ក្រសួងសុខាភិបាល ព្រមានចាត់វិធានការច្បាប់លើអ្នកពាក់ព័ន្ធនិងម្ចាស់គណនីហ្វេសប៊ុកមួយចំនួនដែលផ្សព្វផ្សាយលក់ឱសថបន្តក់ភ្នែកខុសច្បាប់នៅលើបណ្ដាញសង្គម។
ក្នុងសេចក្ដីជូនព័ត៌មានរបស់ក្រសួងសុខាភិបាលដែលវីអូឌីទទួលបាននៅថ្ងៃទី២ ខែកុម្ភៈនេះ បានឱ្យដឹងថា យ៉ាងហោចណាស់មានគណនីហ្វេសប៊ុកចំនួន២០ កំពុងធ្វើការផ្សព្វផ្សាយលក់ឱសថបន្តក់ភ្នែកឈ្មោះ «QUEEN EYE» និង «C-EYE» ដែលគ្មានលេខបញ្ជីកា និងគ្មានច្បាប់អនុញ្ញាតឱ្យផ្សព្វផ្សាយពីក្រសួងសុខាភិបាល គិតត្រឹមថ្ងៃទី២០ ខែមករា ឆ្នាំ២០២២នេះ។
ក្រសួងបន្តថា គណនីហ្វេសប៊ុកទាំងនោះ រួមមាន៖ ១- Queer-EYE ទឹកថ្នាំបន្តក់ភ្នែក, ២- លោកគ្រូសានវិសាល បោះដុំលក់រាយថ្នាំបន្តក់ភ្នែក, ៣- ទឹកថ្នាំបន្តក់ភ្នែក អាមេរិកឃ្វីនអាយ, ៤-Lomaថ្មីៗ, ៥- ថ្នាំបន្តក់ភ្នែកស្វីសឯកទេសដោះស្រាយបញ្ហាភ្នែក, ៦- ឯកទេសដោះស្រាយសុខភាពភ្នែក, ៧- សុវណ្ណ ណា, ៨- Queen-EYE ទឹកថ្នាំបន្តក់ភ្នែកអាមេរិក, ៩- Yors Sarorn, ១០- Queen Eye-ឃ្វីនអាយុ, ១១- QUEEN EYE, ១២- ដោះស្រាយបញ្ហាភ្នែក, ១៣- Queen-Eye, ១៤- Queen-Eye Store, ១៥- Cam-E, ១៦-ឃ្លីនអាយុ, ១៧- Queen Eye Professional, ១៨- C.EYE ភ្នែកភ្លឺច្បាស់, ១៩- C-oye ទឹកបន្តក់ភ្នែក និង២០- Sruyloerg Eye Care។
ករណីនេះ ក្រសួងសុខាភិបាលព្រមានចាត់វិធានការតឹងរ៉ឹងទៅតាមផ្លូវច្បាប់ចំពោះម្ចាស់គណនីហ្វេសប៊ុកទាំងនោះនិងជនពាក់ព័ន្ធផ្សេងទៀត ដែលនាំចូល ចែកចាយ និងផ្សព្វផ្សាយលក់ឱសថបន្តក់ភ្នែកទាំងនេះ ទៅតាមច្បាប់ស្ដីពីវិសោធនកម្មច្បាប់ស្ដីពី «ការគ្រប់គ្រងឱសថ» ជាធរមាន៕
