ប្រមុខការទូតកម្ពុជា នឹងធ្វើដំណើរទៅចូលរួមកិច្ចប្រជុំគណៈកម្មការចម្រុះកម្ពុជា-វៀតណាមលើកទី១៦ ដោយថា ដើម្បីរឹតបន្តឹងទំនាក់ទំនងរវាងប្រទេសទាំងពីរបន្ថែមទៀត។
ក្រសួងការបរទេសឲ្យដឹងថា អាជ្ញាធរថៃបានអនុញ្ញាតឲ្យពលករខ្មែរ និងអ្នករស់នៅក្នុងបន្ទុកអាយុក្រោម១៨ឆ្នាំ ដែលពុំទាន់មានឯកសារត្រឹមត្រូវ អាចធ្វើដំណើរមកប្រទេសកម្ពុជា និងអាចវិលត្រឡប់ទៅប្រទេសថៃវិញបានក្រោយឱកាសឈប់សម្រាកបុណ្យចូលឆ្នាំខ្មែរ ដើម្បីបន្តធ្វើការងារនៅកន្លែងដើម។ ក្នុងសេចក្ដីប្រកាសព័ត៌មានចេញផ្សាយនៅថ្ងៃអង្គារនេះ ក្រសួងការបរទេសបានឲ្យដឹងថា ពលករ-ពលការិនី អាចធ្វើដំណើរចេញពីប្រទេសថៃគិតចាប់ពីថ្ងៃទី១១ ខែមេសា និងត្រូវវិលត្រឡប់ទៅកន្លែងការងារនៅថៃវិញ មិនឲ្យហួសពីថ្ងៃទី២០ ខែមេសា ឆ្នាំ ២០១៦ ដោយពុំតម្រូវឲ្យបង់ថ្លៃសេវាកម្មអ្វីទាំងអស់នៅច្រកព្រំដែន
ក្រសួងការបរទេសបញ្ជូនមន្ត្រីមួយរូបរបស់ខ្លួនគឺលោក ហុង បញ្ញារិទ្ធ ដែលត្រូវជាកូនប្រសារលោក សុខ អាន រដ្ឋមន្ត្រីទទួឡបន្ទុកទីស្ដីការគណៈរដ្ឋមន្ត្រី ឲ្យទៅកាន់ការងារការទូតនៅប្រទេសកូរ៉េខាងត្បូងបណ្ដោះអាសន្ន ជំនួសអតីតឯកអគ្គរាជទូតលោក ស៊ុត ឌីណា ដែលត្រូវបានឃុំខ្លួនកាលពីដើមសប្ដាហ៍នេះ ដោយត្រូវចោទប្រកាន់ពីបទពុករលួយ។
ក្រសួងការបរទេសកម្ពុជាបានឲ្យដឹងថាអាជ្ញាធរថៃបានឃាត់ទូកនេសាទថៃ ដោយសង្ស័យថាជួញដូរពលករខ្មែរ១៥នាក់។ នៅក្នុងសេចក្តីប្រកាសព័ត៌មានមួយចេញផ្សាយនៅថ្ងៃពុធនេះ ក្រសួងការបរទេសបានឲ្យដឹងថាកាលពីថ្ងៃទី ២១ ខែមករា អាជ្ងាធរថៃបានឃាត់ទូកនេសាទថៃចំនួន២គ្រឿងហើយឃើញមានពលករខ្មែរ១៥នាក់ដែលអាជ្ងាធរថៃសង្ស័យជាជនរងគ្រោះដោយសារការជួញដូរមនុស្ស។ សេចក្តីប្រកាសព័ត៌មានបន្តថាអាជ្ញាធរបាននាំយកពលករខ្មែរទាំងនោះទៅរក្សាទុកនៅមជ្ឈមណ្ឌលស្តារនិតិសម្បទាជនរងគ្រោះដោយការជួញដូរមនុស្សខេត្តRanong។
ព្រះមហាក្សត្របានចេញព្រះរាជក្រឹត្យមួយ ដោយសម្រេចផ្លាស់ប្តូរឯកអគ្គរាជទូត២រូប ឲ្យវិលត្រឡប់មកប្រទេសកម្ពុជាវិញនិងដាក់មន្រ្តីនៅក្រសួងការបរទេសបំពេញតំណែងនោះ។ ក្នុងព្រះរាជក្រឹត្យដាច់ដោយឡែកចុះថ្ងៃទី១១ខែមករា ព្រះមហាក្សត្រកម្ពុជា ព្រះបាទបរមនាថនរោត្តម សីហមុនី បានត្រាស់បង្គាប់ឲ្យរដ្ឋាភិបាលផ្លាស់ប្តូរឯកអគ្គរាជទូតប្រចាំប្រទេសម៉ាឡេស៊ីនិងបារាំង។ ឯកអគ្គរាជទូតប្រចាំប្រទេសម៉ាឡេស៊ីព្រះអង្គម្ចាស់អរុណរស្មី ត្រូវផ្លាស់ជំនួសដោយលោកស្រី រត្ន ម៉ានីនិងឯកអគ្គរាជទូតកម្ពុជាប្រចាំប្រទេសបារាំងនិងជាឯកអគ្គរាជទូតតែងតាំងនៅប្រទេសអេស្ប៉ាញ អ៊ីតាលី ព័រទុយហ្គាល់ ក្រិច បុរីអង់ដ័រ និង ស៊ីប្រ លោក នុត ណារ៉ាង ត្រូវផ្លាស់ជំនួសដោយលោក ចែម វីឌ្យ៉ា។
ក្រសួងការបរទេសកម្ពុជាបានឲ្យដឹងថាមន្រ្តីរបស់ស្ថាប័នមួយចំនួនបានប្រើប្រាស់លិខិតឆ្លងដែនផ្លូវការដែលក្រសួងបានចេញឲ្យ ទៅធ្វើជាពលករនៅក្រៅប្រទេស។ កាលពីថ្ងៃទី៤ ខែមិនា ក្រសួងការបរទេសកម្ពុជាបានចេញលិខិតមួយទៅកាន់រដ្ឋមន្រ្តីក្រសួងមហាផ្ទៃ លោក ស ខេង ដោយស្នើដកលិខិតឆ្លងដែនផ្លូវការមន្រ្តីរដ្ឋាភិបាល ពេលបញ្ចប់បេសកកម្មនៅក្រៅប្រទេស។ លិខិតបញ្ជាក់ថាក្រសួងនឹងប្រគល់លិខិតឆ្លងដែនផ្លូវការទាំងនោះទៅវិញនៅពេលមន្រ្តីនោះត្រូវមានបេសកកម្មនៅបរទេសជាថ្មី។ ក្រសួងការបរទេសមិនបានបញ្ជាក់ពីមូលហេតុនៃចំណាត់ការនេះនោះទេ។
ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានជួយស្ត្រីខ្មែរ៤នាក់ដែលបានទៅធ្វើការតាមផ្ទះក្នុងប្រទេសម៉ាឡេស៊ី ឲ្យវិលត្រឡប់មកកម្ពុជាវិញ។ ក្នុងសេចក្តីប្រកាសព័ត៌មានមួយចេញផ្សាយនៅថ្ងៃអង្គារនេះ ក្រសួងការបរទេសឲ្យដឹងថាស្ត្រី៤នាក់ដែលបានទៅធ្វើការតាមផ្ទះនៅប្រទេសម៉ាឡេស៊ីហើយត្រូវបានជាប់ឃុំឃាំងនៅជំរុំBalantik Campក្នុងរដ្ឋ Kedahត្រូវបានស្ថានទូតកម្ពុជាជួយអន្តរាគមន៍ឲ្យបានត្រឡប់មកស្រុកកំណើតវិញ។
ក្រសួងការបរទេស និងសហប្រតិបត្ដការអន្ដរជាតិឲ្យដឹងថា ស្ថានឯកអគ្គរាជទូតកម្ពុជាប្រចាំប្រទេសម៉ាឡេស៊ីបានជួយអន្ដរាគមន៍ជួយពលការិនីខ្មែរចំនួន៣នាក់ដែលបានទៅធ្វើការនៅប្រទេសម៉ាឡេស៊ី ហើយជួបប្រទះនឹងការលំបាកក្នុងការងារឲ្យបានវិលត្រឡប់មកកម្ពុជាវិញ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
