ក្រសួងសុខាភិបាលឱ្យដឹងថា ក្រសួងរកឃើញអ្នកឆ្លងជំងឺកូវីដ-១៩ បំប្លែងថ្មីប្រភេទអូមីក្រុងជិត៦០នាក់បន្ថែមទៀត ខណៈនៅថ្ងៃនេះមិនមានករណីអ្នកស្លាប់ថ្មីនោះទេ។
សេចក្ដីប្រកាសព័ត៌មានរបស់ក្រសួងសុខាភិបាល នៅថ្ងៃទី២៦ ខែមីនា ឆ្នាំ២០២២ បានឱ្យដឹងថា មនុស្សចំនួន ៥៨ នាក់ទៀត ត្រូវបានក្រសួងរកឃើញឆ្លងជំងឺកូវីដ-១៩ថ្មី ក្នុងនោះ មានករណីនាំចូលពីក្រៅប្រទេសចំនួន ៤ នាក់ និងឆ្លងចូលក្នុងសហគមន៍៥៤នាក់។ ចំណែកអ្នកជំងឺជាសះស្បើយចំនួន៣៨នាក់ ខណៈអ្នកស្លាប់ដោយសារជំងឺនេះ គ្មានទេ។
បើតាមក្រសួងសុខាភិបាល គិតត្រឹមព្រឹកថ្ងៃសុក្រនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុប១៣៥ ៤០២នាក់ ក្នុងនោះ ករណីនេះ នាំចូលពីក្រៅប្រទេសសរុប២១ ២០៧នាក់ ខណៈ អ្នកជំងឺព្យាបាលជាសះស្បើយ សរុប១៣១ ៣៥១នាក់ និងអ្នកស្លាប់កើនដល់ចំនួន៣ ០៥៤នាក់។ ចំណែកករណីឆ្លងអូមីក្រុងក្នុងសហគមន៍វិញ ក្រសួងថា គិតមកដល់ពេលនេះបានកើនដល់១៣ ៦១១នាក់៕
