កម្ពុជាបន្តរកឃើញករណីឆ្លងជំងឺកូវីដ-១៩ថ្មី ចំនួន៦នាក់បន្ថែមទៀត (យោងតាមលទ្ធផលបញ្ជាក់ដោយ PCR test) ក្នុងនោះមានអ្នកឆ្លងវីរុសបំប្លែងថ្មី អូមីក្រុង ចំនួន៤នាក់ ប៉ុន្តែពុំមានករណីស្លាប់នោះទេកាលពីថ្ងៃម្សិលមិញ។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី៣១ ខែធ្នូ ឆ្នាំ២០២១ បានឱ្យដឹងថា អ្នកឆ្លងជំងឺកូវីដ-១៩ថ្មី មាន៦នាក់ ក្នុងនោះ៤នាក់ឆ្លងវីរុសបំប្លែងថ្មីប្រភេទអូមីក្រុង ខណៈអ្នកជាសះស្បើយថ្មីមានចំនួន១០នាក់។
បើតាមក្រសួងសុខាភិបាល គិតត្រឹមព្រឹកថ្ងៃសុក្រនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១២០ ៤៩៣នាក់ ក្នុងនោះ អ្នកជំងឺព្យាបាលជាសះស្បើយចំនួន១១៦ ៩១៧នាក់ អ្នកស្លាប់កើនដល់ចំនួន៣ ០១២នាក់ និងករណីនាំចូលពីក្រៅប្រទេសចំនួន១៩ ៩០៩នាក់៕