អង្គការសង្គមស៊ីវិលនិងសហគមន៍ចំនួន៤០ អំពាវនាវដល់រដ្ឋាភិបាលស៊ើបអង្កេតដោយឥតលម្អៀងលើហេតុការណ៍ប្រើហិង្សា ការឃាត់ខ្លួន និងការបំភិតបំភ័យលើអ្នកសារព័ត៌មានវីអូឌី និងសកម្មជន ព្រមទាំងផ្ដន្ទាទោសចំពោះអាជ្ញាធរដែលប្រព្រឹត្តអំពើល្មើសនឹងច្បាប់ ដើម្បីផ្តល់យុត្តិធម៌សម្រាប់ជនរងគ្រោះ។
រដ្ឋាភិបាល តាមរយៈក្រសួងយុត្តិធម៌ បានបង្កើតក្រុមការងារចំពោះកិច្ចថ្មីមួយទៀត សម្រាប់ទទួលបន្ទុកពិនិត្យ និងផ្ដល់យោបល់ផ្នែកទោសប្បញ្ញត្តិលើសេចក្ដីព្រាងច្បាប់ចំនួន៣ ដើម្បីបង្កើនប្រសិទ្ធភាពទប់ស្កាត់បទល្មើសជលផល ព្រៃឈើ និងតំបន់ការពារធម្មជាតិ ក្រោយបញ្ហានេះបានកើតឡើងនៅតំបន់ភ្នំតាម៉ៅ និងបឹងទន្លេសាប។
មេអង្គរក្សលោកនាយករដ្ឋមន្រ្តី ហ៊ុន សែន លោក ហ៊ីង ប៊ុនហៀង ថ្លែងទទួលស្គាល់ថា កូនចៅរបស់លោកដែលកំពុងបំពេញការងារនៅតំបន់ភ្នំតាម៉ៅ ពិតជាបានប្រើអំពើហិង្សាវាយអ្នកកាសែត និងយុវជនខ្មែរថាវរៈ ប្រាកដមែន។
លោកនាយករដ្ឋមន្ត្រី ហ៊ុន សែន ថ្លែងថា ការដាក់កម្លាំងនៃបញ្ជាការដ្ឋានកងអង្គរក្សចំនួនជាង១ ០០០នាក់នៅតំបន់ភ្នំតាម៉ៅនោះ គឺដើម្បីឱ្យកងកម្លាំងទាំងនោះជួយសម្អាតដីដែលត្រូវបានឈូសឆាយហើយ និងដាំកូនឈើឡើងវិញ ក្រោយពីមានភាពចម្រូងចម្រាសនៃការឈូសឆាយដីព្រៃតំបន់នេះ ទើបជំរុញឱ្យរដ្ឋាភិបាលលុបគម្រោងអភិវឌ្ឍន៍ទាំងអស់វិញ។
សង្គមស៊ីវិលដែលធ្វើការពាក់ព័ន្ធសេរីភាពសារព័ត៌មាន និងសិទ្ធិមនុស្ស ចាត់ទុកការឃាត់ខ្លួនអ្នកសារព័ត៌មានវីអូឌីដែលចុះថតរូបនៅបរិវេណភ្នំតាម៉ៅថានាំឱ្យមានចំណោទសួរថាតើ«មានអ្វីលាក់លៀម»នៅទីនោះ? ខណៈការថតរូបជាសាធារណៈគឺជាសេរីភាពរបស់ពលរដ្ឋនិងអ្នកសារព័ត៌មាន ដែលមានចែងនៅក្នុងរដ្ឋធម្មនុញ្ញកម្ពុជាមាត្រា ៤១។
អ្នកសារព័ត៌មានVOD ចំនួន ៥នាក់ និងសកម្មជនបរិស្ថាន ៤នាក់ ត្រូវបានសមត្ថកិច្ចខេត្តតាកែវ ដោះលែងវិញហើយនៅយប់ថ្ងៃអង្គារនេះ ក្រោយឃាត់ខ្លួនសួរនាំជាច្រើនម៉ោង។
អ្នកសារព័ត៌មាន វីអូឌី ចំនួន ៥នាក់ ក្នុងនោះជា ជនជាតិខ្មែរ៤នាក់ និងបរទេសម្នាក់ ត្រូវបានសមត្ថកិច្ចខេត្តតាកែវឃាត់ខ្លួន ខណៈពួកគេចុះយកព័ត៌មាន និងថតរូបនៅក្នុងបរិវេណ ភ្នំតាម៉ៅ ស្របពេលលោកនាយករដ្ឋមន្ត្រី ហ៊ុន សែន ទើបតែចេញបញ្ជាឱ្យលុបចោលទាំងអស់ចំពោះសកម្មភាពដោះដូរនិងអភិវឌ្ឍតំបន់ភ្នំតាម៉ៅ ក្រោយមានប្រតិកម្មពីមហាជនយ៉ាងច្រើន។
កាលពីថ្ងៃទី៧ ខែសីហា ឆ្នាំ២០២២ លោកនាយករដ្ឋមន្ត្រី ហ៊ុន សែន បាន សម្រេចលុបចោលគម្រោងអភិវឌ្ឍន៍នៅតំបន់ភ្នំតាម៉ៅ ពីក្រុមហ៊ុនឡេងណាវ៉ាត់ត្រា និងបានបង្គាប់ឱ្យមានការដាំដើមឈើឡើងវិញ។ ដូចគ្នានេះ យុវជនក៏ចង់ឃើញរាជរដ្ឋាភិបាលកម្ពុជាដកហូតយកព្រៃសហគមន៍ឧត្តមស្រែពស់ នៅស្រុកឱរ៉ាល់ ខេត្តកំពង់ស្ពឺ និងតំបន់ទន្លេបាទី ត្រលប់មកវិញ ដូចករណីនៅភ្នំតាម៉ៅផងដែរ។
ក្រុមអង្គការសង្គមស៊ីវិល បន្ដជំរុញមហាជនចូលរួមសង្រ្គោះតំបន់ព្រៃមេត្តាធម្មជាតិ ដែលកំពុងរងការឈូសឆាយស្ទើរតែទាំងស្រុង។ ការជំរុញនេះ ធ្វើឡើងបន្ទាប់ពីរដ្ឋាភិបាលសម្រេចបញ្ឈប់ការឈូសឆាយព្រៃភ្នំតាម៉ៅទាំងអស់ ដើម្បីរក្សាដីព្រៃធម្មជាតិមួយនេះ ដោយសារមានការប្រតិកម្មយ៉ាងខ្លាំងពីមហាជន។
រដ្ឋាភិបាលអាចនឹងត្រូវចំណាយថវិការាប់សែនដុល្លារលើការដាំដើមឈើក្នុងព្រៃភ្នំតាម៉ៅឡើងវិញ ដែលត្រូវបានកាប់បំផ្លាញកាលពីសប្តាហ៍មុន ក្នុងនោះគេក៏សង្កេតឃើញមានការចូលរួមក្នុងការស្ដារ ឬជួសជុលការខូចខាតព្រៃបាត់បង់ឡើងវិញទាំងនេះពីអ្នកស្រឡាញ់បរិស្ថាននានា និងមួយផ្នែកធំដោយឧកញ៉ា ម៉ុង ឫទ្ធី ផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
