អ្នកជំងឺជាង២០នាក់ទៀតបានស្លាប់ដោយសារជំងឺកូវីដ-១៩ ដែលធ្វើឱ្យចំនួនអ្នកស្លាប់ក្នុងព្រឹត្តិការណ៍«សហគមន៍២០កុម្ភៈ»ដែលអូសបន្លាយជាង៧ខែមកនេះ បានកើនដល់ជាង២ ៤០០នាក់។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី០៤ ខែតុលា ឆ្នាំ២០២១ បានឱ្យដឹងថា អ្នកស្លាប់ដោយជំងឺកូវីដ-១៩ កាលពីថ្ងៃម្សិលមិញ មានចំនួន២៣នាក់បន្ថែមទៀត ដែលធ្វើឱ្យចំនួនអ្នកស្លាប់សរុបកើនដល់២ ៤០៦នាក់។
ចំណែកករណីឆ្លងថ្មីកាលពីថ្ងៃម្សិលមិញវិញ ក្រសួងថា មានចំនួន២១៩នាក់ (លទ្ធផលបញ្ជាក់ដោយ PCR) ក្នុងនោះមានករណីនាំចូលពីក្រៅប្រទេសចំនួន៤0នាក់ ខណៈអ្នកជាសះស្បើយថ្មីមានចំនួន៤៥៧នាក់។
បើតាមក្រសួងសុខាភិបាល គិតត្រឹមព្រឹកថ្ងៃចន្ទនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១១៣ ៤៧៥នាក់ ក្នុងនោះ អ្នកជំងឺព្យាបាលជាសះស្បើយចំនួន១០៤ ៨៦៥នាក់ និងករណីនាំចូលពីក្រៅប្រទេសចំនួន១៩ ១៣៣នាក់៕
