អ្នកច្បាប់ថាអ្នកទទួលខុសត្រូវការបាត់បង់ព្រៃឈើជិត៦០០ហិកតានៅភ្នំតាម៉ៅគឺពាក់ព័ន្ធជាចង្កោម
មន្រ្តីកម្មវិធីបណ្ដាញសហគមន៍ នៃសមាគមការពារសិទ្ធិមនុស្ស អាដហុក ហៅការប្រព្រឹត្តបទល្មើសនេះថា ជាការទទួលខុសត្រូវជាចង្កោម ហើយបទល្មើសនេះជាប្រភេទនៃបទល្មើសព្រហ្មទណ្ឌថែមទៀត ដែលព្រះរាជអាជ្ញាជាម្ចាស់បណ្ដឹងអាជ្ញាមានភារកិច្ចក្នុងការកសាងសំណុំរឿងបញ្ជូនករណីនេះទៅតុលាការ ដើម្បីបើកការស៊ើបអង្កេតឱ្យរកឃើញពីការប្រព្រឹត្តបទល្មើស និងទោសទណ្ឌដែលត្រូវទទួលខុសត្រូវ តាមបញ្ញត្តិនៃច្បាប់ស្ដីពីរដ្ឋបាលព្រៃឈើ រួមទាំងបទដ្ឋានគតិយុត្តដទៃទៀត។