អតីតតំណាងរាស្រ្តគណបក្សសមរង្ស៊ី មណ្ឌលខេត្តកណ្ដាល និងជាសមាជិកគណៈកម្មាធិការនាយក និងជាសមាជិកក្រុមការងារខេត្តមួយនេះ គឺលោក ឃឹម ឡាគី បានដាក់ពាក្យសុំបង្កើតគណបក្សថ្មីនៅក្រសួងមហាផ្ទៃ បន្ទាប់ពីលោកបានសិទ្ធិធ្វើនយោបាយឡើងវិញនៅខែសីហា។
មន្ត្រីជាន់ខ្ពស់ក្រសួងមហាផ្ទៃ និងក្រសួងវប្បធម៌និងវិចិត្រសិល្បៈ អះអាងថា ផលិតកម្មមួយដែលថតវីដេអូចម្រៀងបង្ហាញរូបភាពកាំភ្លើងជាក្រុម មិនមានផលប៉ះពាល់អ្វីដល់សន្តិសុខសង្គមឬវប្បធម៌ជាតិនោះទេ។
ក្រសួងមហាផ្ទៃ ព្រមានជាថ្មីទៀតថានឹងមិនចុះបញ្ជីគណក្សនយោបាយឱ្យ «គណបក្សបេះដូងជាតិ» ដែលជាគណបក្សមួយបង្កើតឡើងដោយសមាជិកនៃអតីតគណបក្សសង្រ្គោះជាតិ ប្រសិនបើគណបក្សនេះមិនអនុលោមឱ្យស្របតាមច្បាប់ស្តីពីគណបក្សនយោបាយ។
អង្គការមួយចំនួនដែលគ្រោងជួបក្រសួងមហាផ្ទៃជាថ្មីទៀតនៅសប្តាហ៍ក្រោយ បាននិយាយប្រហាក់ប្រហែលគ្នាថា ពួកគេចង់ឃើញក្រសួងសាមីមួយនេះ បង្ហាញឆន្ទៈពិតក្នុងនាមជាអ្នកសម្របសម្រួលឲ្យកែច្បាប់ ដើម្បីបើកលំហសេរីភាពតបតាមរដ្ឋធម្មនុញ្ញឡើងវិញ ក្រោយពីរដ្ឋាភិបាលបានដាក់ឲ្យប្រើច្បាប់មួយដែលពួកគេថា បានធ្វើឲ្យលំហប្រជាធិបតេយ្យរួមតូច។
ក្រសួងមហាផ្ទៃ បានរំលឹកទៅក្រុមប្រឹក្សា ស្រុក ខណ្ឌ ក្រុង រាជធានី ខេត្តទាំងអស់ ត្រូវប្រកាសទ្រព្យយ៉ាងយូរ៣០ថ្ងៃ បន្ទាប់ពីប្រកាសចូលកាន់តំណែង និងចេញពីតំណែង។
រដ្ឋមន្ត្រីក្រសួងមហាផ្ទៃបានចាត់ទុកសារអំពាវនាវកុំឲ្យពលរដ្ឋទៅបោះឆ្នោតជាផ្នែកមួយនៃការរារាំងដល់អ្នកបោះឆ្នោត ដោយព្រមានចាត់វិធានការផ្លូវច្បាប់លើអ្នកទាំងនោះ បន្ទាប់ពីមានការស្នើពីគណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប.។
គណបក្សសង្រ្គោះជាតិបានស្នើសុំក្រសួងមហាផ្ទៃជួយចាត់ចែងកម្លាំងការពារសុវត្ថិភាព ក្រោយដឹងថាយុវជន ស្រី ចំរើន ដែលបានចេញមុខជាបន្តបន្ទាប់ទាមទារឲ្យលោក កឹម សុខា ប្រធានស្តីទីគណបក្ស បកស្រាយរឿងការចោទប្រកាន់អាស្រូវស្នេហា គ្រោងហែញត្តិទៅផ្ទះរបស់លោក កឹម សុខា នៅរសៀលថ្ងៃអង្គារនេះ។ លោក ស្រី ចំរើន ដែលអះអាងខ្លួនតំណាងឲ្យនិស្សិតមកពីសាកលវិទ្យាល័យរដ្ឋនិងឯកជនមួយចំនួន អះអាងថាលោកនឹងដឹកនាំយុវជនប្រមាណ២០០នាក់ នៅវេលាម៉ោង២រសៀលថ្ងៃអង្គារនេះ ដោយដង្ហែញត្តិពីមុខរដ្ឋសភាទៅដាក់នៅការិយាល័យអង្គការសហប្រជាជាតិទទួលបន្ទុកសិទ្ធិមនុស្សនៅបឹងកេងកង រួចបន្តទៅទីស្នាក់ការបក្សសង្រ្គោះជាតិនៅចាក់អង្រែនិងបន្តទៅបន្តទៅផ្ទះលោក កឹម សុខា នៅទួលគោក។ លោក ស្រី ចំរើន បានបញ្ជាក់ថាការដង្ហែញត្តិនេះអាចជាការធ្វើដំណើរតាមរថយន្ត ម៉ូតូឬដើរតាមលទ្ធភាពដែលមាន។
ក្រសួងមហាផ្ទៃណែនាំទៅអភិបាលរាជធានីខេត្តទាំងអស់បញ្ចូលការគិតគូរដល់ជនពិការក្នុងការសាងសង់ហេដ្ឋារចនាសម្ព័ន្ធសាធារណៈនៅរដ្ឋបាលថ្នាក់ក្រោមជាតិ ដោយបញ្ជាក់ថា ដើម្បីជួយសម្រួលដល់ជនពិការក្នុងការប្រើប្រាស់ហេដ្ឋារចនាសម្ព័ន្ធសាធារណៈទាំងនោះ។
ក្រសួងមហាផ្ទៃបានសម្រេចចុះឈ្មោះគណបក្សខ្មែររួបរួមជាតិដែលមានលោក ញឹក ប៊ុនឆៃ ជាប្រធានទៅក្នុងបញ្ជីគណបក្សនយោបាយជាផ្លូវការ។ នៅក្នុងប្រកាសចុះបញ្ជីគណបក្សនយោបាយចុះថ្ងៃទី១៤ ខែមីនា ក្រសួងមហាផ្ទៃបានសម្រេចចុះឈ្មោះគណបក្សខ្មែររួបរួមជាតិដែលមានអាស័យដ្ឋាននៃទីស្នាក់ការកណ្តាលតាំងនៅផ្ទះលេខ១២៥F ផ្លូវម៉ាស៊ីនទឹក សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ក្នុងបញ្ជីគណបក្សនយោបាយនៅក្រសួងមហាផ្ទៃ។ គួរបញ្ជាក់ថា លោក ញឹក ប៊ុនឆៃ ត្រូវបានគេស្គាល់ច្បាស់ថាជាមនុស្សម្នាក់បានចូលរួមយ៉ាងសកម្មក្នុងចលនាតស៊ូរំដោះជាតិនិងជាអ្នកដែលបានផ្ដួចផ្ដើមគំនិតក្នុងការបង្កើតចលនាហ៊្វុនស៊ិនប៉ិចនៅតាមជំរុំជាយដែនកម្ពុជា-ថៃ។ ថ្មីៗនេះ លោកបានសម្រេចចិត្តដើរចេញពីគណបក្សហ៊្វុនស៊ិនប៉ិចមកបង្កើតគណបក្សថ្មីមួយដែលមានឈ្មោះថាគណបក្សខ្មែររួបរួមជាតិ ក្រោយពេលវិវាទផ្ទៃក្នុងគណបក្សហ្វ៊ុនស៊ិនប៉ិចបានឡើងកម្ដៅជាថ្មីក្រោយការរួបរួមគ្នាឡើងវិញ។ គួរបញ្ជាក់ថាគណបក្សដែលបានចុះបញ្ជីរួមមានគណបក្សអំណាចខ្មែរ គណបក្សយុវជនកម្ពុជានិងគណបក្សសំបុកឃ្មុំសង្គមប្រជាធិបតេយ្យ ដោយសារពួកគេបានអនុវត្តតាមមាត្រា២០ ជំពូកទី៥នៃច្បាប់ស្តីពីគណបក្សនយោបាយ ដោយប្រមូលស្នាមមេដៃពីអ្នកគាំទ្រគ្រប់ចំនួន៤ពាន់នាក់ ដាក់ជូនក្រសួងមហាផ្ទៃដើម្បីទទួលសុពលភាពជាគណបក្សនយោបាយស្របច្បាប់៕
មន្ត្រីរាជការធ្វើការនៅក្រសួងមហាផ្ទៃរិះគន់ថាក្រសួងនេះបានដាក់កំហិតឲ្យមន្ត្រីមួយចំនួនត្រូវចូលរួមបរិច្ចាកថវិកាផ្ទាល់ខ្លួនរាប់ម៉ឺនរៀលសម្រាប់យកទៅពង្រឹងគណបក្សកាន់អំណាចនៅតាមមូលដ្ឋាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
