ក្រសួងយុត្តិធម៌ បានបញ្ជាក់ជាថ្មីថា តុលាការចោទប្រកាន់តែទៅលើប្រធានគណបក្សសង្គ្រោះជាតិដែលត្រូវបានតុលាការរំលាយ លោក កឹម សុខា ពីបទ«សន្ទិដ្ឋិភាពជាមួយរដ្ឋបរទេស» ប៉ុន្តែមិនបានចោទប្រកាន់រដ្ឋបរទេសណាមួយក្នុងសំណុំរឿងនេះនោះទេ។
សមាជវិសាមញ្ញរបស់គណបក្សភ្លើងទៀន បានអនុម័តសម្រេចជាផ្លូវការថា នឹងចូលរួមការបោះឆ្នោតខាងមុខ ដើម្បីជំរុញឱ្យមានការលើកកម្ពស់ប្រជាធិបតេយ្យ និងសិទ្ធិមនុស្ស ខណៈសកម្មជនរបស់ខ្លួនរងការគំរាមកំហែង បំភិតបំភ័យពីសំណាក់អាជ្ញាធរមូលដ្ឋានជាបន្តបន្ទាប់ និងខ្លះរងបណ្តឹងនៅតុលាការថែមទៀតផង។
ពលរដ្ឋខ្មែរអាមេរិកាំងរាប់សិបនាក់បានដើរដង្ហែក្បួនធ្វើបាតុកម្មនៅមុខក្រសួងការបរទេសអាមេរិក ដើម្បីទាមទារឱ្យមានការគោរពសិទ្ធិមនុស្សនិងលទ្ធិប្រជាធិបតេយ្យនៅក្នុងប្រទេសកម្ពុជា ខណៈលោកនាយករដ្ឋមន្ត្រី ហ៊ុន សែន ចូលរួមកិច្ចប្រជុំកំពូលអាស៊ាន-អាមេរិក កាលពីល្ងាចថ្ងៃទី១២ ខែឧសភា។
ករណីគប់ស្បែកជើងទៅលើលោកនាយករដ្ឋមន្ត្រី ហ៊ុន សែន លើទឹកដីអាមេរិក ជំរុញឱ្យមានការថ្កោលទោសពីឥស្សរជននយោបាយបក្សកាន់អំណាច ប៉ុន្តែមតិផ្សេងទៀតយល់ថាជារឿងធម្មតាដែលបានកើតឡើងញឹកញាប់ក្នុងប្រទេសដែលប្រកាន់លទ្ធិប្រជាធិបតេយ្យ។
បុរសពលរដ្ឋខ្មែរអាមេរិកាំងម្នាក់បានយកស្បែកជើងគប់សំដៅទៅលើលោកនាយករដ្ឋមន្ត្រី ហ៊ុន សែន នៅក្នុងចំណោមហ្វូងអ្នកគាំទ្ររបស់លោក នៅឯរដ្ឋធានីវ៉ាស៊ីនតោន សហរដ្ឋអាមេរិក។
លោកនាយករដ្ឋមន្រ្តី បានថ្លែងការពារពីភាពឯករាជ្យនៃប្រព័ន្ធតុលាការក្នុងរឿងក្ដីលោក កឹម សុខា ដោយបញ្ជាក់ពីភាពស្អាតស្អំរបស់រដ្ឋាភិបាលថាមិនបានចោទសហរដ្ឋអាមេរិកមានជាប់ពាក់ព័ន្ធក្នុងសំណុំរឿងព្រហ្មទណ្ឌនេះទេ។
តំណាងជាន់ខ្ពស់សហភាពអឺរ៉ុប ជំរុញរដ្ឋាភិបាលកម្ពុជាបើកលំហនយោបាយ និងផ្តល់ដំណោះស្រាយលើសំណុំរឿងប្រធានគណបក្សសង្គ្រោះជាតិដែលតុលាការរំលាយ លោក កឹម សុខា ខណៈការបោះឆ្នោតជិតចូលមកដល់ ដោយថាខ្លួននឹងពិចារណាផ្តល់ប្រព័ន្ធអនុគ្រោះពន្ធ EBA ឱ្យកម្ពុជាវិញ ប្រសិនស្ថានភាពនយោបាយ និងប្រជាធិបតេយ្យប្រសើរឡើង។
លោកនាយករដ្ឋមន្ត្រី ហ៊ុន សែន ថ្លែងថា លោក សម រង្ស៊ី បន្តបាត់បង់ឱកាសក្នុងការវិលត្រលប់ចូលមកក្នុងប្រទេសកម្ពុជាវិញ ដោយសារតែលោកមិនចេះគ្រប់គ្រងឱកាស។
អ្នកឃ្លាំមើលសង្គមមួយចំនួនយល់ឃើញថា ជំនួបដ៏កម្រជាថ្មីទៀតរវាងលោកនាយករដ្ឋមន្ត្រី ហ៊ុន សែន និងលោក កឹម សុខា ក្នុងពិធីបុណ្យសពបងប្រុសបង្កើតរបស់នាយករដ្ឋមន្ត្រី មិនមែនជាដើមចមដល់ការពន្លឿនដំណោះស្រាយនយោបាយនោះទេ តែជាសញ្ញាវិជ្ជមានផ្នែកគុណធម៌ ព្រោះថាបានបង្ហាញពីគំរូចេះស្វែងរកការជជែកគ្នា ទោះមានវិវាទនយោបាយ។
ប្រធានគណបក្សសង្រ្គោះជាតិដែលតុលាការរំលាយ លោក កឹម សុខា បានជួបពិភាក្សាជាមួយប្រធានគណបក្សប្រជាជនកម្ពុជា លោក ហ៊ុន សែន ជាច្រើនម៉ោង ក្នុងឱកាសមេបក្សប្រឆាំងរូបនេះបានដឹកនាំគណៈប្រតិភូចូលរួមគោរពវិញ្ញាណក្ខន្ធសពលោក ហ៊ុន ណេង ដែលជាបងប្រុសបង្កើតនាយករដ្ឋមន្ត្រី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីទូរទស្សន៍អនឡាញ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២៥ រក្សាសិទ្ធិគ្រប់យ៉ាងដោយ វីអូឌី
