ជនជាតិចិនចំនួន៣នាក់ត្រូវបានប្រទះឃើញដេកស្លាប់ កាលពីវេលាម៉ោង២រំលងអធ្រាត្រ ថ្ងៃទី២៨ ខែសីហា ឆ្នាំ២០២២ នៅខុនដូហ្គោលក្លាស ស្ថិតក្នុងសង្កាត់បឹងកេងកង១ រាជធានីភ្នំពេញ។
លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ មានប្រសាសន៍នៅថ្ងៃទី២៩ ខែសីហា ឆ្នាំ២០២២ ថាសាកសពជនជាតិចិនទាំង៣នាក់នោះ រួមមានឈ្មោះ ហ្សៅ លីង (Xiao Ling) អា វ៉ី (Ah Wei) និង អា ហុង (Ah Hong) ដែលពួកគេមានអាយុប្រមាណ៣០ឆ្នាំ។
លោកបន្តថា កាំភ្លើងខ្លីមួយដើម ត្រូវបានរកឃើញនៅកន្លែងកើតហេតុ ហើយតាមការវិនិច្ឆយបឋម បង្ហាញថា ជាករណីបាញ់សម្លាប់គ្នា រួចធ្វើអត្តឃាតខ្លួនឯង។
លោកបន្តថា៖ «សាកសព២នាក់ត្រូវបានបាញ់ជាច្រើនគ្រាប់មកលើខ្លួនរបស់ពួកគេ ចំណែកម្នាក់ទៀតបាញ់ចំក្បាល។ របាយការណ៍បឋមនិយាយថា ពួកគេបាញ់សម្លាប់គ្នា ហើយមិនពាក់ព័ន្ធនឹងអ្នកផ្សេងឡើយ។ បុរសជនជាតិចិនបានបាញ់សម្លាប់មនុស្សទាំង២នាក់នោះ បន្ទាប់មកបាញ់សម្លាប់ខ្លួនឯង»។
លោកបន្ថែមថា បន្ទាប់ពីធ្វើកោសលវិច័យរួច សាកសពទាំងនេះត្រូវបានបញ្ជូនទៅតម្កល់ទុកនៅវត្តទឹកថ្លា ហើយសមត្ថកិច្ចកំពុងស្វែងរកក្រុមគ្រួសារសព៕
បកប្រែ និងសម្រួលចេញពីអត្ថបទដើមភាសាអង់គ្លេស៖ Crime Briefs: Casino Mob Beating, BKK 1 Murder-Suicide