កម្ពុជា បន្តរកឃើញអ្នកឆ្លងជំងឺកូវីដ-១៩ថ្មីចំនួន ៣ករណីបន្ថែមទៀត កាលពីថ្ងៃម្សិលមិញ ខណៈអ្នកជាសះស្បើយមានចំនួន ៣នាក់។
សេចក្តីជូនដំណឹងរបស់ក្រសួងសុខាភិបាល ចុះថ្ងៃទី៣១ ខែតុលា ឆ្នាំ២០២២ ឱ្យដឹងថា អ្នកជំងឺកូវីដ-១៩ថ្មី ដែលបានរកឃើញទាំង ៣នាក់នោះ ជាការឆ្លងវីរុសប្រភេទអូមីក្រុង និងជាអ្នកដែលស្នើសុំវិញ្ញាបនប័ត្រទៅក្រៅប្រទេសទាំងអស់។
ចំណែក អ្នកជាសះស្បើយវិញ ក្រសួងថា មាន ៣នាក់ និងមិនមានករណីស្លាប់នោះទេ។
បើតាមក្រសួងសុខាភិបាល គិតត្រឹមព្រឹកថ្ងៃចន្ទនេះ កម្ពុជាបានរកឃើញអ្នកឆ្លងជំងឺកូវីដ-១៩សរុបចំនួន ១៣៧ ៩៩១នាក់ ក្នុងនោះជាសះស្បើយ ១៣៤ ៩២៦នាក់ និងស្លាប់ចំនួន ៣ ០៥៦នាក់៕