យោងតាមរបាយការណ៍ដែលចេញជាបន្តបន្ទាប់ដោយក្រុមអ្នកស្រាវជ្រាវនៅសាកលវិទ្យាល័យទីក្រុងឡុងដ៍ Royal Holloway, University of London ស្ដីពីជីវភាពរស់នៅរបស់ប្រជាជនកម្ពុជា បានរកឃើញថា ទាំងកម្មករនៅក្នុងរោងចក្រកាត់ដេរ និងអ្នករស់នៅតាមជនបទ បច្ចុប្បន្នរងនូវសម្ពាធកាន់តែច្រើន។
លោកនាយករដ្ឋមន្ត្រី ហ៊ុន សែន បានអំពាវនាវដល់គ្រឹះស្ថានមីក្រូហិរញ្ញវត្ថុផ្ដល់ប្រាក់កម្ចីក្នុងអត្រាការប្រាក់ទាបទៅដល់ប្រជាពលរដ្ឋដែលស្ម័គ្រចិត្តរុះរើលំនៅឋានពីតំបន់រមណីយដ្ឋានអង្គរ ទៅរស់នៅតំបន់រុនតាឯក ស្រុកបន្ទាយស្រី ខេត្តសៀមរាប ដើម្បីជួយសម្រួលឱ្យពួកគាត់។
វិស័យមីក្រូហិរញ្ញវត្ថុនៅក្នុងប្រទេសកម្ពុជាមានការរីកចម្រើនគួរឱ្យកត់សម្គាល់ក្នុងរយៈពេលប្រាំឆ្នាំចុងក្រោយនេះ។ វិស័យនេះត្រូវបានបង្កើតឡើងដើម្បីផ្ដល់ឱកាសដល់ប្រជាជនដែលមានជីវភាពក្រីក្របានទទួលកម្ចីហិរញ្ញវត្ថុ ដើម្បីយកទៅអភិវឌ្ឍជីវភាពរបស់ពួកគេ។ ប៉ុន្តែជាអកុសល មានប្រជាពលរដ្ឋជាប់បំណុលគ្រឹះស្ថានហិរញ្ញវត្ថុនេះកើនឡើងយ៉ាងធ្ងន់ធ្ងរ ជាពិសេសប្រជាពលរដ្ឋនៅតាមទីជនបទ។
អង្គការអន្តរជាតិចំនួន៦ដែលធ្វើការផ្នែកសិទ្ធិកុមារ រកឃើញថា កុមារនិងយុវជនកម្ពុជាប្រមាណ ៨០% មានសម្ពាធដោយផ្ទាល់និងប្រយោល ដោយសារតែឪពុកម្ដាយរបស់ខ្លួនជំពាក់បំណុលគេ ឬកំពុងប្រឈមបញ្ហាលុយកាក់សម្រាប់តម្រូវការមូលដ្ឋាន ដូចជា ចំណាយលើការហូបចុក និងថ្លៃសាលា ជាដើម ខណៈរឿងនេះដាក់គំនាបឱ្យពួកគេយល់ថា ខ្លួនគួររកប្រាក់ចំណូលឱ្យបានឆាប់តាមដែលអាចធ្វើទៅបាន។
ពលរដ្ឋមួយចំនួនអះអាងថា កម្ចីពីធនាគារ និងមីក្រូហិរញ្ញវត្ថុ បានជួយសម្រួលដល់ការរស់នៅរបស់ពួកគាត់ច្រើន ជាពិសេសតម្រូវការជីវភាពទៅលើគោលដៅសំខាន់ៗ ខណៈអ្នកជំនាញថាការប្រើប្រាស់កម្ចីបែបនេះទាមទារឱ្យមានផែនការប្រើប្រាស់ច្បាស់លាស់និងចំគោលដៅ ដើម្បីចៀសវាងការធ្លាក់ក្នុងអន្ទាក់បំណុល។
ធនាគារជាតិនៃកម្ពុជា បានប្រកាសពីការរីកចម្រើនផ្នែកសេដ្ឋកិច្ច និងវិស័យធនាគារ ដោយថា សេដ្ឋកិច្ចកម្ពុជា ឆ្នាំ២០២១ មានកំណើនវិជ្ជមានវិញដែលបានកើនឡើង៣% បន្ទាប់ពីធ្លាក់ចុះកាលពីឆ្នាំ២០២០ ហើយនៅឆ្នាំ២០២២នេះ កម្ពុជារំពឹងថាកំណើនសេដ្ឋកិច្ចនឹងងើបឡើងក្នុងអត្រាប្រមាណ៥% ផងដែរ។
មន្ត្រីជាន់ខ្ពស់រដ្ឋាភិបាលអះអាងថា កម្ពុជាមិនទាន់ជំពាក់បំណុលបរទេសដល់កម្រិតវ័ណ្ឌកដូចបណ្ដាប្រទេសមួយចំនួនទេ ហើយក៏មិនមានបញ្ហារឿងលទ្ធភាពសងបំណុលគេនោះដែរ ខណៈបច្ចុប្បន្នកម្ពុជាជំពាក់បំណុលបរទេសជិត១ម៉ឺនលានដុល្លារ។
ប៉ុន្មានសប្តាហ៍បន្ទាប់ពីធនាគារជាតិចេញសេចក្តីណែនាំស្នើឱ្យស្ថាប័នហិរញ្ញវត្ថុពន្យារពេលដល់អ្នកខ្ចីដែលកំពុងជួបការលំបាក គ្រឹះស្ថានផ្ដល់កម្ចីខ្នាតតូចបាននិយាយថា ពួកគេកំពុងបន្ធូរបន្ថយសម្រាប់អតិថិជន ដែលរងផលប៉ះពាល់ពីការធ្លាក់ចុះនៃសេដ្ឋកិច្ចដោយសារជំងឺកូវីដ១៩ នៅលើផ្អែកតាមករណីនីមួយៗ។
លោកនាយករដ្ឋមន្ត្រី ហ៊ុន សែន បានបង្ហាញការរំពឹងទុកថា រដ្ឋាភិបាលថ្មីរបស់អាមេរិក នឹងពិចារណាលុបចោលបំណុលដែលកម្ពុជាជំពាក់នៅក្នុងទសវត្សរ៍១៩៧០ ដោយចាត់ទុកថា នោះគឺជាបំណុលកខ្វក់ដែលចាំបាច់ត្រូវលុបចោល។ ប្រទេសកម្ពុជា បានជំពាក់បំណុលសហរដ្ឋអាមេរិកជាង ៣០០លានដុល្លារ ដែលខ្ចីដោយរបបសាធារណរដ្ឋខ្មែរអំឡុងទសវត្សរ៍១៩៧០ ប៉ុន្តែ រដ្ឋាភិបាលកម្ពុជាបានបដិសេធទូទាត់បំណុលនោះ ដោយទាមទារឲ្យអាមេរិកបង្វែបំណុលនោះទៅជាជំនួយសម្រាប់អភិវឌ្ឍន៍វិញ។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានបញ្ជាឲ្យសមត្ថកិច្ចទាំងអស់កុំសហការជាមួយស្ថាប័នមីក្រូហិរញ្ញវត្ថុមួយចំនួនដែលលោកថាមានចេតនាមិនល្អឲ្យប្រជាពលរដ្ឋទៅខ្ចីប្រាក់ហើយទៅរឹបអូសផ្ទះសម្បែងដីធ្លីរបស់ប្រជាពលរដ្ឋ។ក្នុងសន្និសីទជាតិស្តីពីការអភិវឌ្ឍវិស័យមីក្រូហិរញ្ញវត្ថុនៅកម្ពុជា លោក ហ៊ុន សែន មានប្រសាសន៍ថាស្ថាប័នអង្គការសមាគមមិនមែនរដ្ឋាភិបាលមួយចំនួនបានដើរតួនាទីជាគ្រឹះស្ថានមីក្រូហិរញ្ញវត្ថុឲ្យប្រជាពលរដ្ឋសងប្រាក់កម្ចីមានលក្ខណៈកេងបន្លំ កេងប្រវ័ញ្ច មាននីតិវិធីនៃការខ្ចីប្រាក់មានភាពធូររលុងនិងឆាប់រហ័ស។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
