កូដករក្រុមហ៊ុនណាហ្គាវើលដ៍អះអាងថា ប្រធានសហជីពរបស់ពួកគេប្រចាំក្រុមហ៊ុនល្បែងនេះ គឺ កញ្ញា ឈឹម ស៊ីថរ ត្រូវបានសមត្ថកិច្ចបញ្ជូនទៅឃុំខ្លួននៅពន្ធនាគារព្រៃស រាជធានីភ្នំពេញ នៅរសៀលថ្ងៃទី២៦ ខែវិច្ឆិកា ក្រោយពេលសមត្ថកិច្ចចាប់ខ្លួនកញ្ញានៅព្រឹកថ្ងៃដដែល ពាក់ព័ន្ធបទល្មើសបម្រាម ឬគេចវេសពីការត្រួតពិនិត្យរបស់តុលាការ។
សមត្ថកិច្ចរាជធានីភ្នំពេញអះអាងថា ពួកគេពិតជាបានចាប់ខ្លួនប្រធានសហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ កញ្ញា ឈឹម ស៊ីថរ នៅព្រឹកថ្ងៃទី២៦ ខែវិច្ឆិកា ប្រាកដមែន និងបានបញ្ជូនប្រធានសហជីពរូបនេះ ទៅកាន់សាលាដំបូងរាជធានីភ្នំពេញ ដើម្បីបន្តនីតិវីធី ដ្បិតការចាប់ខ្លួននោះធ្វើឡើងតាមដីការបស់ចៅក្រមស៊ើបសួរពាក់ព័ន្ធល្មើសបម្រាមរបស់តុលាការ។
អង្គការឃ្លាំមើលសិទិ្ធមនុស្សអន្តរជាតិ Human Rights Watch អះអាងថា នៅកម្ពុជា មានតែសហជីពស្និទ្ធនឹងថៅកែទេ ដែលអាចបន្តរស់រានមានជីវិតបានល្អប្រសើរ ខណៈសហជីពឯករាជ្យក្នុងវិស័យកាត់ដេរសម្លៀកបំពាក់ និងទេសចរណ៍ រងការធ្វើទុក្ខបុកម្នេញឥតស្រាកស្រាន្ត។
កូដករណាហ្គាវើលដ៍ម្នាក់ទៀតបានចូលទៅបំភ្លឺតាមការកោះហៅជាលើកទី២របស់សាលាដំបូងរាជធានីភ្នំពេញ នៅរសៀលថ្ងៃទី១៦ ខែវិច្ឆិកានេះ ពាក់ព័ន្ធនឹងបទចោទប្រកាន់ចំនួន៣ ដែលក្រុមហ៊ុនល្បែងមួយនេះបានប្ដឹងរូបគាត់។
កូដករណាហ្គាជាស្ត្រីម្នាក់ទៀតនឹងចូលទៅបំភ្លឺតាមការកោះហៅជាលើកទី២របស់តុលាការ នៅរសៀលថ្ងៃទី១៥ ខែវិច្ឆិកានេះ ពាក់ព័ន្ធនឹងបទចោទប្រកាន់ចំនួន៣ ដែលក្រុមហ៊ុនល្បែងមួយនេះបានប្ដឹងរូបគាត់។
កូដករណាហ្គាវើលដ៍ ២នាក់ បានចូលបំភ្លឺរួចរាល់នៅសាលាដំបូងរាជធានីភ្នំពេញ នៅថ្ងៃចន្ទនេះ ប៉ុន្តែនីតិវិធីរបស់តុលាការបន្តយ៉ាងណាទៀតនោះ ទាំងមេធាវីការពារក្ដី និងកូដករ នៅមិនទាន់ដឹងនៅឡើយទេ ដោយត្រូវរង់ចាំកូដករផ្សេងទៀតចូលឆ្លើយបំភ្លឺជាបន្តបន្ទាប់នាពេលខាងមុខទៀតសិន។
កូដករណាហ្គាវើលដ៏ ប្រមាណ៣០នាក់ បាននាំគ្នាទៅប្រមូលផ្តុំនៅមុខសាលាដំបូងរាជធានីភ្នំពេញ ខណៈកូដករ២នាក់ ត្រូវចូលបំភ្លឺនៅចំពោះមុខតុលាការ ក្រោមបណ្តឹងរបស់ក្រុមហ៊ុន នៅព្រឹកថ្ងៃចន្ទនេះ។
កូដករណាហ្គាវើលដ៍ នៅថ្ងៃសុក្រនេះ បានអំពាវនាវដល់ថ្នាក់ដឹកនាំនៃបណ្ដាប្រទេសជាសមាជិកអាស៊ាន ជួយជំរុញទៅរដ្ឋាភិបាលកម្ពុជាឱ្យដោះស្រាយវិវាទការងារនៅក្រុមហ៊ុនល្បែងមួយនេះ និងគោរពសិទ្ធិបញ្ចេញមតិ សិទ្ធិមនុស្ស ព្រមទាំងបញ្ឈប់ការប្រើប្រាស់អំពើហិង្សា។
កូដករម្នាក់ទៀតបានស្នើសុំពន្យារពេលចូលឆ្លើយបំភ្លឺចំពោះមុខតុលាការករណីក្រុមហ៊ុនណាហ្គាវើលដ៍ប្ដឹង ក្រោយវិវាទការងារនៅក្រុមហ៊ុនល្បែងមួយនេះបានអូសបន្លាយជិត១ឆ្នាំ ដោយពុំទាន់មានដំណោះស្រាយ។
សហជីពទ្រទ្រង់សិទ្ធិការងារបុគ្គលិកកម្មករខ្មែរនៃក្រុមហ៊ុនណាហ្គាវើលដ៍ ចាត់ទុកការបញ្ជូនដីកាកោះហៅកូដករឱ្យចូលបំភ្លឺជាបន្តបន្ទាប់ ថាជាលេសរបស់ថៅកែក្រុមហ៊ុនណាហ្គា ក្នុងការប្រើប្រាស់ប្រព័ន្ធតុលាការដាក់បន្ទុកលើកម្មកររងគ្រោះ ជំនួសឱ្យការផ្តល់យុត្តិធម៌ដល់ពួកគេ ហើយថាការប្ដឹងផ្ដល់នោះទៀតសោត បង្ហាញពីការរំលោភសិទ្ធិការងារនៅកម្ពុជាមានគ្រប់ទម្រង់។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
