សមាគមគ្រូបង្រៀនកម្ពុជាឯករាជ្យ ទាមទាររដ្ឋាភិបាលផ្តល់ «ប្រាក់ខែគ្រូបង្រៀន» ឱ្យបានប្រមាណ ៣លាន ៨សែនរៀល ឬស្មើ ១/៤នៃប្រាក់ខែ របស់សមាជិកសភា ដោយថាចំនួនប្រាក់ខែនេះអាចជួយជ្រោមជ្រែងឱ្យជីវភាពគ្រូបង្រៀនមានលំនឹងបន្តិច ហើយអាចផ្តោតលើការអប់រំដល់ធនធានមនុស្សកម្ពុជាប្រកបដោយគុណភាពជាងនេះ។
យ៉ាងហោចណាស់យុវជនចំនួនពីរនាក់ ត្រូវបានសមត្ថកិច្ចខេត្តកណ្តាលចាប់ខ្លួនវាយខ្នោះនៅមុខសាលរាជធានីភ្នំពេញ ភ្លាមៗក្រោយពួកគេចាកចេញពីជួបមន្ត្រីសាលារាជធានី ដើម្បីស្នើសុំធ្វើបាតុកម្មដោយអហិង្សានៅទីលានប្រជាធិបតេយ្យ ទាមទារឱ្យរដ្ឋាភិបាលបញ្ឈប់ការចេញបណ្ណស្នាក់នៅអចិន្ត្រៃយ៍ដល់ជនបរទេស និងលុបគម្រោងបង្កើតអាគារសិក្សាភាសាវៀតណាមនៅក្នុងសាកលវិទ្យាល័យភូមិន្ទភ្នំពេញ។
មេធាវីការពារក្ដីឱ្យកញ្ញា សេង ធារី បង្ហាញការសោកស្ដាយចំពោះក្រសួងមហាផ្ទៃ ដែលមកដល់ពេលនេះ នៅមិនទាន់ឆ្លើយតបលើសំណើសុំផ្ទេរកូនក្ដីរបស់ខ្លួន មកកាន់ពន្ធនាគារនៅរាជធានីភ្នំពេញ ខណៈលោកបានដាក់សំណើលើករណីនេះជាងមួយខែមកហើយ។
អង្គការឃ្លាំសិទ្ធិមនុស្សលីកាដូ រកឃើញថា រដ្ឋាភិបាលឯកបក្ស បានប្រើច្បាប់កូវីដ-១៩ ធ្វើជាអាវុធគំរាមកំហែងសកម្មជនសិទ្ធិមនុស្ស សិទ្ធិមូលដ្ឋាន អ្នកសារព័ត៌មាន អ្នកមានជម្លោះដីធ្លី និងសិទ្ធិនយោបាយចំពោះបុគ្គលទាំងឡាយណាដែលគេកំណត់ថា ជាក្រុមប្រឆាំង។
អង្គការសង្គមស៊ីវិល និងតំណាងជនជាតិដើមភាគតិច ស្នើទៅរដ្ឋាភិបាលបើកលំហក្នុងការផ្ដល់ព័ត៌ជូនសាធារណជនឱ្យបានទូលំទូលាយ និងស្នើដាក់ធាតុចូលបន្ថែមនៅក្នុងច្បាប់ស្ដីពី «សិទ្ធិទទួលព័ត៌មាន» ដើម្បីកាត់បន្ថយអំពើពុករលួយ ខណៈពួកគេនៅតែជួបបញ្ហាប្រឈមមួយចំនួនក្នុងការទទួលបានព័ត៌មានរស៊ើបពីស្ថាប័នរដ្ឋ។
ម្ដាយក្មេងស្រីដែលកូនរបស់គាត់ត្រូវបានគេចាប់រំលោភកាលពីឆ្នាំមុន នៅតែបន្ត ស្វែងរកយុត្តិធម៌សម្រាប់កូនស្រី ព្រោះកើតទុក្ខមិនសុខចិត្តចំពោះការសម្រេចរបស់តុលាការ។
ប្រព័ន្ធផ្សព្វផ្សាយដែលមានជំនាញផ្នែកវិស័យសារព័ត៌មានចំនួន២ស្ថាប័ន ចាប់ផ្ដើមកៀរគរ ដើម្បីបង្កើតអង្គភាពឯករាជ្យមួយឈ្មោះថា «ក្រុមប្រឹក្សាសារព័ត៌មាននៅកម្ពុជា» ដែលអង្គភាពនេះដើរតួនាទីក្នុងការសម្របសម្រួល និងលើកកម្ពស់ឱ្យវិស័យដ៏ចាំបាច់មួយនេះមានភាពលូសលាស់ និងបានជាបង្អែកសម្រាប់អ្នកសារព័ត៌មានអាជីពនិងឯករាជ្យ។
មន្ត្រីផ្នែកទំនាក់ទំនងសាធារណៈម្នាក់បានស្នើឱ្យវីអូឌីដកឈ្មោះក្រុមហ៊ុន Zhengheng Group ចេញពីអត្ថបទព័ត៌មានដែលបានផ្សាយអំពីប្រតិបត្តិការឆបោក ដោយសន្យាផ្តល់ប្រាក់មួយចំនួន និងបាននិយាយថាក្រុមហ៊ុនកំពុងជួយអាជ្ញាធរក្នុងការបង្ក្រាបអាជីវកម្មខុសច្បាប់នៅទីតាំងរបស់ខ្លួនក្នុងខេត្តកោះកុង។
អ្នកជំនាញខាងវិស័យសារព័ត៌មានលើកឡើងថា ចាប់តាំងពីចុងឆ្នាំ២០១៧ មក ពោលគឺ ក្រោយពីកាសែត ឌឹខេមបូឌា ដេលី(The Cambodia Daily) និងវិទ្យុឯករាជ្យមួយចំនួនត្រូវបង្ខំចិត្តបិទការិយាល័យរបស់ខ្លួននៅភ្នំពេញ រហូតមកដល់ពេលបច្ចុប្បន្ននេះ សេរីភាពសារព័ត៌មាននៅកម្ពុជានៅតែមានការរឹតត្បិត ដោយមិនទាន់មានភាពប្រសើរនៅឡើយ។
ក្រុមយុវជនខ្មែរថាវរៈ បានអះអាងថា សមត្ថកិច្ចខេត្តព្រះវិហារបានដាក់របាំងរារាំងពួកគេ និងក្រុមស្រ្តីថ្ងៃសុក្រ មិនឱ្យធ្វើដំណើរទៅកាន់មុខពន្ធនាគារខេត្ត ដើម្បីបង្ហោះប៉ោងប៉ោងលើកទឹកចិត្ត និងទាមទារឱ្យមានការដោះលែងកញ្ញា សេង ធារី នោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
