ពលករខ្មែរធ្វើការនៅប្រទេសម៉ាឡេស៊ី ៣នាក់ ត្រូវបានស្ថានទូតកម្ពុជាជួយអន្តរាគមន៍ និងបញ្ជូន មកកម្ពុជាវិញនៅថ្ងៃទី ១៣ ខែឧសភានេះ។
យោងតាមលិខិតរបស់ក្រសួងការបរទេស និងសហប្រតិបត្តិការអន្តរជាតិកាលពីថ្ងៃទី ១២ ខែឧសភានេះបានឱ្យដឹងថាពលករខ្មែរទាំង ៣នាក់នោះបានទៅធ្វើការនៅប្រទេសម៉ាឡេស៊ីដោយខុសច្បាប់តាំងពីឆ្នាំ ២០១៦ម្លេះ។
លិខិតដដែលនេះបានបញ្ជាក់ថាពលករ២នាក់ក្នុងចំណោមពលករខុសច្បាប់ទាំង ៣នាក់ នោះ ដោយចង់ត្រឡប់មកកម្ពុជាវិញក៏សម្រេចចិត្តស្នើរឱ្យ ស្ថានទូតជួយអន្តរាគមន៍ដើម្បី បានត្រឡប់មកវិញ និងម្នាក់ទៀតដោយទ្រាំទ្រនឹងការលំបាកមិនបាន ក៏ស្វែងរកអន្តរាគមន៍ពីស្ថានទូតដូចគ្នា។
ពលករខុសច្បាប់២នាក់មកដល់កម្ពុជានៅម៉ោង ៧និង ៣៥នាទីព្រឹកថ្ងៃទី ១៣ ខែឧសភានេះ និងម្នាក់ទៀតបានត្រឡប់មកដល់កម្ពុជាវិញតាំងពីថ្ងៃទី ៨ ខែឧសភា ឆ្នាំ ២០១៧ម្លេះ៕
