កាលពីពេលថ្មីៗនេះ សាលាដំបូងរាជធានីភ្នំពេញបានសម្រេចឃុំខ្លួនយុវជនការពារបរិស្ថានចំនួន៣នាក់ជាបណ្តោះអាសន្ននៅពន្ធនាគារ និងចោទប្រកាន់ពួកគេ រួមទាំងស្ថាបនិកចលនាមាតាធម្មជាតិ លោក អាឡិច ហ្គន់សាឡេស ដេវីតសុន (Alejandro Gonzalez Davidson) ពីបទ «រួមគំនិតក្បត់ប្រឆាំងនឹងរដ្ឋ» និង «ប្រមាថអង្គព្រះមហាក្សត្រ»។
ពលរដ្ឋម្នាក់ដែលត្រូវក្រុមយោធាបាញ់ឱ្យរងរបួសក្នុងជម្លោះដីធ្លីនៅខេត្តកណ្តាល បន្តទាមទារឱ្យរដ្ឋាភិបាលជួយរកយុត្តិធម៌និងផ្តល់សំណងជំងឺចិត្តដល់គាត់ឱ្យបានឆាប់រហ័ស ខណៈរូបលោកបារម្ភពីការធ្លាក់ខ្លួនពិការអំឡុងពេលព្យាបាលនៅផ្ទះ ដោយសារគ្មានលទ្ធភាពព្យាបាលនៅមន្ទីរពេទ្យបន្តទៀត។
អង្គការឃ្លាំមើលសិទ្ធិមនុស្សអន្តរជាតិ (HRW) បានជំរុញឱ្យរដ្ឋមន្ត្រីការបរទេសអង់គ្លេស លោក ដូមីនិក រ៉ាអាប់ (Dominic Raab) លើកឡើងពីបញ្ហាសិទ្ធិមនុស្សនៅក្នុងដំណើរទស្សនកិច្ចនៅកម្ពុជា នាថ្ងៃទី២៣ ខែមិថុនានេះ។
មេធាវីការពារក្តីឱ្យអ្នកស្រី សំ សុខា អតីតសកម្មជនគណបក្សសង្គ្រោះជាតិ បានស្នើដល់តុលាការសាលាដំបូងខេត្តកំពង់ស្ពឺ ដោះលែងកូនក្តីរបស់ខ្លួន ដោយលើកហេតុផលថា កូនក្តីរបស់ខ្លួនមានជំងឺប្រចាំកាយរ៉ាំរ៉ៃ និងបារម្ភពីការឆ្លងជំងឺកូវីដ-១៩នៅក្នុងពន្ធនាគារនេះ។
អង្គការជាតិ-អន្តរជាតិ រួមនឹងតំណាងទូតជិត១០០ស្ថាប័ន បង្ហាញការព្រួយបារម្ភនិងទាមទារឱ្យរដ្ឋាភិបាលកម្ពុជា ទម្លាក់ចោលការចោទប្រកាន់ទៅលើសកម្មជនបរិស្ថានវ័យក្មេងចំនួន៤នាក់និងដោះលែងពួកគេឱ្យមានសេរីភាពវិញ។
គណៈកម្មាធិការជាតិប្រឆាំងទារុណកម្មរបស់រដ្ឋាភិបាល ស្នើអគ្គស្នងការដ្ឋាននគរបាលជាតិបើកការស៊ើបអង្កេតបន្ថែម ដើម្បីរកការពិតនិងនាំខ្លួនមន្ត្រីពាក់ព័ន្ធមកទទួលទោស ក្រោយរកឃើញថា ការស្លាប់របស់ជនសង្ស័យម្នាក់នៅអំឡុងឃុំខ្លួននៅអធិការដ្ឋាននគរបាលស្រុកសង្កែ ខេត្តបាត់ដំបង អាចជាប់ពាក់ព័ន្ធនឹងការធ្វើទារុណកម្ម។
ចៅក្រមជំនុំជម្រះសាលាដំបូងរាជធានីភ្នំពេញ កំណត់ថ្ងៃបើកសវនាការលើសំណុំរឿងមន្រ្តីជាន់ខ្ពស់អតីតគណបក្សសង្រ្គោះជាតិ និងអ្នកគាំទ្ររបស់ខ្លួន ចំនួន៩រូប នៅថ្ងៃទី១ ខែកក្កដា ខាងមុខនេះ។
អង្គការគាំពារអ្នកកាសែតចំនួនពីរ បានអំពាវនាវឱ្យអាជ្ញាធរកម្ពុជាបញ្ឈប់ការគំរាមកំហែង និងធ្វើទុក្ខបុកម្នេញទៅលើអ្នកសារព័ត៌មានឯករាជ្យនៅពេលពួកគេចុះបំពេញការងារ។
សមត្ថកិច្ចកម្ពុជាបានបញ្ជូនយុវជនបរិស្ថាន៣នាក់ទៅកាន់សាលាដំបូងរាជធានីភ្នំពេញ កាលពីវេលាម៉ោង៧និង៣០នាទីព្រឹកថ្ងៃសៅរ៍ ទី១៩ ខែមិថុនានេះ ដើម្បីធ្វើការចោទប្រកាន់។
យុវជនមានតួនាទីសំខាន់ក្នុងការការពារបរិស្ថាន ដោយមានច្បាប់និងគោលនយោបាយនានាលើកទឹកចិត្ត ប៉ុន្ដែពួកគេត្រូវបានរងនូវការរឹតត្បិតសេរីភាពក្នុងការចូលរួមសកម្មភាពទៅវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
