សេចក្ដីសន្និដ្ឋានចុងក្រោយរបស់ស្ថាប័នជំនាញ ពាក់ព័ន្ធសំណុំរឿងក្ដីបុរសម្នាក់ស្លាប់ក្នុងដៃសមត្ថកិច្ច ត្រូវបានបិទការស៊ើបអង្កេតកាលពីពេលថ្មីៗនេះ។ ករណីនេះបានបន្សល់ទុកសោកនាដកម្មជាថ្មីដល់សាច់ញាតិជនរងគ្រោះ ខណៈដែលមន្ត្រីសង្គមស៊ីវិលមើលឃើញថានៅមានភាពចម្រូងចម្រាសជាច្រើនដែលមន្ត្រីជំនាញមិនបានបកស្រាយ ហើយត្រូវបានកប់ទុកចោល។
បងស្រីជនរងគ្រោះដែលស្លាប់អំឡុងពេលសមត្ថកិច្ចស្រុកសង្កែចាប់ឃាត់ខ្លួនយកទៅសួរចម្លើយ ស្នើដល់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា ជួយជំរុញទៅរដ្ឋាភិបាលកម្ពុជាពន្លឿនការស្វែងរកយុត្តិធម៌ដល់ប្អូនប្រុសរបស់ខ្លួន ក្រោយស្ត្រីរូបនោះប្រើពេលជាង១ឆ្នាំរកកិច្ចអន្តរាគមន៍ពីស្ថាប័នរដ្ឋមិនទទួលបានជោគជ័យ។
ស្ត្រីជាដើមបណ្ដឹង បង្ហាញការខកចិត្តពីការអូសបន្លាយពេលជិត១ឆ្នាំមកនេះរបស់ក្រសួងមហាផ្ទៃ ដែលមិនបានចាប់ខ្លួនមន្ត្រីណាម្នាក់នៅស្រុកសង្កែ យកទៅផ្ដន្ទាទោស ករណីធ្វើទារុណកម្មប្អូនប្រុសរបស់ខ្លួនរហូតដល់ស្លាប់ បើទោះបីមន្ត្រីជំនាញរកឃើញពួកគេខ្លះជាប់ពាក់ព័ន្ធក្ដី។
ស្ត្រីជាដើមបណ្តឹងបារម្ភថា ក្រុមមន្ត្រីនៅស្រុកសង្កែ ខេត្តបាត់ដំបង ដែលជាប់ពាក់ព័ន្ធនឹងការធ្វើទារុណកម្មប្អូនប្រុសរហូតស្លាប់នោះ នឹងមិនត្រូវបានគេចាប់ខ្លួនយកទៅផ្តន្ទាទោសទេ ខណៈវិធានការបានអូសបន្លាយជិត ១ ឆ្នាំទៅហើយនោះ។
នាយកដ្ឋានព្រហ្មទណ្ឌកម្រិតធ្ងន់ បានកោះហៅអធិការស្រុកសង្កែ និងអ្នកពាក់ព័ន្ធមួយចំនួនទៀតនៅខេត្តបាត់ដំបង ឱ្យចូលបំភ្លឺករណីរងការចោទថាបានធ្វើធ្វើទារុណកម្មជនសង្ស័យម្នាក់រហូតដល់ស្លាប់នាពេលកន្លងទៅ ក្រោយគណៈកម្មាធិការជាតិប្រឆាំងទារុណកម្មរកឃើញតម្រុយដូចពាក្យបណ្តឹងរបស់គ្រួសារជនរងគ្រោះ។
ស្ត្រីជាដើមបណ្តឹងម្នាក់នៅខេត្តបាត់ដំបង បន្តជំរុញឱ្យក្រសួងមហាផ្ទៃពន្លឿនចាត់វិធានការមន្ត្រីនគរបាលដែលខ្លួនចោទថា បានធ្វើទារុណកម្មប្អូនប្រុសរបស់គាត់រហូតស្លាប់ ដោយថា ពេលនេះគាត់មានការព្រួយបារម្ភពីសុវត្ថិភាពផ្ទាល់ខ្លួន ខណៈអ្នកទាំងនោះនៅមានសេរីភាពនៅឡើយ។
គណៈកម្មាធិការជាតិប្រឆាំងទារុណកម្មរបស់រដ្ឋាភិបាល ស្នើអគ្គស្នងការដ្ឋាននគរបាលជាតិបើកការស៊ើបអង្កេតបន្ថែម ដើម្បីរកការពិតនិងនាំខ្លួនមន្ត្រីពាក់ព័ន្ធមកទទួលទោស ក្រោយរកឃើញថា ការស្លាប់របស់ជនសង្ស័យម្នាក់នៅអំឡុងឃុំខ្លួននៅអធិការដ្ឋាននគរបាលស្រុកសង្កែ ខេត្តបាត់ដំបង អាចជាប់ពាក់ព័ន្ធនឹងការធ្វើទារុណកម្ម។
សាច់ញាតិសពបុរសម្នាក់នៅខេត្តបាត់ដំបង ស្នើក្រសួងមហាផ្ទៃបើកការស៊ើបអង្កេតឡើងវិញ លើករណីប្អូនប្រុសរបស់ខ្លួនដែលរងអំពើហិង្សារហូតដល់ស្លាប់ ក្នុងអំឡុងពេលសមត្ថកិច្ចស្រុកសង្កែចាប់ខ្លួនយកទៅសាកសួរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
