កម្ពុជាបន្តរកឃើញអ្នកឆ្លងជំងឺកូវីដ-១៩ថ្មី ចំនួន២ករណីបន្ថែមទៀត កាលពីថ្ងៃម្សិលមិញ បន្ទាប់ពីមិនមានករណីឆ្លងជាប់ៗគ្នារយៈពេល១សប្តាហ៍កន្លងមក។
សេចក្តីជូនដំណឹងរបស់ក្រសួងសុខាភិបាល ចុះថ្ងៃទី២៨ ខែតុលា ឆ្នាំ២០២២ ឱ្យដឹងថា អ្នកជំងឺកូវីដ-១៩ថ្មី ដែលបានរកឃើញទាំង២នាក់នោះ ជាការឆ្លងវីរុសប្រភេទអូមីក្រុងទាំងអស់។
ចំណែកអ្នកជាសះស្បើយវិញ ក្រសួងថាមាន២នាក់ និងមិនមានករណីស្លាប់នោះទេ។
បើតាមក្រសួងសុខាភិបាល គិតត្រឹមព្រឹកថ្ងៃសុក្រនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន១៣៧ ៩៨១នាក់ ក្នុងនោះជាសះស្បើយ ១៣៤ ៩១៨នាក់ និងស្លាប់ចំនួន ៣ ០៥៦នាក់៕