សាលាឧទ្ធរណ៍ត្បូងឃ្មុំ នៅថ្ងៃពុធនេះ បានប្រកាសច្រានចោលសាលក្រមរបស់សាលាដំបូងខេត្តរតនគិរី ដែលបានផ្ដន្ទាទោសសកម្មជនព្រៃឈើ លោក ឆន ផល្លា ដាក់ពន្ធនាគារចំនួន៥ឆ្នាំ ក្រោមបទចោទ «កាប់រានដីព្រៃ ឈូសឆាយ និងហ៊ុមព័ទ្ធកាន់កាប់ដីព្រៃ» ប៉ុន្តែសកម្មជនរូបនេះនៅបន្តរងការចោទប្រកាន់មួយទៀតនៅសាលាដំបូងខេត្តរតនគិរី។
តុលាការកំពូលតម្កល់សាលដីកាសាលាឧទ្ធរណ៍ខេត្តត្បូងឃ្មុំ ដោយសម្រេចឱ្យសកម្មជនបក្សសង្គ្រោះជាតិដែលត្រូវតុលាការរំលាយម្នាក់ជាប់ពន្ធនាគារ ៧ឆ្នាំ ដដែល ក្រោមបទចោទប្រកាន់ «រួមគំនិតក្បត់» ជុំវិញការបង្ហោះសារគាំទ្រដំណើរមាតុភូមិនិវត្តន៍របស់លោក សម រង្ស៊ី ក្នុងព្រឹត្តិការណ៍៩ វិច្ឆិកា លើបណ្ដាញសង្គមហ្វេសប៊ុក។
សកម្មជនគណបក្សសង្គ្រោះជាតិដែលត្រូវបានតុលាការរំលាយម្នាក់ ស្នើទៅតុលាការកំពូលទម្លាក់បទចោទ ក្រោយពីតុលាការថ្នាក់ក្រោមបានកាត់ទោសឱ្យជាប់ពន្ធនាគារ៧ឆ្នាំ ជុំវិញការបង្ហាញសារគាំទ្រលោក សម រង្ស៊ី លើហ្វេសប៊ុក។
ពលរដ្ឋមានជម្លោះដីធ្លីជាមួយក្រុមហ៊ុនចិនមួយនៅខេត្តត្បូងឃ្មុំ ស្នើតុលាការកំពូលទម្លាក់បទចោទប្រកាន់មកលើពួកគេ ដោយសម្អាងថា ពួកគេមិនបានប្រព្រឹត្តបទល្មើសដូចសាលាដំបូងខេត្តត្បូងឃ្មុំចោទប្រកាន់ឡើយ។
សកម្មជនដីធ្លីម្នាក់នៅស្រុកតំបែរ ខេត្តត្បូងឃ្មុំ ស្នើទៅតុលាការកំពូលទម្លាក់បទចោទប្រកាន់ ដោយថា ការសម្រេចរបស់តុលាការថ្នាក់ក្រោមជារឿងអយុត្តិធម៌ ដោយសារបទចោទប្រកាន់លើរូបលោកភ្ជាប់ជាមួយនឹងរឿងនយោបាយ។
មេដឹកនាំបក្សកាន់អំណាច អំពាវនាវឱ្យប្រជាពលរដ្ឋប្រើប្រាស់យន្តការដោះស្រាយជម្លោះក្រៅប្រព័ន្ធតុលាការ ដោយសម្អាងថា ជម្លោះឡើងតុលាការម្ដងៗ ពួកគេត្រូវចំណាយលុយច្រើន។
អ្នកភូមិស្រែប្រាំង ក្នុងឃុំត្រពាំងព្រីង ស្រុកតំបែរ ខេត្តត្បូងឃ្មុំ នៅតែរក្សាជំហរទាមទារដីពីក្រុមហ៊ុនចិន ខណៈពលរដ្ឋជិត៣០នាក់កំពុងជាប់បណ្ដឹងនៅតុលាការ ពាក់ព័ន្ធនឹងជម្លោះដីធ្លីជាមួយក្រុមហ៊ុនមួយនេះ។
សកម្មជនព្រៃឈើខេត្តរតនគិរីមួយរូប បានស្នើទៅសាលាឧទ្ធរណ៍ខេត្តត្បូងឃ្មុំឲ្យទម្លាក់ចោលការចោទប្រកាន់ទៅលើរូបលោក និងផ្តល់យុត្តិធម៌សម្រាប់លោកផងដែរ ដោយលោកថា លោកមិនបានប្រព្រឹត្តដូចការចោទប្រកាន់ឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
