សេចក្តីស្នើនៃសេចក្តីព្រាងច្បាប់ធម្មនុញ្ញស្តីពីការធ្វើវិសោធនកម្ម មាត្រាចំនួន៦ នៃរដ្ឋធម្មនុញ្ញ និងមាត្រាចំនួន២ទៀតនៃច្បាប់ធម្មនុញ្ញបន្ថែម ត្រូវបានក្រុមប្រឹក្សាធម្មនុញ្ញ សម្រេចជាឯកច្ឆ័នហើយ កាលពីថ្ងៃទី១៣ ខែកក្កដានេះ។
ការស្នើដោយគណៈរដ្ឋមន្រ្តីនេះ នឹងបើកផ្លូវឱ្យសភាឯកបក្សរបស់គណបក្សប្រជាជនកម្ពុជា នឹងសើរើ មាត្រាទាំង៨ ដើម្បីពិនិត្យឡើងវិញ ក្នុងទ្រង់ទ្រាយធំ លើកទី១០នេះ ត្រូវបានបញ្ជាក់ថា ធ្វើឡើងដើម្បីធានានូវស្ថេរភាពស្ថាប័នជាតិ ហើយក៏មិនធ្វើឱ្យប៉ះពាល់ដល់ដំណើរការប្រជាធិបតេយ្យ សេរីពហុបក្ស និងរបបរាជានិយម អាស្រ័យរដ្ឋធម្មនុញ្ញដែរ។
ប៉ុន្តែគោលបំណងនៃការធ្វើវិសោធនកម្មនេះ បែរជាត្រូវរងការរិះគន់ពីគណបក្សក្រៅរដ្ឋាភិបាលទៅវិញថា ការសើរើមាត្រាទាំងនោះ មិនមែនជួយឱ្យជាតិខ្លាំងទេ ផ្ទុយទៅវិញ នឹងរឹតតែធ្វើឱ្យបក្សកាន់អំណាចមានឥទ្ធិពលលើសលប់ទៅលើរដ្ឋធម្មនុញ្ញដែលជាច្បាប់កំពូលថែមទៀត។
សូមទស្សនាបទសម្ភាសន៍ រវាងលោក ម៉ម មុនីរតន៍ ជាមួយលោក វណ្ណ ប៊ុនណា អ្នកជំនាញផ្នែកវិទ្យាសាស្រ្តនយោបាយ ដែលមានសេចក្តីដូចតទៅ៖
