រុស្ស៊ីទំនងជាកំពុងពឹងផ្អែកលើសព្វាវុធពីសម្ពន្ធមិត្តរបស់ខ្លួន រួមមាន ប្រទេសបេឡារុស អ៊ីរ៉ង់ និងកូរ៉េខាងជើង ខណៈកងកម្លាំងរបស់ខ្លួនកំពុងខ្វះអាវុធប្រើប្រាស់ក្នុងសង្រ្គាមនៅអ៊ុយក្រែន។
ប្រទេសរុស្ស៊ី បានឱ្យដឹងថា ខ្លួននឹងបន្តចូលរួមអនុវត្តកិច្ចព្រមព្រៀងនាំគ្រាប់ធញ្ញជាតិចេញតាមច្រកសមុទ្រខ្មៅ (Black Sea Grain Initiative) ដែលខ្លួនបានប្រកាសផ្អាកអនុវត្តកិច្ចព្រមព្រៀងនេះ កាលពីថ្ងៃទី២៩ ខែតុលា ឆ្នាំ២០២២ ដែលអាមេរិកព្រមានថានឹងបង្កឱ្យមានវិបត្តិស្បៀងអាហារទូទាំងពិភពលោក។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី៣ ខែវិច្ឆិកា ឆ្នាំ២០២២នេះ។
អ្នកនាំពាក្យក្រសួងការបរទេសសហរដ្ឋអាមេរិក លោក ណេត ប្រាយស៍ (Ned Price) បានឱ្យដឹងថា ការប្រកាសរបស់រុស្ស៊ី ក្នុងការផ្អាកអនុវត្តកិច្ចព្រមព្រៀងនាំគ្រាប់ធញ្ញជាតិចេញតាមច្រកសមុទ្រខ្មៅ (Black Sea Grain Initiative) នឹងមានផលប៉ះពាល់ដល់សន្តិសុខស្បៀងលើពិភពលោក និងធ្វើឱ្យតម្លៃស្បៀងអាហារឡើងថ្លៃ។
អូស្ត្រាលី បានឱ្យដឹងនៅថ្ងៃព្រហស្បតិ៍នេះថា ខ្លួននឹងបញ្ជូនទាហានជំនាញចំនួន៧០នាក់ទៅកាន់ចក្រភពអង់គ្លេស ដើម្បីជួយបណ្តុះបណ្តាលដល់ទាហានអ៊ុយក្រែននៅទីនោះ និងបញ្ជូនរថពាសដែកចំនួន៣០គ្រឿងបន្ថែមទៀតដល់អ៊ុយក្រែនផងដែរ។
លោកប្រធានាធិបតី វ៉ូឡូឌីមៀ ហ្សេលេនស្គី បានថ្លែងប្រាប់សន្និសីទស្តីពីការកសាងអ៊ុយក្រែនឡើងវិញ តាមរយៈប្រព័ន្ធវីដេអូ នៅថ្ងៃអង្គារនេះ ថាគ្រាប់រ៉ុក្កែតរបស់រុស្ស៊ី និងយន្ដហោះដ្រូន (drone) ដែលផលិតដោយអ៊ីរ៉ង់ បានបំផ្លាញវិស័យថាមពលរបស់ប្រទេសលោកអស់ច្រើនជាងមួយភាគបី គិតរហូតមកដល់ពេលបច្ចុប្បន្ន។
សហភាពអឺរ៉ុប និងអង់គ្លេស ដាក់ទណ្ឌកម្មលើប្រទេសអ៊ីរ៉ង់ ចំពោះការផ្តល់យន្តហោះគ្មានមនុស្សបើកឱ្យរុស្ស៊ី ដើម្បីប្រើប្រាស់សម្រាប់ការវាយប្រហារនៅក្នុងប្រទេសអ៊ុយក្រែន
សហរដ្ឋអាមេរិក បាននិយាយកាលពីថ្ងៃព្រហស្បតិ៍ម្សិលមិញថា យោធាអ៊ីរ៉ង់កំពុងបង្វឹកកងកម្លាំងរុស្ស៊ីអំពីរបៀបប្រើប្រាស់យន្តហោះគ្មានមនុស្សបើក ដែលផលិតដោយអ៊ីរ៉ង់ នៅក្នុងតំបន់គ្រីមេ ដើម្បីវាយប្រហារគោលដៅនានាក្នុងប្រទេសអ៊ុយក្រែន។
អ៊ុយក្រែនកំពុងរឹតត្បិតលើការប្រើប្រាស់អគ្គិសនីទូទាំងប្រទេសជាលើកដំបូង នៅថ្ងៃព្រហស្បតិ៍នេះ បន្ទាប់ពីការវាយប្រហារដោយមីស៊ីល និងយន្តហោះគ្មានមនុស្សបើក (Drone) របស់រុស្ស៊ី ដែលបានបំផ្លាញរោងចក្រថាមពលមួយចំនួន នៅមុនរដូវរងាចូលមកដល់។
មន្ត្រីជាន់ខ្ពស់អ៊ីរ៉ង់ បាននិយាយថា អ៊ីរ៉ង់បានសន្យាថានឹងផ្ដល់ឱ្យរុស្ស៊ីនូវមីស៊ីល SSM បន្ថែមទៅលើយន្តហោះគ្មានមនុស្សបើក ដែលជាចំណាត់ការមួយទំនងជាធ្វើឱ្យសហរដ្ឋអាមេរិក និងមហាអំណាចលោកខាងលិច មានការខឹងសម្បា។
ក្រសួងថាមពលរបស់ប្រទេសអ៊ុយក្រែន បាននិយាយថា ប្រទេសជប៉ុនបានត្រៀមខ្លួនរួចជាស្រេចក្នុងការជួយដល់កិច្ចខិតខំប្រឹងប្រែងក្នុងស្ដារឡើងវិញនូវរោងចក្រថាមពលដែលរងការខូចខាតក្នុងអំឡុងពេលឈ្លានពានរបស់យោធារុស្ស៊ី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
