ក្រសួងសុខាភិបាលឱ្យដឹងថា កម្ពុជាបានបន្តអ្នកឆ្លងជំងឺកូវីដ-១៩ ប្រភេទអូមីក្រុងចំនួន ១០០នាក់ និងស្លាប់ម្នាក់។
ក្នុងសេចក្ដីប្រកាសព័ត៌មានរបស់ក្រសួងសុខាភិបាលចុះថ្ងៃទី១៩ ខែមីនា ឆ្នាំ២០២២ ឱ្យដឹងថា យោងតាមលទ្ធផលបញ្ជាក់ដោយ PCR កាលពីម្សិលមិញ ក្រសួងរកឃើញអ្នកឆ្លងជំងឺកូវីដ-១៩ អូមីក្រុងចំនួន ១១៧ នាក់ ក្នុងនោះ ករណីនាំចូលពីក្រៅប្រទេសចំនួន៩នាក់ ខណៈអ្នកជាសះស្បើយចំនួន ១១៦ នាក់ និងស្លាប់ម្នាក់ ដោយថា អ្នកស្លាប់នោះ មិនបានចាក់វ៉ាក់សាំងទេ។
ក្រសួងបញ្ជាក់ថា អ្នកជំងឺកូវីដ-១៩ អូមីក្រុងទាំង ១១៧ នាក់ ក្នុងនោះ ករណីឆ្លងចូលសហគមន៍ចំនួន ១០៨ នាក់ និងករណីនាំចូលចំនួន ៩ នាក់។
បើតាមក្រសួងសុខាភិបាល ឱ្យដឹងថា គិតមកដល់ថ្ងៃនេះ កម្ពុជារកឃើញអ្នកឆ្លងជំងឺកូវីដ-១៩ ប្រភេទអូមីក្រុងចូលក្នុងសហគមន៍សរុប ១៣ ១២៩ នាក់។ គិតត្រឹមថ្ងៃសៅរ៍ ទី១៩ ខែមីនា ឆ្នាំ២០២២ កម្ពុជារកឃើញអ្នកឆ្លងជំងឺកូវីដ-១៩ សរុប ១៣៤ ៨៨៩ នាក់ ក្នុងនោះ ករណីនាំចូលពីក្រៅប្រទេសសរុប ២១ ១៧៦ នាក់ ខណៈអ្នកព្យាបាលជាសះស្បើយសរុប ១៣០ ៨០៤ នាក់ និងស្លាប់ចំនួន ៣ ០៥០នាក់៕
