនៅតុលាការ ក្នុងពេលពួកគេលើកឡើងពីភាពប្រឈមក្នុងការអនុវត្តសិទ្ធិនយោបាយដែលស្របទៅតាមច្បាប់ដូចមានចែងនៅក្នុងរដ្ឋធម្មនុញ្ញ។
តំណាងគណបក្សនយោបាយក្រៅរដ្ឋាភិបាលមួយចំនួនលើកឡើងថា រដ្ឋសភាមិនទាន់មានការឆ្លើយតបជាថ្មីទៀតមកកាន់ពួកគេ ពាក់ព័ន្ធនឹងសំណើសុំជួបពិភាក្សាគ្នាធ្វើកំណែទម្រង់ច្បាប់ស្ដីពីគណបក្សនយោបាយ និងប្រព័ន្ធបោះឆ្នោតនៅកម្ពុជា ដើម្បីឱ្យការបោះឆ្នោតទទួលបានសេរី ត្រឹមត្រូវ និងយុត្តិធម៌។
មន្ត្រីជាន់ខ្ពស់គណបក្សខ្មែរស្រឡាញ់ជាតិ បានឱ្យដឹងថា គណបក្សនេះកំពុងប្រឈមនឹងការបាត់ឈ្មោះពីការបោះឆ្នោតជាតិ នាពេលខាងមុខ ដោយសារខ្វះធនធាន និងរចនាសម្ពន្ធមិនស្របតាមលក្ខខណ្ឌច្បាប់ដែលតម្កល់នៅក្រសួងមហាផ្ទៃ ខណៈថ្នាក់ដឹកនាំចំនួន៧នាក់បានប្រកាសលាលែងពីបក្ស ទៅចុះចូលជាមួយគណបក្សកាន់អំណាច។
ការបន្សល់ទុកស្នាមរបួសប្រជាធិបតេយ្យជាង៥ឆ្នាំ ក្រោយរំលាយគណបក្សប្រឆាំងធំមួយចេញពីឆាកនយោបាយក្រោមអំណាចតុលាការ ស្របគ្នានឹងយន្តការជំរុញពីសហគមន៍អន្តរជាតិឱ្យរដ្ឋាភិបាលកម្ពុជាព្យាបាលជំងឺចាស់នេះឡើងវិញ មុនការបោះឆ្នោតជាតិឆ្នាំ២០២៣មកដល់នោះ ជាប្រធានបទមួយចោទសួរថា ”តើនឹងមានអ្វីប្រែប្រួលក្រោយថ្នាក់ដឹកនាំបក្សប្រឆាំងជាង១០០នាក់រលត់បម្រាមនយោបាយទៅនោះ?”។
គណៈកម្មាធិការជាតិរៀបចំការបោះឆ្នោត (គ.ជ.ប) បានជូនដំណឹងដល់ប្រជាពលរដ្ឋឱ្យទៅពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២២ ខណៈកម្ពុជានឹងមានការបោះឆ្នោតជ្រើសតាំងតំណាងរាស្ត្រនៅឆ្នាំក្រោយ។
គណៈកម្មាធិការជាតិរៀបចំការបោះឆ្នោត (គ.ជ.ប) នៅថ្ងៃពុធនេះ បានទទួលយកសំណើរបស់គណបក្សក្រៅរដ្ឋាភិបាលចំនួន៤ ដើម្បីពិនិត្យនិងពិចារណា ពាក់ព័ន្ធនឹងសំណើសុំឱ្យមានការធ្វើកំណែទម្រង់ ឬធ្វើវិសោធនកម្មច្បាប់បោះឆ្នោត។
គណៈកម្មាធិការជាតិរៀបចំការបោះឆ្នោត (គ.ជ.ប.) នឹងជួបគណបក្សនយោបាយក្រៅរដ្ឋាភិបាលចំនួន៤ នៅសប្ដាហ៍ក្រោយ ដើម្បីពិភាក្សាជុំវិញការទាមទារឱ្យកែលម្អស្ថាប័នបោះឆ្នោត ក្រោមហេតុផលថា ការបោះឆ្នោតកន្លងទៅមានការគំរាមកំហែងខាងនយោបាយ មិនឆ្លុះបញ្ចាំងឆន្ទៈពលរដ្ឋនោះទេ។
អ្នកឃ្លាំមើល និងសង្គមស៊ីវិល លើកឡើងថា ជំនួបរវាងអ្នករាយការណ៍ពិសេសអង្គការសហប្រជាជាតិ និងមន្ត្រីព្រឹទ្ធសភាអាមេរិក ជាមួយលោក កឹម សុខា ប្រធានគណបក្សសង្គ្រោះជាតិដែលតុលាការបានរំលាយ នៅពេលថ្មីៗនេះ ឆ្លុះបញ្ចាំងឱ្យឃើញថា សហគមន៍អន្តរជាតិនៅតែផ្ដល់តម្លៃ និងចាត់ទុកលោក កឹម សុខា ជាអ្នកតំណាងប្រជាធិបតេយ្យនៅកម្ពុជាដែលតស៊ូមតិដោយអហិង្សា។
ដំណើរមកបំពេញទស្សនកិច្ចការងាររបស់អ្នករាយការណ៍ពិសេសអង្គការសហប្រជាជាតិ (UN) លោក វិទិត មុនតាប៊ន មកកាន់ប្រទេសកម្ពុជា រយៈពេលជាង១០ថ្ងៃ ចំពេលវិបត្តិនយោបាយ និងសិទ្ធិមនុស្សនៅកម្ពុជា មិនទាន់ត្រូវបានស្ដារឡើងវិញនៅឡើយនោះ បង្កើតជាការចោទសួរថាតើក្រោយបញ្ចប់បេសសកម្មរបស់អ្នកជំនាញសិទ្ធិមនុស្សអន្តរជាតិរូបនេះ បញ្ហាប្រជាធិបតេយ្យនៅកម្ពុជាមានការកែលម្អឬទេ?
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
