កូដករណាហ្គាវើលដ៍ នៅថ្ងៃសុក្រនេះ បន្តនាំគ្នាយកចង្ក្រានចានឆ្នាំង ទៅចម្អិនអាហារសម្រាប់បរិភោគនៅមុខក្រុមហ៊ុន ដោយពួកគេចាត់ទុកថា នេះជាសកម្មភាពតស៊ូមតិដោយសន្តិវិធី ដើម្បីជំរុញឱ្យថៅកែក្រុមហ៊ុន និងអាជ្ញាធររដ្ឋ រកដំណោះស្រាយវិវាទការងារដោយតម្លាភាព។
ក្រុមកូដករណាហ្គាវើលដ៍រាប់សិបនាក់ នៅថ្ងៃពុធនេះ បានបន្តប្រមូលផ្ដុំគ្នាជាថ្មីទៀត និងបោះតង់ យកចានឆ្នាំងធ្វើម្ហូប នៅមុខច្រកចូលក្រុមហ៊ុនកាស៊ីណូមួយនេះ ដើម្បីទាមទារឱ្យថៅកែក្រុមហ៊ុនដោះស្រាយវិវាទការងារជូនពួកគេឱ្យស្របតាមច្បាប់ស្តីពីការងារ។
អង្គការសម្ព័ន្ធភាពពិភពលោកសម្រាប់ការចូលរួមរបស់ប្រជាពលរដ្ឋ (CIVICUS) ទាមទារឱ្យរដ្ឋាភិបាលកម្ពុជាបញ្ឈប់ការធ្វើទុក្ខបុកម្នេញលើសកម្មជនបក្សប្រឆាំង សហជីព និងប្រព័ន្ធផ្សព្វផ្សាយ ព្រមទាំងសកម្មជនផ្សេងទៀត ក្នុងពេលស្ថានភាពសិទ្ធិមនុស្ស និងលទ្ធិប្រជាធិបតេយ្យនៅកម្ពុជាបន្តធ្លាក់ចុះ។
គណបក្សភ្លើងទៀន ទាមទារឱ្យរដ្ឋាភិបាលជំរុញទៅក្រុមហ៊ុនណាហ្គាវើលដ៍ (Naga World) គោរពច្បាប់ការងារ និងបទដ្ឋានគតិយុត្តនានា ដើម្បីឱ្យមានដំណោះស្រាយវិវាទការងារ ហើយគួរតែពិនិត្យក្នុងការដកអាជ្ញាបណ្ណរកស៊ីផ្ដាច់មុខរបស់ក្រុមហ៊ុននេះ បើពិនិត្យឃើញថា អ្នកមានអំណាចនៅកាងពីក្រោយ។
កូដករណាហ្គាវើលដ៍ជាច្រើននាក់ បន្តធ្វើកូដកម្មដោយយកកន្ទេលមុងនិងតង់ទៅបោះនៅមុខក្រុមហ៊ុន ដើម្បីសម្រាកនៅទីនោះទាមទារដំណោះស្រាយការងារ ក្រោមការឃ្លាំមើលពីកងកម្លាំងនិងសន្តិសុខរក្សាសណ្ដាប់ធ្នាប់ក្រុងភ្នំពេញជាច្រើនាក់ផងដែរ។
កូដករអះអាងថា សមាជិកម្នាក់បាក់ធ្មេញដួលសន្លប់ និងមួយចំនួនទៀតរងរបួស ក្រោយប៉ះទង្គិចជាមួយកម្លាំងសន្តិសុខរបស់ក្រុមហ៊ុនណាហ្គាវើលដ៍ នៅពេលពួកគេប្រមូលផ្ដុំគ្នាតវ៉ានៅពីមុខក្រុមហ៊ុន ជំរុញឱ្យថៅកែនិងអាជ្ញាធររដ្ឋដោះស្រាយវិវាទការងារតាមច្បាប់ ខណៈកូដករមួយរូបត្រូវក្រុមអាជ្ញាធរដេញស្ទាក់រារាំងមិនឱ្យចូលទៅកន្លែងតវ៉ា។
អង្គការសង្គមស៊ីវិលជំរុញទៅរដ្ឋាភិបាលចាត់វិធានការច្បាប់លើសមត្ថកិច្ចនិងកងកម្លាំងសន្តិសុខខណ្ឌដែលបង្កហិង្សាលើក្រុមកូដករណាហ្គាវើលដ៍ជាថ្មីទៀត ដើម្បីលុបបំបាត់ការរំលោភសិទ្ធិមនុស្ស និងវប្បធម៌និទណ្ឌភាពនៅកម្ពុជា។
តំណាងក្រុមកូដករអះអាងថា យ៉ាងហោចណាស់កូដករណាហ្គាវើលដ៍ចំនួន២នាក់ដួលសន្លប់ និងមួយចំនួនទៀតរងរបួសស្រាល ដោយសារប៉ះទង្គិចគ្នាជាមួយក្រុមសមត្ថកិច្ច និងកងសន្តិសុខខណ្ឌទួលគោករាប់សិបនាក់ ខណៈពួកគេនាំគ្នាដើរហែក្បួនពីក្រសួងការងារឆ្ពោះទៅកាន់ទីស្តីការគណៈរដ្ឋមន្ត្រី ដើម្បីដាក់ញត្តិស្នើសុំកិច្ចអន្តរាគមន៍ទៅរដ្ឋាភិបាលឱ្យពន្លឿនជួយដោះស្រាយបញ្ចប់វិវាទជាមួយក្រុមហ៊ុន។
កូដករណាហ្គាវើលដ៍ នៅថ្ងៃសុក្រនេះ បាននាំគ្នាយកចង្ក្រានចានឆ្នាំងទៅចម្អិនអាហារសម្រាប់បរិភោគនៅពីមុខក្រុមហ៊ុន ដោយពួកគេថា នេះជាសកម្មភាពតស៊ូមតិដោយសន្តិវិធី ដើម្បីជំរុញឱ្យថៅកែក្រុមហ៊ុន និងក្រសួងស្ថាប័នរដ្ឋ រកដំណោះស្រាយការងារដោយតម្លាភាព ឆ្លើយតបនឹងកូដកម្មអហិង្សាដែលអូសបន្លាយជិត៩ខែមកនេះ។
ក្រុមយុវជនខ្មែរថាវរៈ ជំរុញឱ្យក្រសួងកិច្ចការនារីពន្លឿនការដោះស្រាយករណីអាជ្ញាធរប្រើហិង្សានិងបៀតបៀនលើស្ត្រីកូដករណាហ្គាវើលដ៍ ដោយថា រយៈពេល៤ខែមកហើយ ក្រសួងនៅមិនទាន់ឆ្លើយតបចំពោះញត្តិដែលពួកគេស្នើឱ្យចាត់វិធានការលើអាជ្ញាធរនៅឡើយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
