អន្តរជាតិ

កន្លែងទេសចរណ៍នៅលើកោះចំនួនបីនៅថៃត្រូវអាជ្ញាធរបិទ

ដោយ វីអូឌី
| ២៦ ឧសភា ២០១៦
ម៉ោង ១៤:១៤

(រូបភាពពី Alamy Stock Photo)

រដ្ឋាភិបាលថៃសម្រេចបិទផ្អាកកន្លែងទេសចរណ៍នៅលើកោះដែលពេញនិយមចំនួន៣ចាប់ពីចុងខែឧសភានេះ ក្រោមហេតុផលដើម្បីការពារបរិស្ថានពិសេសការពារផ្កាថ្មដែលបច្ចុប្បន្នកំពុងរងការបំផ្លាញ។

តាមការចុះផ្សាយរបស់ Mail Online បានឲ្យដឹងថាអាជ្ញាធរចាប់ផ្តើមផ្អាកដំណើរការទេសចរណ៍នៅលើកោះចំនួន៣រួមមាន កោះខៃណុក កោះខៃនី និងកោះខៃណៃ។ ការបិទនេះចាប់ពីថ្ងៃទី២៤ខែឧសភាឆ្នាំ២០១៦ ចំណែកភោជនីយដ្ឋាននិងហាងលក់ឥវ៉ាន់ផ្សេងៗនៅលើនោះត្រូវរុះរើចេញ។

តាមសេចក្តីប្រកាសរបស់នាយកដ្ឋានរ៉ែនិងធនធានសមុទ្ររបស់ថៃបានបញ្ជាក់ថា រាល់សកម្មភាពភ្ញៀវទេសចរទាំងអស់ត្រូវបានហាមមិនឲ្យចូលទៅកោះតូចៗចំនួន៣នៃឆ្នេរខាងកើតរបស់កោះភូកេត។

ទោះយ៉ាងណាអាជ្ញាធរមិនបានបញ្ជាក់ថាការហាមនៅតំបន់ទេសចរណ៍នេះធ្វើឡើងបណ្តោះអាសន្នឬរហូតនោះទេ៕

អន្តរជាតិ

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។