នៅអំឡុងពេលដែលមេដឹកនាំនៃប្រទេសមហាអំណាចកំពុងចូលរួមក្នុងកិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះនេះ គណបក្សភ្លើងទៀន ដែលជាបក្សនៅក្រៅរដ្ឋាភិបាល ស្នើឱ្យបណ្ដាមេដឹកនាំទាំងនោះ ជាពិសេសសហរដ្ឋអាមេរិក ធ្វើកិច្ចអន្តរាគមន៍ដោយជំរុញរដ្ឋាភិបាលកម្ពុជាឱ្យគោរពសិទ្ធិមនុស្ស និងសិទ្ធិនយោបាយរបស់បក្សប្រឆាំង។
អ្នកនយោបាយជើងចាស់វ័យ៨១ឆ្នាំ លោក គង់ គាំ ដែលបច្ចុប្បន្នជាឧត្ដមទីប្រឹក្សាគណបក្សភ្លើងទៀន បានផ្ញើសារបែបឌឺដងទៅកាន់លោកនាយករដ្ឋមន្ត្រី ហ៊ុន សែន ថាជា«មេដឹកនាំសម្លុត» ដែលការណ៍នេះ លោកអំពាវនាវដល់ក្រុមប្រឹក្សាជាប់ឆ្នោតរបស់ខ្លួន កុំឱ្យមានការភ័យខ្លាចក្នុងដំណើរឆ្ពោះទៅកាន់ការបោះឆ្នោតជាតិ ឆ្នាំ២០២៣។
អគ្គព្រះរាជអាជ្ញារងនៃមហាអយ្យការអមតុលាការកំពូល ឱ្យដឹងថា អ្នកទោសនយោបាយនៃគណបក្សសង្រ្គោះជាតិដែលត្រូវបានតុលាការរំលាយ អាចនឹងប្រកបវិជ្ជាជីវៈជាអ្នកនយោបាយឡើងវិញបានជាធម្មតា ក្រោយបម្រាមនេះត្រូវផុតកំណត់ ប្រសិនបើអ្នកទាំងនោះគ្មានទោសព្រហ្មទណ្ឌផ្សេងទៀតទេ។
ចៅសង្កាត់រងទី២ នៅសង្កាត់អូរចារ ខេត្តបាត់ដំបង មកពីគណបក្សភ្លើងទៀន អ្នកស្រី ស៊ិន ចាន់ពៅរ៉ូហ្សិត បានឱ្យដឹងថា ខ្លួនបានដាក់ពាក្យបណ្ដឹងទៅកាន់នគរបាលយុត្តិធម៌ ប្រឆាំងនឹងសមាជិកក្រុមប្រឹក្សាសង្កាត់ជាប់ឆ្នោតមកពីគណបក្សប្រជាជនមួយរូបដែលបានប្រើហិង្សាលើអ្នកស្រី បន្ទាប់ពីទាស់ពាក្យសម្ដីគ្នារឿងការងារ។
មន្ត្រីជាន់ខ្ពស់របស់គណបក្សយុវជនកម្ពុជាមួយរូបបានអះអាងថា បើគ្មានលុយសម្រាប់ធ្វើនយោបាយ នោះយុវជននឹងមិនអាចសម្រេចគោលដៅមហិច្ឆតានយោបាយរបស់ខ្លួនបាននោះទេ ខណៈគណបក្សនយោបាយដែលនៅក្រៅរដ្ឋាភិបាលមួយចំនួនយល់ថា ដើមទុនដើម្បីធ្វើនយោបាយពិតប្រាកដ គឺសមត្ថភាពដឹកនាំទៅវិញទេ។
មេធាវីការពារក្ដីលោក សុន ឆ័យ នៅតែទាមទារឱ្យតុលាការទម្លាក់ចោលការចោទប្រកាន់មកលើកូនក្តី និងដាក់ពាក្យបណ្តឹងជំទាស់ប្រឆាំងសាលក្រមរបស់សាលាដំបូងរាជធានីភ្នំពេញ ដែលសម្រេចឱ្យកូនក្ដីបង់ប្រាក់សងជំងឺចិត្តដល់គណបក្សប្រជាជនកម្ពុជាចំនួន៧៥ម៉ឺនដុល្លារ ក្រោមបទចោទប្រកាន់ «បរិហារកេរ្តិ៍ជាសាធារណៈ»។
គណបក្សភ្លើងទៀន នៅថ្ងៃសុក្រនេះ អំពាវនាវដល់អាជ្ញាធរបញ្ឈប់សកម្មភាពគំរាមកំហែង និងបង្ខិតបង្ខំឱ្យសមាជិក-សមាជិកាក្រុមប្រឹក្សាឃុំ-សង្កាត់របស់ខ្លួន ឱ្យចូលរួមអនុម័ត និងចុះហត្ថលេខាលើញត្តិដែលរៀបចំដោយអាជ្ញាធរ ថ្កោលទោសចំពោះបុគ្គលទាំងឡាយណាដែលមានចេតនាប្រមាថអង្គព្រះមហាក្សត្រ។
តុលាការកំពូល សម្រេចមិនអនុញ្ញាតឱ្យលោក អៀ ចាន់ណា មន្ត្រីគណបក្សសង្គ្រោះជាតិដែលត្រូវតុលាការរំលាយ នៅក្រៅឃុំបណ្ដោះអាសន្ន ដូចការសម្រេចរបស់តុលាការថ្នាក់ក្រោមដែរ។
សមាជិកសភា និងគណបក្សក្រៅរដ្ឋាភិបាលចំនួន១២ ខ្វែងគំនិតគ្នាជុំវិញការទាមទារកែច្បាប់ ដើម្បីឱ្យការបោះឆ្នោតខាងមុខ មានលក្ខណៈសេរី ត្រឹមត្រូវ និងយុត្តិធម៌ តាមគោលការណ៍ប្រជាធិបតេយ្យ ខណៈរងការរិះគន់ថា ប្រព័ន្ធបោះឆ្នោតបច្ចុប្បន្ននៅខ្វះជំនឿទុកចិត្ត។
គណបក្សភ្លើងទៀន បដិសេធចំពោះការប្រកាន់នានាអំពីទំនាក់ទំនងជាមួយលោក សម រង្ស៊ី និងថ្កោលទោសបុគ្គលទាំងឡាយណាដែលមានចេតនាប្រមាថ ឬរំលោភបំពានរដ្ឋធម្មនុញ្ញ អង្គព្រះមហាក្សត្រ និងរបបរាជានិយមអាស្រ័យរដ្ឋធម្មនុញ្ញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
