ធនាគារពិភពលោក(WB)បានផ្តល់ជំនួយដល់ររដ្ឋាភិបាលកម្ពុជាចំនួន១៣០លានដុល្លារអាមេរិក ដើម្បីជួយលើគម្រោងចំនួន៤ ដែលក្នុងនោះមានការពង្រឹងលើការថែទាំផ្លូវថ្នល់និងវិស័យកសិកម្មជាដើម។បើតាមគេហទំព័ររបស់ធនាគារពិភពលោក គម្រោងទាំង៤នេះមានទឹកប្រាក់ចំនួន១៣០លានដុល្លារដែលជាហិរញ្ញប្បទានសហប្រតិបត្តិការថ្មី អនុម័តដោយក្រុមប្រឹក្សានាយកប្រតិបត្តិនៃធនាគារពិភពលោកកាលពីថ្ងៃទី១៩ ខែឧសភា ឆ្នាំ២០១៦។
រដ្ឋាភិបាលសម្រេចដាក់ឲ្យមានការដេញថ្លៃឈើជាង៦ម៉ឺនម៉ែត្រគូប ដែលគណៈកម្មការជាតិទប់ស្កាត់និងបង្ក្រាបបទល្មើសព្រៃឈើរឹបអូសបានក្នុងបេសកកម្មរបស់ខ្លួន ដោយមានតម្លៃមូលដ្ឋានសរុបជាង១២លានដុល្លារអាមេរិក។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះ បានប្រកាសបញ្ចប់”យុទ្ធនាការទ្រង់ទ្រាយធំ”ក្នុងការដោះស្រាយបញ្ហាខ្វះទឹកជូនប្រជាពលរដ្ឋក្នុងអំឡុងពេលគ្រោះរាំងស្ងួត តែលោកថាមិនមែនបញ្ចប់ការចែកទឹកជូនប្រជាពលរដ្ឋក្នុងតំបន់ដែលនៅខ្វះខាតទឹកនោះទេ។ក្នុងពិធីប្រគល់សញ្ញាបត្រដល់និស្សិតសាកលវិទ្យាល័យអាស៊ីអឺរ៉ុប លោក ហ៊ុន សែន បានថ្លែងថាការបញ្ចប់យុទ្ធនាការទ្រង់ទ្រាយធំនេះ ដោយសារមានភ្លៀងធ្លាក់ឡើងវិញ។
ក្រសួងការបរទេសកម្ពុជាបានឲ្យដឹងថាពលរដ្ឋខ្មែរ១៥នាក់ត្រូវបានអាជ្ញាធរថៃចាប់ខ្លួនកាលពីថ្ងៃសៅរ៍សប្តាហ៍មុន ដោយសាររកឃើញថាពួកគេចូលកាប់ឈើក្រញូងខុសច្បាប់នៅប្រទេសថៃ។ក្នុងសេចក្តីប្រកាសព័ត៌មានមួយចេញផ្សាយនៅថ្ងៃព្រហស្បតិ៍នេះ ក្រសួងការបរទេសបានឲ្យដឹងថាក្រសួងបានទទួលព័ត៌មានថាមានពលរដ្ឋខ្មែរចំនួន១៥នាក់ ត្រូវបានអាជ្ញាធរថៃចាប់ឃាត់ខ្លួននៅថ្ងៃទី១៤ ខែឧសភា ពីបទឆ្លងដែនខុសច្បាប់ទៅកាប់ឈើក្រញូងក្នុងតំបន់ឧទ្យានជាតិថាប់ឡាន ស្ថិតក្នុងភូមិវាំងថាលុកៅ ឃុំកេងឌិនសរ ស្រុកណាឌី ខេត្តប្រាជីនបុរី។
រដ្ឋាភិបាលបានសម្រេចអនុញ្ញាតឲ្យប្រជាពលរដ្ឋចិញ្ចឹមត្រីរ៉ស់ និងត្រីឆ្ដោឡើងវិញ ដោយបញ្ជាក់ថា ដើម្បីបង្កើនប្រាក់ចំណូល និងការងារជូនពលរដ្ឋ បន្ទាប់ពីរដ្ឋាភិបាលបានហាមមិនឲ្យចិញ្ចឹមត្រីទាំងពីរប្រភេទនេះអស់រយៈពេលជាង១០ឆ្នាំ។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានថ្លែងកុំឲ្យក្រុមណាមួយឆ្លៀតឱកាសកេងចំណេញនយោបាយ ដោយសារភាពរាំងស្ងួតនៅកម្ពុជា ដោយចាត់ទុកថាអ្នកឆ្លៀតឱកាសទាំងនោះជាក្រុម”និយមឃោសនាបោកប្រាស់”។ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យធនធានមនុស្ស លោក ហ៊ុន សែន បានថ្លែងថាភាពរាំងស្ងួតដែលកំពុងកើតឡើងនៅកម្ពុជានេះជាបាតុភូតធម្មជាតិហើយប្រទេសដទៃក៏កំពុងជួបប្រទះផងដែរ។ លោកថានេះជាបញ្ហាក្នុងតំបន់ទាំងមូលមិនមែនកើតឡើងតែនៅកម្ពុជានោះទេ។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានអំពាវនាវឲ្យប្រជាពលរដ្ឋចូលរួមការពារព្រៃឈើជាមួយរដ្ឋាភិបាល ដោយលោកបញ្ជាក់ថារដ្ឋាភិបាលនិងប្រជាពលរដ្ឋមានគោលដៅតែមួយក្នុងការការពារព្រៃឈើ។ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យធនធានមនុស្ស លោក ហ៊ុន សែន បានថ្លែងថាលោកបានប្រាប់ទៅរដ្ឋមន្រ្តីក្រសួងបរិស្ថានថាឲ្យប្រាប់ទៅប្រជាពលរដ្ឋចូលរួមជួយការពារព្រៃឈើជាមួយរដ្ឋាភិបាល។
ប្រមុខរដ្ឋាភិបាលនៅថ្ងៃអង្គារនេះបញ្ជាឲ្យអាជ្ញាធរសាធារណៈនិងក្រុមការងារគណបក្សប្រជាជនកម្ពុជាចេញប្រតិបត្តិការជួយប្រជាពលរដ្ឋឲ្យមានទឹកប្រើប្រាស់ប្រចាំថ្ងៃ ខណៈប្រជាពលរដ្ឋនៅតាមខេត្តមួយចំនួនកំពុងជួបបញ្ហាខ្វះទឹក។ក្នុងពិធីសម្ពោធឲ្យប្រើប្រាស់ផ្លូវជាតិលេខ៥១តភ្ជាប់ខេត្តបន្ទាយមានជ័យនិងឧត្តរមានជ័យ លោកនាយករដ្ឋមន្រ្តី ហ៊ុន សែន បានបញ្ជាឲ្យក្រសួងធនធានទឹក អាជ្ញាធរខេត្ត កាកបាទក្រហមនិងក្រុមការងារចុះមូលដ្ឋានរបស់គណបក្សប្រជាជនកម្ពុជា ត្រូវរកវិធីផ្គត់ផ្គង់ទឹកប្រើប្រាស់ដល់ប្រជាពលរដ្ឋ។
ដំរីមួយក្បាលនៅខេត្តសៀមរាបងាប់កាលពីព្រឹកថ្ងៃសុក្រ ដោយសង្ស័យថាមកពីអាកាសធាតុក្តៅខ្លាំងពេក។ ប្រភពម្នាក់ដែលមិនបញ្ចេញឈ្មោះនិងធ្វើការនៅកន្លែងក្រោលដំរី ប្រាប់វីអូឌីថាដំរីញីនោះងាប់នៅម៉ោងប្រមាណ១១ព្រឹក ពេលកំពុងដឹកភ្ញៀវទេសចរណ៍នៅមុខប្រាសាទបាក់ខែង។ ប្រភពបន្តថាដំរីនោះងាប់អាចមកពីអាកាសធាតុក្តៅខ្លាំង ដោយលោកបញ្ជាក់ថាដំរីនោះមិនដែលឈឺនិងមានពេទ្យមើលថែត្រឹមត្រូវ។ ប្រភពបញ្ជាក់ថាដំរីត្រូវកប់នៅខាងក្រោយក្រោដំរី មុខប្រាសាទបាក់ខែង។ វីអូឌីមិនទាន់អាចសុំការឆ្លើយតបពីម្ចាស់គ្រប់គ្រងដំរីបាននៅឡើយទេ។ គួរបញ្ជាក់ថាដំរីនៅតំបន់អង្គរមានចំនួន១៤ក្បាល ដែលគ្រប់គ្រងដោយជនជាតិបារាំងម្នាក់ ជាម្ចាស់សណ្ឋាគារវីឡាអង្គរ៕
ប្រធានក្រុមកិច្ចការពិសេសសិទ្ធិមនុស្សកម្ពុជា(CHRTF) លោក អ៊ូច ឡេងនិងជាសកម្មជនព្រៃឈើម្នាក់ដែលបានចំណាយពេលជាង២០ឆ្នាំក្នុងការការពារព្រៃឈើ នៅថ្ងៃចន្ទនេះ បានទទួលពានរង្វាន់វីរជនបរិស្ថាន(Goldman Environmental Award Prize)ក្នុងរដ្ឋសាន់ហ្រ្វាន់ស៊ីស្កូ សហរដ្ឋអាមេរិកអាមេរិក។ បុគ្គល៦នាក់មកពីទូទាំងពិភពលោកត្រូវបានផ្តល់នូវពានរង្វាន់មួយនេះ ក្នុងនោះមានលោក អ៊ូច ឡេង ផងដែរ។ ពានរង្វាន់នេះត្រូវផ្តល់ទៅបុគ្គលដែលមានការប្តេជ្ញាខ្លាំងក្នុងការពារបរិស្ថាននិងប្រឆាំងនឹងការបំផ្លាញបរិស្ថាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
