អន្តរជាតិ

ឥណ្ឌូណេស៊ីចាប់នាវានេសាទចិនមួយគ្រឿងទៀត

លោក ឌិត សុខធី
| ៣០ ឧសភា ២០១៦
ម៉ោង ១១:២០

(រូបភាពពី CNA)

ប្រទេសឥណ្ឌូណេស៊ីកាលពីថ្ងៃសុក្រសប្ដាហ៍មុនបានចាប់នាវាចិនមួយគ្រឿងដែលសង្ស័យថាបានចូលនេសាទដោយខុសច្បាប់នៅដែនទឹកនៃកោះណាទូណា។

សេចក្ដីប្រកាសព័ត៌មានមួយពីកងទ័ពឥណ្ឌូណេស៊ីកាលពីថ្ងៃអាទិត្យម្សិលមិញបាននិយាយថា កងទ័ពជើងទឹកឥណ្ឌូណេស៊ីបានស្ទាក់ចាប់នាវាចិននោះនៅពេលកំពុងល្បាត។

យោងតាមសារព័ត៌មាន Channel News Asia បានឲ្យដឹងថាមនុស្ស៨នាក់ត្រូវបានគេរាយការណ៍ថាស្ថិតនៅក្នុងនាវាដែលអាជ្ញាធរឥណ្ឌូណេស៊ីចាប់បាននោះ។

ភាពតានតឹងផ្នែកកាទូតរវាងឥណ្ឌូណេស៊ីនិងចិនបានកើនឡើងនៅខែមីនាកន្លងមកនៅពេលប្រទេសទាំងពីរ ប្រទាញប្រទូងគ្នាជុំវិញនាវានេសាទចូលដែនទឹកនៃកោះណាទូណា។

នាវាចិនត្រូវបានអាជ្ញាធរឥណ្ឌូណេស៊ីចាប់ដោយចោទថាបានចូលនេសាទខុសច្បាប់ ខណៈក្រុងប៉េកាំងចោទឥណ្ឌូណេស៊ីថាបានវាយប្រហារទៅលើនាវាដែលនេសាទនៅលើដែនទឹករបស់ខ្លួន៕

អន្តរជាតិ

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។