អ្នកស្លាប់ដោយសារជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ បានកើនដល់ជាង២ ៧០០នាក់ បើគិតមកដល់ថ្ងៃម្សិលមិញ។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២១ ខែតុលា ឆ្នាំ២០២១ បានឱ្យដឹងថា អ្នកស្លាប់ដោយជំងឺកូវីដ-១៩ កាលពីថ្ងៃម្សិលមិញ មានចំនួន១១នាក់បន្ថែមទៀត ក្នុងនោះមាន៧នាក់មិនបានចាក់វ៉ាក់សាំង និងករណីឆ្លងថ្មីមានចំនួន១៥១នាក់ (យោងតាមលទ្ធផលបញ្ជាក់ដោយ PCR test) ក្នុងនោះមានករណីនាំចូលពីក្រៅប្រទេសចំនួន២១នាក់។ សម្រាប់អ្នកជាសះស្បើយថ្មីវិញ ក្រសួងថាមានចំនួន៣៦៦នាក់។
បើតាមក្រសួងសុខាភិបាល គិតត្រឹមព្រឹកថ្ងៃព្រហស្បតិ៍នេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១១៧ ៣៥២នាក់ ក្នុងនោះ អ្នកជំងឺព្យាបាលជាសះស្បើយចំនួន១១២ ០៥៦នាក់ និងអ្នកស្លាប់កើនដល់ចំនួន២ ៧០៤នាក់ និងករណីនាំចូលពីក្រៅប្រទេសចំនួន១៩ ៤៥១នាក់៕
