គណៈកម្មាធិការជាតិអូឡាំពិកកម្ពុជា (NOCC) បានប្រកាសកាលបរិច្ឆេទថ្មីនៃការរៀបចំទិវារត់ប្រណាំងអន្តរជាតិពាក់កណ្តាលម៉ារ៉ារុងអង្គរ នឹងត្រូវធ្វើឡើងនៅថ្ងៃអាទិត្យ ទី២ ខែមករា ឆ្នាំ២០២២ នៅឯខេត្តសៀមរាប ប៉ុន្តែត្រូវគោរពគោលការណ៍រក្សាការពារសុខភាពនិងសុវត្ថិភាពពីជំងឺកូវីដ-១៩។
យោងតាមសេចក្តីជូនដំណឹងរបស់គណៈកម្មាធិការជាតិអូឡាំពិកកម្ពុជា (NOCC) កាលពីថ្ងៃទី១៧ ខែវិច្ឆិកា បានឱ្យដឹងថា ការកំណត់កាលបរិច្ឆេទថ្មីនេះ គឺបន្ទាប់ពីស្ថានភាពជំងឺកូវីដ-១៩ បានធូរស្រាល និងដើម្បីជាបុរេលក្ខខណ្ឌនៃការបើកទេសចរណ៍វ៉ាក់សាំងឡើងវិញ។
កាលបរិច្ឆេទនៃការរៀបចំទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរកន្លងមក គ្រោងធ្វើឡើងនៅថ្ងៃទី១៩ ខែធ្នូ ឆ្នាំ២០២១៕