ប្រជាពលរដ្ឋចំនួន២៤៤គ្រួសារ នៅភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ដែលរងផលប៉ះពាល់ពីគម្រោងពង្រីកផ្លូវ ទាមទារអភិវឌ្ឍន៍នៅកន្លែង និងចេញបណ្ណកម្មសិទ្ធិ ខណៈអាជ្ញាធរឱ្យពលរដ្ឋទាំងនោះដោះដូរទៅទីតាំងថ្មី។
ជនជាតិដើមភាគតិចពូនងជិត១០០នាក់ នៅឃុំសែនមនោរម្យ ស្រុកអូររាំង ខេត្តមណ្ឌលគិរី បាននាំគ្នាតវ៉ាមុខសាលាឃុំ នៅថ្ងៃពុធនេះ ប្រឆាំងនឹងអាជ្ញាធរដែលបានកាត់ដីពួកគេចំនួន២៥៥ហិកតា ទៅឱ្យឧកញ៉ាធ្វើការអភិវឌ្ឍ។
ប្រជាពលរដ្ឋជិត២០០នាក់ តំណាងឱ្យពលរដ្ឋ២១០គ្រួសារ នៅស្រុកប្រាសាទបាគង ខេត្តសៀមរាប បានប្រមូលផ្តុំតវ៉ាជាថ្មីទៀតនៅមុខអាជ្ញាធរជាតិអប្សរា នៅថ្ងៃពុធនេះ ដើម្បីទាមទារសំណងដីធ្លី។
ប្រជាពលរដ្ឋចំនួន១០០គ្រួសារ នៅឃុំចំនួន២ នៃស្រុកមេមត់ ខេត្តត្បូងឃ្មុំ បានស្នើសុំបណ្ណកម្មសិទ្ធិដីធ្លីពីអាជ្ញាធរខេត្ត ក្រោយពីដីនេះបានកាត់ឆ្វៀលចេញពីគម្រោងដីក្រុមហ៊ុនឯកជនអស់រយៈពេល៦ឆ្នាំមកហើយ ប៉ុន្តែពលរដ្ឋនៅមិនទាន់ទទួលបានបណ្ណកម្មសិទ្ធិស្របច្បាប់នៅឡើយ។
ប្រជាពលរដ្ឋមួយចំនួននៅស្រុកបូទុមសាគរ ខេត្តកោះកុង អំពាវនាវទៅរដ្ឋាភិបាលជួយអន្តរាគមន៍ទៅអាជ្ញាធរពាក់ព័ន្ធពន្លឿនការដោះស្រាយវិវាទដីធ្លីជូនពួកគេឱ្យឆាប់ និងមានតម្លាភាព ខណៈអាជ្ញាធរចោទពួកគាត់ថាបានចូលទៅអាស្រ័យផលលើដី «ឧទ្យានជាតិបូទុមសាគរ» ដោយខុសច្បាប់។
ប្រជាពលរដ្ឋចំនួន១០គ្រួសារ នៅឃុំរុនតាឯក ស្រុកបន្ទាយស្រី ខេត្តសៀមរាប ដែលកំពុងរងផលប៉ះពាល់ពីគម្រោងអភិវឌ្ឍន៍តំបន់រុនតាឯក រក្សាជំហរមិនទទួលយកការដោះដូរដីឡូត៍ត្រឹមដី «២០ម៉ែត្រ គុណ ៣០ម៉ែត្រ» ដោយថា ការដោះស្រាយនេះពុំមានតម្លាភាព។
ប្រជាពលរដ្ឋ៧០គ្រួសារ រស់នៅភូមិភ្នំក្រោម សង្កាត់សៀមរាប ក្រុងសៀមរាប បានទាមទារឱ្យអាជ្ញាធរខេត្តសៀមរាប ផ្តល់បណ្ណកម្មសិទ្ធិដីធ្លី ខណៈពួកគេអះអាងថា ដីនោះកំពុងមានជម្លោះជាមួយទាហាននៅទីបញ្ជាការកងអនុសេនាធំលេខ៣ប្រចាំតំបន់នោះ។
ពលរដ្ឋ៦៥គ្រួសារនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ទាមទារអាជ្ញាធរ ផ្តល់បណ្ណកម្មសិទ្ធិដីធ្លីដល់ពួកគាត់ឱ្យបានឆាប់ ដោយថាពួកគាត់បានរស់នៅលើដីនោះជាច្រើនឆ្នាំមកហើយ និងបារម្ភពីការ«បណ្តេញចេញ» ក្រោមហេតុផលអភិវឌ្ឍន៍ បន្ទាប់ពីមើលឃើញថាសហគមន៍ខ្លះបានរងគ្រោះនូវរឿងស្រដៀងៗគ្នានេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
