អតីតនាយករដ្ឋមន្ត្រីម៉ាឡេស៊ីប្តឹងនាយករដ្ឋមន្ត្រីបច្ចុប្បន្ន​ពីបទពុករលួយ​

អតីតនាយករដ្ឋមន្ត្រី​ម៉ាឡេស៊ីលោក ម៉ាហាធា មូហាមេដ (ឆ្វេង) និងលោក ណាជីប រ៉ាហ្សាក់ (រូបភាពពី Reuters)

អតីតនាយករដ្ឋមន្ត្រី​ម៉ាឡេស៊ីលោក ម៉ាហាធា មូហាមេដ បានដាក់ពាក្យប្តឹងទៅតុលាការប្តឹងនាយករដ្ឋមន្ត្រី​បច្ចុប្បន្នលោក ណាជីប រ៉ាហ្សាក់ ដោយចោទថាពាក់ព័ន្ធអំពើពុករលួយនិងធ្វើឲ្យគេមើលឃើញរូបភាពមិនល្អដល់មន្ត្រីសាធារណៈទូទៅ។​

ក្នុងសេចក្តីថ្លែងការណ៍របស់ក្រុមអ្នកច្បាប់លោក ម៉ាហាធា មូហាមេដ ចេញផ្សាយនៅថ្ងៃពុធនេះ​ចោទ​ថាលោក ​ណាជីប ប្រើតួនាទីរំលោភអំណាចប្រព្រឹត្តអំពើពុករលួយ។​

នាយករដ្ឋមន្ត្រីម៉ាឡេស៊ីលោក ណាជីប រ៉ាហ្សាក់ រងការចោទប្រកាន់ថាបានយកលុយគម្រោងអភិវឌ្ឍន៍របស់ជាតិ​ប្រមាណ​៦៨០លានដុល្លារបង្វែរចូលក្នុងគណនេយ្យធនាគាររបស់ខ្លួន។​ ទោះយ៉ាងណាលោក​ច្រានចោល​ការចោទប្រកាន់ហើយលោកបញ្ជាក់ថានៅក្នុងឆ្នាំនេះលោកនឹងបញ្ជាក់ឲ្យសាធារណៈបានដឹងទាំងអស់ពីការ​ចោទប្រកាន់នានា។​

នៅក្នុងពាក្យបណ្តឹងលោក ម៉ាហាធា បានចោទលោក ណាជីប ថាបានប្រព្រឹត្តអំពើពុករលួយក្នុងតួនាទីមានចេ​តនាទាញស្ថានភាពឲ្យកាន់តែអាក្រក់ការរារាំងបន្ទុចបង្អាក់ក្នុងការស៊ើបអង្កេតរបស់មន្ត្រីមានសមត្ថកិច្ចលើ​ករណីនេះ។​

លោក ម៉ាហាធា មូហាម៉េដ បច្ចុប្បន្នមានអាយុ៩០ឆ្នាំ លោកជានាយករដ្ឋមន្ត្រីទី៤របស់ម៉ាឡេស៊ីដែលបានដឹកនាំប្រទេសរយៈពេល២២ឆ្នាំគឺពីឆ្នាំ១៩៨១ដល់ឆ្នាំ២០០៣។

ចែករំលែកព័ត៌មាន
រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

អត្ថបទទាក់ទង

សូមផ្ដល់មតិយោបល់លើអត្ថបទនេះ

ចុះឈ្មោះទទួលព្រឹត្តិបត្រព័ត៌មានវីអូឌី
តាមដានព័ត៌មាន វីអូឌី

VODEnglish.news

VODEnglish.news

Everybody Well-Informed, Everybody Empowered