រថយន្តក្រុងមួយគ្រឿង បានធ្លាក់ចូលក្នុងជ្រោះជម្រៅ ៦ម៉ែត្រមួយនៅក្នុងប្រទេសម៉ាឡេស៊ី នៅថ្ងៃនេះ ដោយបានសម្លាប់មនុស្ស ១៤នាក់ និងបណ្ដាលឲ្យមនុស្ស ១៦នាក់ទៀតរងរបួស។ នេះដោយយោងតាមការផ្សាយរបស់សារព័ត៌មាន Channel News Asia។
សារព័ត៌មាននេះបន្តថា ទារកម្នាក់ និងអ្នកបើកបររថយន្តក្រុងនោះ ក៏ស្ថិតក្នុងចំណោមអ្នកស្លាប់ ក្នុងឧប្បទ្ទវហេតុដែលបានកើតឡើងនៅព្រឹកថ្ងៃនេះផងដែរ។
ដោយយោងតាមមន្ត្រីជួយសង្គ្រោះ បានឲ្យដឹងថា ជនជាតិសិង្ហបុរី ៦ ម៉ាឡេស៊ី ៨នាក់ និងជនជាតិភូមា ២នាក់ ក៏ស្ថិតនៅក្នុងចំណោមអ្នករងរបួសនៅក្នុងគ្រោះថ្នាក់នោះផងដែរ៕
